⛅ Samarqandda 22-noyabr kuni kutilayotgan ob-havo
🌡 +7/+15°
Kechasi: +2 - +7°, iliq.
Kunduzi: +10 - +15°, iliq.
Havo biroz bulutli boʻladi, yogʻingarchilik kutilmaydi.
Baʼzi joylarga tuman tushishi mumkin.
Shamol sharqdan 7-12 m/s tezlikda esadi.
Quyosh chiqishi: 07:24
Quyosh botishi: 17:11

*🔰 Telegram *| Instagram | You Tube

Shaharning bir qismida tabiiy gaz uzatilishida vaqtincha uzilish bo‘ladi

“Samarqandshahargaz”gaz ta’minoti bo‘limi tomonidan Samarqand shahar Kimyogarlar qo‘rg‘onida yuqori bosimli D-219 mmli yer osti gaz quvurida ta’mirlash ishlarini olib borish ko‘zda tutilgan.

Shu munosabat bilan bugun, 21-noyabr kuni soat 9:00 dan soat 17:00 ga qadar Samarqand shahrining quyidagi mahalla va hududlarida tabiiy gaz uzatilishida vaqtincha uzilish bo‘ladi:

*Nurli kelajak;

Nurafshon;

Madaniyat;

Shukrona;

Darg‘om;

Chorbog‘;

Navroʻz;

Yoshlik;

Chilquduq;
Samarqand shahar hokimligi axborot xizmati.
*🔰 Telegram | Instagram |** You Tube

Aholi jon boshiga daromad 3 ming dollarga yetishi kutilmoqda

Majlisda Prezidentimiz o‘tgan 5 yilda har tomonlama puxta o‘ylab qabul qilingan dasturlar ijrosi qanday ta’minlangani haqida to‘xtalib oʻtdi.

- Avvalo, O‘zbekiston iqtisodiyoti 2 karra o‘sib, 100 milliard dollarlik tarixiy marradan oshdi, - dedi Prezident. - Aholi jon boshiga daromad 3 ming dollarga yetishi kutilmoqda (2018-yilda – 1 ming 600 dollar bo‘lgan).

Xususan, Jahon banki 2024-yilda O‘zbekiston Yevropa va Markaziy Osiyoda iqtisodiyoti eng tez o‘sayotgan 3 ta davlat qatoridan joy olganini e’tirof etdi.

Kambag‘allik darajasi so‘nggi 4 yilda 23 foizdan 11 foizga tushdi. Bu yil 9 foizga tushishi kutilmoqda.

Eksport qariyb 2 barobar o‘sib, ilk bor 25 milliard dollardan, oltin-valyuta zaxiralarimiz esa 40 milliard dollardan oshdi. O‘zlashtirilgan xorijiy investisiyalar hajmi 6 karra ko‘payib, buning hisobiga 1,5 millionta yuqori daromadli ish o‘rinlari yaratildi. Yalpi ichki mahsulotda investisiyalar ulushi 30 foiz darajasida ta’minlandi.

*🔰 Telegram *| Instagram | You Tube

Samarqand viloyatida eng zich aholi Kattaqo‘rg‘on shahrida istiqomat qilmoqda
Viloyat Statistika boshqarmasining xabar berishicha, Samarqand viloyatida 2024-yil 1-oktabr holatiga 1 kvadrat kilometrga o‘rtacha 254,9 kishi to‘g‘ri kelgan. Bu esa o‘tgan yilning mos davriga nisbatan solishtirilganda 5,3 kishiga ortgan (2023-yilda 1 kv. km. ga 249,6 kishi).
Shahar va tumanlar bo‘yicha qaraydigan bo‘lsak, aholi zichligining eng yuqori ko‘rsatkichi Kattaqo‘rg‘on shahrida 9 560 kishi, Samarqand shahrida  4 945 kishi, Toyloq tumanida 803,6 kishini tashkil etgan bo‘lsa, eng past ko‘rsatkichlar Nurobod tumani 33,9 kishi, Qo‘shrabot tumani 66,6 kishi, Paxtachi tumani 111,6 kishini tashkil etgan.

*🔰 Telegram *| Instagram | You Tube

⛅ Samarqandda 17-noyabr kuni kutilayotgan ob-havo
🌡 +5/+17
Kechasi: 0 - +5
Kunduzi: +12 - +17
Havo biroz bulutli boʻladi, yomgʻir yogʻishi kutilmaydi. Baʼzi joylarga tuman tushishi mumkin.
Shamol sharqdan 7-12 m/s tezlikda esadi.
Quyosh chiqishi: 07:18
Quyosh botishi: 17:15

*🔰 Telegram *| Instagram | You Tube

❗**Registon ko‘chasida transport vositalarining harakati vaqtincha cheklanadi

🇺🇿**18-noyabr – O‘zbekiston Respublikasi Davlat bayrog‘i qabul qilinganligining 33 yilligini keng nishonlash maqsadida Samarqand shahrida qator tadbirlar o‘tkaziladi.

