انا ابسط من انك تخفي عني اسرارك او تخبي عني حجات لأن اولا ميهمنيش اعرف ثانيا مجرد ما هتمشي من وشي مش هفتكرك اساسا حتي لو موجود و عايز انساك انت و أسرارك هعمل كدا فاااا بلاش تبذل مجهود انك تخبي او تداري لأن حرفيا شكلكو بيكون وحش اوي وانتو فاكرين اني مهتم اعرف

الفتره دي انا عايش في كميه توتر و قلق ولا عارف انام و هموت من التفكير وخايف من حجات بتمني متحصلش عشان بجد يعني كفايه عليا بتمني من ربنا أنها تعدي على خير ادعولي ربنا يوفقني ?

‏"أخذ الطبيبُ بمعصمي متحسِّساً
نبضاتِ قلبي ثُمَّ قالَ: غريبُ!"

لا نبض عندك أين قلبك يافتي
فأجبت قد أخذ الفؤاد حبيب

أبدى ابتسامته وقال : تجيئني؟
اذهب إليه فما سواه طبيب.. ❤

انا عمري ما حاجه حصلت معايا كانت سهله او ماشيه بسهوله وكدا انا اي خطوه بمشي فيها بتكون متعقده و مش مجرد مطب و بعد كدا الموضوع يمشي لا. بالعكس عقده ملهاش حل و روح شوف موضوع تاني و استني بردو لما يتعقد انا حرفيا لما بدخل في اي موضوع جديد او بعمل حاجه بكون مستني العقده اللي هتيجي تضيع كل اللي عملته و تهدمني و الكلام ده مش طاقه سلبيه ولا احباط ولا قله ايمان بس بصراحه كدا كتير عليا ومش بتكلم من فراغ او بصيح لا الكلام ناتج عن تعب و خساير كتير ادعولي بجد اني اكمل عشان مش عايز اوصل ل نهايه انا مش حاببها

حياة الكُبار دي too much على حد نونو زيي.