Qəlbə toxunan şeir 🥀

Mükəmməl hədəf ***✨******✨******✨***

Kim Allahla yanaşı, haq­qında özünün heç bir dəlili ol­ma­dı­ğı başqa bir məbuda iba­dət edərsə, onun hesabı ancaq Rəbbi yanındadır. Şübhə­siz ki, ka­firlər nicat tapmazlar!

Muminun surəsi, 117

"...onun hesabı ancaq Rəbbi yanındadır." - SubhənAllah, nə böyük təhdiddir. Allah bizləri Odun əzabından qorusun və bizləri yanına salehlərdən olaraq alsın. Allahummə Əmin!

Bundan 20-25 il əvvəl qəzetlərin birində manqurtlar haqqında məlumat var idi. Bir insan necə manqurt edilə bilərdi; saçı qazınır, başına təzə dəvə dərisi yapışdırılır, gün altında tərk edilir, gün altında qaldıqca dəvə dərisi quruyur və həmin şəxsin başını sıxdıqca sıxırdı. Nəticədə ağrılı-acılı bu işgəncədən sonra insan ağlını itirmiş bir varlığa çevrilirdi. Nə desə onu edən, düşünə bilməyən bir varlıq. Ki onsuzda, bu hala gətirilməsinə də səbəb bu idi. Hətta orda hekayənin sonunda manqurt halına gətirilən insan anasını öldürürdü.

İndiki dövrdə, xüsusilə son illərdə, sanki hər yer manqurtlarla doludur. Nə bir şey haqqında düşünə bilmirlər, nə bir şeyi hiss edə bilmirlər, nə gördüklərindən təsirlənmirlər. Bir şey deyirsən, ya gülür, ya lağ edir, ya da aşağılayır. Uşaqlar qorxudan tir-tir əsir, baxır və gülürlər. Uşaqlar parça-parça olur, yenə baxır və gülürlər. Bir insan itirmiş olduğu övladını qoxlayır, gözlərindən öpür, son mənzilə yola salır, bir ana vəfat etmiş uşağını eynilə ilə öpür və qoxlayır, bunlar yenə də baxır və gülür. Üstünə də, daha da betər olsunlar deyirlər.

Kafir belə olsa, onun ağrılı ölümünü görəndə insan qəribə olur, özünü onun yerinə qoyursan, müəyyən vaxt ağlından çıxmır. Bəs bu insanlar başlarına dəvə dərisi qoyulmasa belə, niyə belə manqurtlaşıblar? İfadə etdiklərini, yazdıqlarını sanki özləri deyirmiş kimi düşünsələrdə, əslində isə, başı qırxılan, dəvə dərisini keçirilən və sahibi tərəfindən hər deyiləni edən şəxs kimi öz sahibləri tərəfindən idarə olunan manqurtlaşmış insanlardır bunlar.

Allah bizi onların şərrindən qorusun. Allah bizi islah etsin. Allah bizdən ağıl nemətini bir an belə olsa, almasın. Allahummə Əmin.