بە پشتیوانی خوای گەورە زنجیرەیەک ئامۆژگاژی و یاسای گشتی بۆ طالب علمی شەرعی بەتایبەت و هەموو موسلمانێک بەگشتی باس دەکەین ، تاکو ئەو گروپ و تاقمانەی کە لە مەنهەجی ئەهلی سوننەو جەماعە لایانداوە ، نەتوانن فێل لەموسلمانان بکەن ، چونکە ئەوان دەزانن طالب علمی ئەهلی سوننەوجەماعە هەمووکات ملی لەموو باریکترە بۆ دەقە شەرعیەکان ، بۆیە دەلیل دێننەوە کەچی له ئەسلیشدا نابێت بە دەلیل !
بۆیە لەبەر گرنگی ئەو بابەتە پێمان خۆش بوو ، چەند درعێکی بەرگری دروست بکەین ، بۆ ئەوەی شمشێری تاقمە لادەرەکان نەتوانن پێمان بگەن....
خوای گەورە یارمەتیمان بدات

تایبەت بە ئافرەتان (6)
یەکەم :گەر ئافرەتێک نیوەڕۆ کەوته سوری مانگانە کاتێک خاوێن بۆوە دەبی ئەو نوێژە نیوەڕۆیه بکاتەوە یاخود نا ؟
دووەم : گەر ئافرەت پاش عەسر خاوێن بۆوه دەبێ نوێژی نیوەڕۆش بکا یاخود تەنیا نوێژی عەسر دەکا یاخود ئەگەر دوای نوێژی عیشا خاوێن بۆوە دەبێ نوێژی مەغریبەکەش بکات یاخود نا ؟

پرسیار لە ئیمامی مالک کرا : کەسێک علمێکی چاکی پێیە لە سوننەو حەق ، ئەگەر کەسێک هات مناقەشەی لەگەل بکا ؟ فەرمووی : نەخێر ، بەڵکو با سوننەو حەققەکە ڕابگەیەنێت ، ئەگەر قبولی کرد باشە دەنا باخۆی بێدەنگ بکات !
بۆیه سەلەف ڕقیان لە چەقە چەق و مناقەشەی بێ بەرهەم دەبۆوە ، ئەگەرچی پڕ علمیش بوینە ، کەچی هی ئێستا دوو کتابی بەجوانی زەبت نەکردووە ، کەچی لەگە داروبەردی مناقەشەی دەکا...
ئامۆژگاریەکی خۆم و خۆتان دەکەم : لە چەقە چەق و مناقەشە دوورکەونەوە ، چونکە دڵی مرۆڤەکان ڕەق دەکا ، ڕق و کینە دروست دەکا ، لە عیبادەت و علم بە پاشت دەخا ....
لۆیە ابن وهب دەلێ : گوێم لە ئیمامی مالک دەبوو ، هەمووجارێ کە ئەهلی ئەهواء دەهاتنە لای بۆ مناقەشە ، پێی دەوتن : من الحمدللە گومانم لە دین و عەقیدەکەی خۆم نیه ، بەڵکو تۆ بە گومانی لەسەر ئەو بیروباوەری هەتە ، بڕۆ لەگەل کەسێک مناقەشە بکە کە وەک خۆتە .....