Shu munosabat bilan Samarqand shahar hokimining farmoyishi qabul qilingan.

Unga ko‘ra, tadbirlar davomida jamoat tartibini saqlash va harakat xavfsizligini ta’minlash maqsadida bayram kuni soat 08:30 dan soat 11:00 ga qadar Registon ko‘chasi (Non bozorcha)dan Ko‘ksaroy maydoniga qadar transport vositalarining harakati vaqtincha cheklanadi.

*🔰 Telegram *| Instagram | You Tube

Nurobodlik morboz “Shuhrat” medali bilan mukofotlandi

O‘zbekiston Respublikasi Prezidentining “Tibbiyot xodimlari kuni munosabati bilan soha xodimlaridan bir guruhini mukofotlash to‘g‘risida”gi Farmoni e’lon qilindi.

Farmonga muvofiq, yurtimizda sog‘liqni saqlash tizimi rivojiga qo‘shgan hissasi, sohadagi islohotlar va muhim dasturlarning hayotga muvaffaqiyatli tatbiq etilishi, aholiga ko‘rsatilayotgan tibbiy xizmatlar sifatini oshirish yo‘lidagi xizmatlari, jamiyatda sog‘lom turmush tarzini targ‘ib qilishdagi faol ishtiroki uchun bir guruh tibbiyot sohasi fidoyilari turli darajadagi orden va medallar bilan mukofotlandi.

Mukofotlanganlar orasida nurobodlik morboz AlisherYormatovning soha rivoji yo‘lida amalga oshirgan uzoq yillik  fidokorona xizmatlari munosib e’tirof etilib, “Shuhrat” medali bilan taqdirlandi, deb xabar berdi Nurobod tumani hokimligi Axborot xizmati.

*🔰 Telegram *| Instagram | You Tube

Pastdargʻomda bir oila konservadan zaharlandi

Samarqand viloyati Pastdarg‘om tumanida yashovchi bir oilaning to‘rt nafar a’zosi botulizmdan zaharlanib, oilaning kenja farzandi vafot etdi. Oilaning to‘rt nafar a’zosi – er-xotin va ikki bola uy sharoitida tayyorlangan konserva mahsulotlarini iste’mol qilgan va ularning sog‘ligi yomonlashgan. Shundan so‘ng ular shifoxonaga yotqizilgan va tekshiruvlarda botulizmdan zaharlanishgani aniqlangan. Shifoxonada oilaning kenja farzandi vafot etgan. Shifokorlar bola boshqa kasallikdan vafot etganini aytgan. Bolaning onasi ham u o‘sha kuni konserva mahsuloti yemaganini, unda sudurgi kasalligi bo‘lganini ma’lum qilgan. Tuman SES xodimi esa bola ham zaharlanishdan vafot etgani va yuqumli kasalliklar shifoxonasi shifokorlari unga tashxis qo‘yishda adashganini ta’kidlamoqda.

*🔰 Telegram *| Instagram | You Tube

❗️O‘zbekistonda propan narxining oshishiga cheklov o‘rnatildi

Raqobat qo‘mitasi 6-noyabrdan boshlab propan narxining oshishiga cheklov o‘rnatdi. Qo‘mitaning 5-noyabrdagi topshirig‘iga ko‘ra, chorshanba kunidan boshlab suyultirilgan gaz narxining oshishiga sotuvchining boshlang‘ich narxiga nisbatan 20 foiz miqdorida cheklov (spred) joriy etildi. So‘nggi ikki savdo kunida propan narxi 15 foizdan ko‘proqqa qimmatladi va seshanba kuni bir tonnasi uchun 10,1 million so‘mdan oshdi. Narxlarning oshishiga taklifning kamayishi sabab bo‘lishi mumkin. Agar 1-noyabrda birjaga qo‘yilgan propan hajmi 2 ming tonnadan ortiqni tashkil etgan bo‘lsa, 5-noyabrda u 30 foizga — 1,4 ming tonnagacha kamaygan. “Spot” manbalariga ko‘ra, 6-noyabr kuni propanning birja narxi keskin pasaygan, chunki suyultirilgan gazning boshlang‘ich narxi bozor narxidan ancha past bo‘lgan.

*🔰 Telegram *| Instagram | You Tube