Yosh yigitga maktub.
Ey Aliy…

Oilaning ilk davrlaridan sen uchun Allohning omonati bo’lgan Fotimaga go’zal muomalada bo’l. Chunki u o’z uyidan, o’z yaqinlaridan kechib, sen uchun umuman o’ziga boshqa, begona bo’lgan uyga keladi. Unga uyning har burchagi begonadek, uni o’zidan nari qilmoqchidek bo’ladi, u o’zining eski (qizlik) uyini sog’inganda, otasini, onasini, yaqinlarini mehrini qumsaganda sen unga cheksiz muhabbat eshiklari ila unga suyanadigan tog’ bo’lgin.
Axir u Allohni omonatidir, u seni yarimta qovurg’angni tik qilish, qadringni ko’tarish uchun, o’zidan, yaqinlaridan voz kechgan ojiza, nozik va go’zal qalb egasidir. Uning tuyg’ularini va ko’nglini rioyasini qil, unga aslo ozor berma!!!

Ey Aliy…
Vaqt o’tishi bilan uning qalbi va aqli senga moslashadi, u sendan dunyo emas samimiy va sof etibor ila muhabbat kutadi. Ularni rioyasini qilsang u senga vaqt o’tgan sari o’zini mustaxkam bog’ich ila bog’laydi, bitun vujudi bilan o’zini sening himoyangga topshiradi, seni himoya qo’rg’oni deb biladi. Hayot sinovlaridan charchaganida dam olish uchun sendan boshqani izlamaydi. Uning ham mehribon otasi, rahmdil onasi, sirdosh opa-singlisi ham faqat o’zing bo’lasan.

Ey Aliy…
Fotimaga go’zal muhabbat ila muomalada bo’l, u senga Allohning bergan hadyasidir.
U bir og’iz yahshi gaping, birgina tabassuming, undan rozi bo’lishing uchun o’zini qurbon qilib yuboradigan parvonangdir.

Shu aytganlarimni rioyasini qilib, Allohga tavakkul qilsang, sekin asta ikki vujud, ikki qalb va ikki ruh bir butun bo’lish uchun tayyor bo’ladi.

Ey Aliy…
Robbingni yuzi ishqida unga yetishlik yo’lidagi hamrohingni, Fotimangni ehtiyod qil!!!

*© Aliy ibn Vohid*

Ey muslima singlim o’zingizdagi iffatni, hayoni dunyoni arzimas narsalariga alishtirmang, nafsingizni hohishlariga, orzu-havaslariga uchib, unga aldanib qolmang!

Iffat bu sizdagi eng qimmatli narsa, uni boy bersangiz hechnarsasiz qolasiz!
Ikki ko’zingizni kattaroq oching, atrofga qarang, atrofdagi bo’layotgan hodisalar naxot sizni ko’zlaringizni ochmasa..
G’arbga bo’lgan intilish va ularni madaniyati tanazzulga yuz tutayotgani sizni ko’zingizni ochmayaptimi?…

Iffatsiz qizlarga tashqaridan nazar solib ko’ring! Judayam hunuk holatga guvoh bo’lasiz.

Ikki qulog’ingiz bilan yahshilab eshiting, ovozingizni chiqarib o’qing;
“Bu dunyoda sizni iffatingizdan chiroyliroq, sizdagi hayodan go’zalroq chiroyni topib bo’lmaydi aslida!”

Sizlar ummatning bo’lajak onalarisizlar, bu esa sizlarni ummatni tarbiyalovchi inson demakdir. Ummatni tarbiyalaydigan inson o’ziga bunday iffatsizlikni, hayosizlikni, nomussizlikni aslo ravo ko’rmaydi. Siz Robbingizga suyaning, undangina qalblarimgiz isloh qilishini so’rang!

Ey muslima, soliha, afifa, mastura, mo’mina singlim!
Ey hayot boshlarini egib qo’ygan mag’zuna, mazluma, muslima singillarim boshlaringizga kelayotgan qiyinchiliklarga e’tibor bermang! Alloh toqatimizdan ortig’ sinov bilan sinamaydi! Alloh bizlar bilan, U bizni judayam yahshi ko’radi. Boshimgizga tushgan musiybatlarga yechimni Allohdan duo qilib so’rang. U yo’lni o’zi ko’rsatadi!

