كل التوفيق إن شاءَ اللّٰه

طبيعة الإنسان تخليه دائمًا باحث عن الكَمال [اي ندري انو مستحيل يوصله، لأن الكمال خاص بالذات العَليّةِ، باللّٰهِ جلَّ في علاه]، ولكن الإنسان يحب يقترب منها، وهذا الشي يخليه دائمًا يركز على النقص الي به، يريد فلوس اكثر، يريد شهرة أكثر، يريد منصب أعلى، يريد كل شيء زيادة، وتكون عينه بعيده كل البعد عن النِّعَم الي حوله.
ماكو مشكلة إذا الإنسان يريد يطور نفسه، ومن حقه يطلب هذه المطالب، ولكن لازم دائمًا ما ينسى يشوف الي عنده قبل ما يشوف الي ما عنده، يعني لازم قبل ما تباوع للنقص حاول تاخذ لحظة من وقتك تتأمل بالشي الي هو أصلًا عندك، قراءتك لهاي الرسالة هسه دليل على نظرك السليم من العيوب، ودليل على نعمة العين الي ربك أعطاك إياها بأفضل إتقان ممكن يخطر على بال بشر، وغيره وغيره من النعم الي لو قضيت عمرك كله تحاول تعدها مستحيل تخلص.
الي اريد اگوله، انو نحن (واني أول واحد) نحتاج لحظات من يومنا نحاول نتأمل بيها شكم نعمة موجودة عدنا، حتى من نجي نصلّي و ننطق بآية: {الحمدُ للّٰه ربِّ العالمين} من سورة الفاتحة، تكون هاي الجملة طالعة من كل گلبنا، و تكون فعلًا لحظة شكر و حمد للخالق على كل شيء.

صلّوا على محمد وآل محمد
و اقرؤوا سورة الكهف

- الرساله ؛ السلام عليكم حبيبي عمار
سؤال
اني مسجل عند حيدر عبد الائمة ومكمل فصل اول وثاني
اذا ردت ابلش الثاني وياك واريد افتهم كلشي لأن الصراحة دارخ ما فاهم
شلون تنصحني ادرس ؟ يعني اشوف المحاضرة فقط ؟
احل وياك ؟
لو شلون طريقة الدراسة

متعود على السكربت

شلون سالفة هاي

اليوم إن شاءَ اللّٰه راح اصور وباجر المفروض تنزل المحاضرة الثانية

اخر سهرة قبل بداية الدوام بكلية أحلامي وبداية حقبة جديدة
خليها للذكرى، لعلها ذكرى حلوة إن شاءَ اللّٰه