دبش الشتاء هذا ضيق علم و خنق و دراه كبد و تكبيط و ضيق نفس "((

كلمة "ياعيوني" متنقالش لأي حد

نحب جملة < مش من عوايدك
نحب الناس اللي تلاحظ عليا حركاتي وتصرفاتي لما يتغيرن، كأنه الشخص اللي يلاحظ الشي هذا يعني عارف طبيعتك وعارف تصرفاتك حافظك وفاهمك ف لما أنت يصير ادنى تغيير يلاحظ

عندي ثقة عجيبة مشعارف من وين جايبتها بس واثقه
أن الخير والفرح قريب قريب
رغم الاسباب صفر والامور معقده وكل شي ماشي عكس وماعنديش اي ذرة او بصيص امل
بس أملي ويقيني بالله كبير ?.

انا نراجي في عوض ربي كل شويه ، منبيش شي غير ربي يعوضني عن كل لحظة غلط عشتها ، وكل خيبه جربتها ، وكل كسره خاطر تحملتها ، محتاج ربي يعوضني عالحاجات يلي كنت نبيهم ومقدرتهومش ، بس مع هذا كله الحمدالله وكلي ثقة انه الموضوع مسأله وقت بس ? .

مفيش مكان ندمت اني سيبته انا نندم اني سيبته متأخر ?

واللي شكا منّي ومنّي شايل .
يسف البحر بي أميته و أرماله ? .

عندي القدرة على التكوّر و التشكّل في نفس التوقيت لعدّة أنماط حيث أنّي شرهَابة مع اللي سلامه حار، نشّادة علّي يقدّر السؤال، متوفّرة للي يعنيه وجودي دوّتي واجدة مع الهدراز، حانطة مع اللي عقله نظيف و بصّارة مع اللي ما عندش سوء ظنّ، ف لو لقيتني لامُبالية و جامدة و تقليديّة معاك أعرف أنّ هذا أنعكاس شخصيّتك الكلّوطة يا كلّوط

أعتراف :
انا خَاطري راجلي المُستقبلي يكُون دقة قديمة، و إنسان مثقف
و راجل عند كلمتة و واعر و معَنّد، و نا انعاند و هو يعاند لين يتنازل و يطفى عشاني
شخص يحب أم كلثوم و يسمّعني في الصبح أغنية " ما بقولش فحُبك، غير الله الله ياحبيبي".
و كان تعجبة شتاوة ولا غناوة ينابشني بيها
و رغم عدم قدرته الذاتية على الشعر، مع هذا يشعر عشان بس نفرح
شخصية محترمة، و واقف، و عمرة ما هزّئ نفسة، و ديما ب هيبتة
و معاي انا بصّار و ضحّاك.. و كل ما يلقى جوي مش سمح، يقولي "نديرلك نسكافي ؟ "
إنسان نقدر نقول عليه "لقيت على من ننسند" ✨✨✨✨✨✨✨ .

بعد طوّل مراجاة العين
جاها هاللِّي حد الزين❤️‍?