اوعى تكون مفكر لأنك بتعمل ذنوب كتير يبقى مش من حقك تعمل طاعات وخير..
بالعكس ده انت أكتر حد مطالب يعمل طاعات عشان تمسح ذنوبك..
مع اجتهادك انك تسيب الذنب ده ..
وارتكاب المعاصي مش مبرر لترك الطاعات..
العبادات مش حكر على الصالحين بس..
"وَأَقِمِ الصَّلَاةَ طَرَفَيِ النَّهَارِ وَزُلَفًا مِّنَ اللَّيْلِ ۚ إِنَّ الْحَسَنَاتِ يُذْهِبْنَ السَّيِّئَاتِ"
ايه المانع تقرأ في المصحف رغم انك بتشرب سجائر ؟!
مش معنى انك مقصرة في الحجاب إنك كمان تضيعي الصلاة..
قال النبي ﷺ "إن مثل الذي يعمل السيئات ثم يعمل الحسنات ، كمثل رجل كانت عليه درع ضيقة قد خنقته ، ثم عمل حسنة فانفكت حلقة ، ثم عمل حسنة أخرى فانفكت أخرى حتى يخرج إلى الأرض"
نموذج المرأة الزانية اللي لما شافت كلب عطشان سقته ماء فكان سبب في ان ربنا يغفر لها ويدخلها الجنة.. لازم تتعلم منه إنك رغم ذنوبك تفضل واقف على باب ربنا وتطرق الباب بالعبادات والطاعة.. لعل العبادة ولو بسيطة تكون سبب ان ربنا يتوب عليك ويهديك ويغفرلك..
لكن إنك تيأس وتبعد وتبيع القضية معناه إنك بتحكم على نفسك بالهلاك..

أنت ليه بتهتم بإنك تسمع مقاطع للشيوخ أكتر من مقاطع القرآن؟وهل الدعاة بيجيبوا كلام من غير القرآن، وهل الشروح والكتب والتصانيف إلا نقطة من ضوء القرآن!

وليه بتهتم أنك ممكن وقتك يتنهب منك حرفيًا في مقاطع مفيدة أوغير مفيدة أكتر طبعًا، ولما ييجي مقطع قرآن قدامك بتعديه؟ انت في غنى عنه مثلًا؟!

ليه ممكن تمسك الموبايل ساعات ومش زهقان ولا حاسس بملل ومش قادر تمسك المصحف نقول أقل شئ نص ساعة!!
غريبة دي أوي..
مش يمكن أنت محروم وربنا حارمك من اللذة دي؟

ساعات في رغي لا يفيد بين البنات في التليفون، وشات هنا وهناك في كلام لو نصه أو ربعه فيه تذكير كنا قفلنا وقللنا الكلام والعمر الضايع ده!
أفتكر كان في شيخ من الأكابر لما كان بيتصل بحد بيبقى قدامه ورقة فيها هيتكلم في ايه ويسأل في إيه...تلاقيه بيسلم ويطمن ويبدأ يسأل ولما يلاقي اللي قدامه بيفتح مواضيع كان بيقطع الطريق ويكمل اللي في الورقة!
هؤلاء صاغُوا عبارات السلف أفعالًا!

طيب مش أنت عارف إن الفراغ ده مُهلك ليك؟
طيب سايب نفسك كده ليه؟ منتظر حد يخاف عليك أكتر من نفسك؟
الناس بتنصح مرة واتنين وبعدين بتزهق وتبطل تنصح،محدش عالم بحالك أكتر من نفسك، ومش مقياس طالما الناس مش بتنصحك تبقى حلو وزي الفل، ولو حلو وزي الفل لازم هتكون مقصر، مش يمكن يكون ربنا نزع من قلوبهم محبتك أو هيبتك أو الجلوس إليك!!

أنت أدرى بحالك، وحالك اللي أقصده اللي ميعرفهوش غير ربنا ثم أنت!
سيبك من التهجد والقيام لما نبقى قدام بعض، وخلينا في الخلوات!
كم ضيعت ناس وكم أذلت ناس، وكم رفعت من ناس؟

اقعد مع نفسك واعمل كشف حساب وأولى أولوياتك الصلاة والقرآن.
-مُسلم من غير قرآن = شخص تايه في صحراء ومعهوش خريطة..
مُسلم من غير صلاة = زي مذنب معهوش واسطة.

نقطة مهمة جدًا...
خلي بالك نفسك مش هتسيبك تقعد القعدة دي-المحاسبة-
لييييه طيب؟
علشان حاجتين:
-إما انها عارفة إنك مش قد كلامك ويومين وهترجع..
-أو خايفة من مشقة التكاليف، هتفضل تقولك مهو مخدش بيعذب نفسه كده، كل دي سنن كل دي أذكار وقرآن إن لبدنك عليك حقا، طب ناكل لقمة ونقوم نقيم الليل تملأ بطنك تقوم نايم،
طب بص نصلي من يوم الجمعة، طب من أول الشهر، طب من أول الفجر ووووو..
هتفضل تصرُخ سيبها تصرخ وخش بيها الجنة وانت بتضحك بدل ما تضحك هي هنا وتتشوي انت هناك!

