Лас, жеңіл дүние су астында ұзақ жатпайды. Түбі су бетіне қалқып шығады. Сол қалқып шыққаны судың тазалығын ластайды, сәнін құртады.

Өтірік те солай. Түбі өміріңіздің әсем бетіне қалқып шығады, әшкере болады. Себебі, өтірік те лас, жеңіл нәрсе. Сіз ойланбай, сол сәтте айта салуыңыз мүмкін, ол сізге жеңіл болуы ықтимал бірақ, соңғы жақсылыққа апармайды.

Себебі, ол ашылған кезде адамдар алдындағы тазалығыңызға дақ түсіп, сәніңіз құртылады. Ең бастысы, қадіріңіз кетіп, сенім жоғалады…

#таңғыой

Әдеби кітап оқысам, түрлі ойдың тоғыз торабына түсіп, шытырман шатқалына шығып, кейіпкер өміріне күңіреніп кететінім бар.

Әдеби кітап сонысымен ұнайды. Кейіпкер өмірінен көп ой түйіп, сабақ алып, санаға тоқып, өзіңе түртіп аласың.

Кейде жасыңа қосылған сандар емес, жаныңдағы адамдар, жанға түскен жаралар, денеге түскен дерттер, кірленген көңілдер, айтылмаған сөздер, сөнген сезімдер, сабырыңды сынар сынақтар сені бір-ақ сәтте есейтіп жібереді.

Өмірдің кейбір сәттерінің көріністері мәнді-сәнді, құнды болмаса да, ұмытылмай есіңде сақталып қалады екен.

Несіп Қалымбетова «Тағдыр мен тағылым»

الحمدلله على كل حال ?

Менің жазбаларымды сағындыңыздар ма дееееп өзіме көп алсам)

Өткенде бір танысым “Күйеуің екеуің ұрысасыңдар ма?” деп сұрап қалған еді. Күлдім)

Ет пен сүйектен жаралған жұмыр басты пенде болған соң, бізде де арасында ыдыс-аяқ сылдырлап тұратыны бар. Несін жасырайын? Өмірімізде бір рет ұрыспадық деген отбасы жоқ-ау.

Болмашыға баладай бұлданып, кішкентайға керісіп, сәл нәрсеге қыңырайып, әзіл сөзге томсырайып, көңіл бөл деп бұртиып, қырсықтықтың қырын көрсетіп қалатын сәт екеуімізде де болмайды емес, болааады.

Бірақ, соның бәрін айналып келіп “кешірім” деген дүние жабады, жояды. Отбасының сылдырлаған ыдысының дыбысын басып, қозғалған қабырғасын қалпына келтіретін де сол КЕШІРІМ болса керек-ті.

Тәкаппарланбай кешірім сұрап, кешіре біліп келе жатқанымызға бүгін тура 6 жыл болыпты. Аз да емес, көп те емес.

Алла кешірім сұрайтын емес, күліп еске алатын сәттерімізді көбейтсін, отағасым ❤️

Біздің өзімізді, сөзімізді, ойымызды, сезімдерімізді құнсыздандырмай, сыйлай білген адамдардың біз үшін де құндылығы артып, сыйластығымыз күшейе түсетін секілді…

Мәселенің бар екенін мойындап, шешу, күресу, шығу жолдарын іздеп, қарап, талдап, тырысу – сол мәселенің жартысын шешкеніңді білдіреді ме, қалай ойлайсыз?