ابن حزم لە کتێبی (الاخلاق والسير) دەڵێ :
ئەگەر خۆ خەریک کردن بە زانست هیچ سودێکی نەبێ ، تەنیا ڕزگارت بکا لەو بیرکردنە ماندووکەرانە و ئەو خەیالاتە پڕ ئازارانەی کە لە ئەنجامی بەتاڵی و بێ ئیشی توشی کەسەکە دەبێت - کەسی بەتاڵ و بێ ئیش زۆر لە کەسێک ماندووترە وا خەریکی کارێکە چونکە ئەو بە ڕووح و نەفس ماندیه بەڵام ئەوەی خەریکی کارێکە تەنیا بە جەستە ماندووە - ئەوەنده بەسە خۆت خەریکی علم بکەی کە لەو نەخۆشیە نەفسیانە ڕزگارت دەکا کە خەلک توشی هاتووە لە ئەنجامی بەتاڵی !
ڕاست کرد ئەی ڕەحمەتت لێبی ابن حزم ، واللە کەسێک کە هەمووکاتی لە دیار تۆپانێ و یان تیکتۆک و سناپ و دۆمینە و کۆنکانی بەڕێ دەکا لە ڕووی ڕووحیەوە دەنالێنێ بەڵام هەست پێناکا ! نەخۆشە بەڵام نازانێ چیەتی ، بۆیە خەریک بوون بە علم هەموو ئەوشتانەت لەکۆل دەکاتەوە ، بەڵکو ڕووحێکی ئاسودە و ئارامت پێدەبەخشی .
بۆیە زانایانی ئوممەت هەرگیز لە علم و زانست تێرنابوون چونکه دەیانزانی گەر لەوە دوورکەونەوە ڕووحیان هەست بە ئازار دەکا و بەتالی زۆر بەئازاره بەڵام بۆ کەسێک کە زیندووبێ ، بۆیە ابن عبدالهادی کە تەلەبەی شێخ الاسلام ابن تیمیە لەوەسفی شێخەکەیدا دەلێ : ابن تیمیە قەت تێر علم نەدەبوو ، قەت بێزار نەدەبوو لە موتالەعەو خۆ خەریک کردن بە علم و گەران بەدوای زانست !
بۆیە ابن القیم بەسەرهاتێکی زۆر سەیر لە شێخەکەی دەگێرێتەوە دەەلێ : ڕۆژێک ابن تیمیە پێی وتم : جارێک نەخۆش کەوتم دکتۆر وتی نابی بخوێنیەوە و خەریکی علم بی چونکە نەخۆشیەکەت زیاد دەکا ، دەلێ منیش وتم : ناتانم نەخوێنمەوە ناتانم دووربم لە علم و زانست ، پاشان پێم وت من پرسیارێکت لێدەکەم دکتۆر : ئایا دڵخۆشی و ئاسودەیی مرۆڤەکان هۆکارێکی گەورە نین تاکو نەخۆشی لەسەر مرۆڤەکان نەهێلن ؟ وتی : بەڵێ ڕێک وایە ئاسوودەبوونی نەخۆش پاڵنەرێکی بەقوەتە بۆ نەمانی نەخۆشی . منیش پێم وت: دکتۆر دە من دڵم بەس بە علم و زانست و تەقوا خۆش دەبێت ، لەگەل ئەو شتانە هەست بە ئاسودەیی دەکەم !
دکتۆر وتی : ئەوەی توو دەیلێی لە دەرەوەی زانستی مەیە !

بۆیە خۆ خەریک کردن بە زانست و علم بەهەشتێکە تا نەیچێژی نازانی باسی چی دەکەم !
چونکە چێژەکان تا تاقی نەکەیەوە بە نوسین و قسە وەسف ناکرێن ....
نەفس حەزی لە ئیسراحەتە نازانێت ئیسراحەتیش تەنیا دوای ماندووبونە !

ئەگەر خەریکی علمی شەرعی تکایە ئاگات لە نیەتەکەت بێت !
پارچەیەک لە شەرحی (الاصول الثلاثة )

شەرحی (الكبائر )ٕ ئیمامی الذهبی

وانەی یەکەم

(التوسل ) چیە ؟ چ توسلێک مشروعە چ توسلێک ممنوعە شەرع پێ ی ڕازی نیە ؟ بەلگەکانی توسل چیە ؟ هەموو ئەوانە بە درێژی باس کراوە لەم ئەلقەیە ، بۆیە بینەری بن سودێکی چاکی دەبێ ان شاء الله....

الحمدلله ئەوەش کۆتا وانە لە نامیلکەی (ايها الولد ) ئیمامی غەزالی