فوق دلوقتي قبل ما تفوق على وش ملك الموت 💚💚💚💚💚💚💚💚💚💚💚💚💚💚🪴!.

-
الشيخ سمير مصطفى.

في حاجة مش فاهمها في التوبة، هو مش التوبة هو إنه أتوب من الذنب وأتوب إلى الله بصدق وإني لن أعود للذنب مرة أخرى، إذا ماذا يُقصد بإنه كلما أذنبت أتوب إلى الله ولو أذنبت نفس الذنب أتوب إلى الله وهكذا، يعني مش كده بكون بضحك على نفسي ومتوبتش أو مش توبة صادقة ؟

ج/ ما دمت في لحظة التّوبة عازما على عدم العود فذلك المطلوب

والتّوبة عبادة هي أوّل المنازل وآخرها، وما دمت بشرا فإنّك لا شكّ مذنب وستذنب فلزمك تجديد التّوبة دوما،

ولا يملّ الله حتّى تملّوا، فإنّك إنّما تعامل ربّا حليما غفورا رحيما قابلا للتّوب وغافرا للذّنب يفرح بتوبة عبده، ولولا أنّنا نذنب ونتوب لذهب الله بنا وجاء بأقوام يذنبون فيستغفرونه فيغفر لهم، جلّ وتقدّس وتبارك وعلا وارتفع.

الشيخ كمال المرزوقي

#علموا_الناس_الخير

السلام عليكم ورحمة الله وبركاته

اي حد محتاج حاجه يتواصل @ELm3dawy_bot

?هو صحيح ممكن تكوني حابة الضوافر الاكريليك وشايفة شكلها جميل
بس فيه نقطة مهمة لازم تفكر فيها
هتصلي ازاااي؟؟!!
هتقوليلي أنا أصلا مش منتظمة في الصلاة
هقولك حتى لو كنت بتضيعي الصلاة ساعات ودي حاجة كبيرة مش صغيرة بس مش زي لما تكوني ناوية تفضلي شهر أو اكتر ماتصليش أصلا مع سبق الإصرار?
شوفي وصية حبيبك النبي "ولا تترُكْ صلاةً مكتوبَةً متعمدًا ، فمن تركَها متعمِّدًا فقدْ برِئَتْ منه الذِّمَّةُ"
برئت منه الذمة= مالكيش عهد عند ربنا يغفر لك ويرحمك

حتى لو بتعملي ذنوب كتير ...سيبي باب الصلاة مفتوووح مع ربنا
باب واحد بس قادر يغير كتير في مستقبلك في الدنيا والآخرة
يلا خدي الخطوة وشيلي الضوافر الأكريليك وابدئي حافظي على صلاتك وربنا هيعينك?

#رسايل

التسبيحُ الكَثير يَصرِف عَنك ضِيق الصََدر.

د. أحمد عبد المنعم.

لو مفيش في النقاب إلّا جملة':

أنّ هذا الزيّ ارتضاه الربّ لزوجات النبيّ؛ لكفى والله!

- الشيخ مُحمد خَيري. |

القرآن نعمة، ومن نعمته على صاحبه؛ أنّه يحفظه من فضول الكلام وفضول النظر، يحفظه من مدّ البصر وتمنّي ما عند الغير، يحفظهُ من تبعات الهم وما يلحقه من قنوط وفقدان الأمل، بل ويحفظه من الرذائل ومن دوافع الذنوب،

ومن فضل القرآن على صاحبه؛ أنّه يُحيي قلبه حياةً طيّبة لا تحول ولا تزول! ")?

-ياسمين العنزي.
#افتح_مصحفك ?

صليت إستخارة وطلبت من ربنا ينورلي بصيرتي ، لما نهيت صلاتي حسيت براحه وإنشراح في قلبي ، صحيت تاني يوم وأنا متحمس وأول موصلت الشغل وقابلت أمل طلبت منها رقم والدها حسيتها اتصدمت وجوايا كنت خايف تكون صدمتها دي رفض بس سرعان متحولت صدمتها دي لإبتسامة مليانه فرحة وخجل .

أخدت منها الرقم واتصلت بيه كنت متوتر في البداية ، لكن أول مفتح الخط توتري قل وعرفته بنفسي لاقيته عارفني وعارف قصتي لما اتشهرت واكتشفت إنه معجب بقصتي لما قلتله طلبي قالي نورني في البيت نتكلم ، مكنتش عارف أحدد إن كان دا إشارة للخير ولا إيه ؟ ،لكن قررت أروح وأشوف الدنيا هتمشي إزاي .

وقفت سيارتي قدام الباب ، أخدت نفس طويل وبعدين باصيت في مراية العربية اتأكد أن شكلي مهندم، نزلت الكرسي بتاعي وقعدت عليه عليه ، لفيت الناحية التانية وأخدت الحاجات اللي جابيها، ودخلت العمارة ، وقفت قدام البيت وأنا متوتر ،جيت أرن الجرس لاقيته بعيد جدًا ؛ لذلك اتصلت بوالدها اللي ثواني ولاقيته بيفتحلي الباب وبيستقبلني بترحيب .

دخلت بحرج ورا والدها ،رحب بيا وشوية أخوها جه وقعد معانا لما شوفت أخوها مطمنتش لشكله باين عليه الرفض رغم كده كان قلبي مطمن وحسيت برضا ، في اللحظة دي بالذات حسيت إن ربنا نزل على قلبي لطف كبير وحسيت إن في حاجة حلوة منتظراني .

بدأ كلامي مع والدها عن شغلي وسألني عن شوية تفاصيل في حكايتي لغاية لما جت السيرة عن خطيبتي وليه سابتني .
_ مش حابب أفتكر وفي نفس الوقت مش حابب أجيب سيرتها ولا أحكي اللي حصل .
_ أنا هسلملك بنتي المفروض تجاوبني على كل حاجة.
_ ولا أنت مش عاوز تقول الحقيقة وبتفكر ازاي تطلع البطل البريء ؟
بصيت لأخوها اللي قال كلماته بأسلوب معجبنيش ، رديت عليه وقلت ...
_ اللي مخليني مش حابب اتكلم إن الشخصية دي كان في يوم من الأيام خطيبتي وفي نفس الوقت أنا مش الشخص اللي بيبحب يذكر الناس بسوء ببساطة بحترم العشرة حتى لو الشخص اللي قدامي محترمهاش ولا فكر فيها أصلا .
نهيت كلماتي رد عليا والدها بهدوء وقال ...
_ أنا مقدر دا وعجبني إنك مش حابب تذكر حد بحاجة سيئة بس أنا حابب أعرف.

بعد الضغط اللي كنت فيه خصوصًا إني حسيت إن والدها موافق بس حابب يعرف عشان يطمن فقررت إني أحكيله كل حاجة، لاقيته اتعاطف معايا وادايق من فعل خطيبتي السابقة واستنكر إن في ناس كده عندها إنها تدمر الناس كده عادي .
_ أفهم من كده إنك مش هتتحرك خالص وأختي هتعيش معاك بحالتك دي ؟
بصيتله بحده ممزوجة بغضب بسبب كلامه ،بصيت لوالدها وقلت ...
_ أنا في انتظار رد حضرتك ،بعد إذنك .
نهيت كلامي وبدأت أحرك الكرسي بتاعي وبمجرد ملفيت الكرسي بتاعي لاقيت أخوها قام بسرعة وفتح الباب ودا دايقني أكتر حسيتني بطرد .

رجعت البيت بضيق وأول مأمي شافتني استقبلتني بحرارة وكانت عاوزة تعرف اللي حصل ،حكيتلها وأنا مدايق طبطبت عليا بحنان أموي وقالت ...
_ ولا يهمك عادي ولو محصلش نصيب هتلاقي عرايس كتيرة وكلهم مستنين إشارة منك .
بصيتلها بحزن وقلت ...
_ لو مش أمل بيبقى مفيش غيرها هي الوحيدة اللي أول مشوفتها قلبي دق وحبيتها.
_ وزي مربنا محط حبها في قلبك زي مهيراضيك .
نهت والدتي كلامها ،اتجهت ناحية أوضتي بحزن أبدل هدومي ومجرد مدخلت لاقيت موبيلي بيرن وكان والد أمل ،مسكت الموبيل بحزن وأنا بقول جوايا لدرجادي هيرفضني بالسرعة دي .

فتحت الخط بفتور بس المفاجئة بنسبالي كانت إنهم موافقين مكنتش متخيل إن الموافقه هتجيلي بالسرعة دي ، بصيت للسما بفرحة ودموعي نزلت مكنتش متخيل إن الموافقه هتيجي بالسرعة دي سجدت لله وحمده ، ناديت على ماما وفرحتها ،أول مسمعت الخبر زغرطت بفرحة وحضنتني .

غالبًا في اللحظة دي حسيت إن ربنا بيقولي شوفت كرمي غرقك ازاي في اللحظة دي فهمت المعنى الحرفي لعبارة " رب الخير لا يأتي إلا بالخير "

#بـنـت_أبـو_عـلـي.
#شـيـمـاء_حـسـن_الـصـيـرفـي.