Nima bo’lgan taqdirda ham aslo va aslo iffatingizni boy berib qo’ymang…

*© Aliy ibn Vohid*

Ey ummatning farishta bolalari, Hayyitingiz bilan…

Bugun hijriy 1445 yil, Hayyit bayrami kuni.
Aybga buyurmaysiz, bugun sizlarni emas ukalarimni, singillarimni birinchi bayram bilan tabriklayman!

Ular kimlar…
Ular ummat farzandlari, ular farishtadek begunoh, ular ko’zlari mehrga to’lgan bolalar, ular haqiqiy qahramon. Ular G’azo farzandlari…

Ey jajji qalbli, farishtadek uka-singillarim…
Alloh sizlarni suyub o’z huzuriga chaqiribdi. Sizlar hafa bo’lmang, bu yolg’onchi dunyoda qolgandan u dunyoda rohatda yashaganingiz avzal.
Ey mening sof fitratli ukalarim…
G’am chekmang! Bu dunyo o’zi shunday beshavqat va yolg’onlarga to’la. Vataningizdan havotir olmang, biz harakatdamiz, inshaAlloh bir kun uni ummatga qaytaramiz. Bu uchun tinmay harakat qilamiz, kechalarni bedor qilamiz, ilmda maxkam bo’lamiz, o’z sohamizga nisbatan omonatdor bo’lamiz. Bilaman hozircha juda ozdirmizmiz, lekin bu maqsad xaq yo’ldagi maqsaddir. Xaq yo’ldagilar esa hech qachon mag’lub bo’lishmaydi…

Bizlarni kechiring…
Sizlarni holatingizni ko’rib qo’limizdan duodan boshqa hech narsa kelmadi. Ummat uyqudaligini, ojiz va zaif ekanligimizni, ilmda ortda qolayotganimizni, sabablarni yetarlicha bajarmayotganimizni anglab tushunib yetdik. Bizni kechiring Gazo farzandlari…

Biz harakatdamiz, sizlarni esdan chiqarmadik, chiqarmaymiz ham.
Hayyit ayyomingiz muborak bo’lsin.
Alloh sizlarni o’z rahmatiga olsin jannat yuzliklarim…

*© Aliy ibn Vohid*

Ey fursati hali boy berilmagan kishi!
Senga bir achchiq lekin o’zingga kerakli bo’lgan haqiqatni aytmoqchiman.

Atrofga nazar sol!
Vaqt qanchalik o’tyapti?, odamlar nima bilan band?, sen nima bilan bandsan…

Vaqt…
Insonni o’zi vaqtdir, uning umri vaqtdir…
Har bir o’tayotgan soniyalar, daqiqalar, soatlar, kunlar, oylar bu sening umringni bir parchasi ketib, o’limga yanada yaqinlashayotganinga dalolat qiladi.
Insonlarga bir qara, hozir texnologilar zamondamiz, internet olamida nimalar bo’layotganiga o’zing guvoh bo’lib turibsan! Ijtimoiy tarmoqlardagi qo’shtirnoq ichidagi, o’zlarini bloger deb ataydigan toifani aksariga bir boq!
Kimdur o’zini hayotini ko’rsatadi, kimdur nima qilarini bilmay o’zini har ko’yga soladi, kimdur birovlarni muhokamasini qiladi, endi o’zingga savol berib ko’r, shu insonlarni kuzatishga ketayotga qimmatli bo’lgan, qaytib kelmaydigan vaqtingni shular uchun sarflashinga arziydimi?
Oxirating uchun qanday foydasi bor?

Rosululloh sollallohu alayhi va sallamning gaplarini esla;
“Ikki ne’mat borki, insonlarning ko’pi unda aldanib qolurlar: sog’lik va bo’sh vaqt”, imom Termiziy rivoyati.

Vaqt borasida Hasan Basriy rohimahulloh shunday deydilar:
“Tong ottirilgan kun borki, unda Xaq taolo tarafidan bir nido qiluvchi shunday nido qiladi:
“Ey odam bolasi! Men yangi kunman, sening amalingga guvohman. Solih amal qilish bilan meni g’animat bil. Zero, men Qiyomat kunigacha qaytmayman”.

O’zimizga bir qaraylik. Ho’sh kunimizni solih amallar bilan bezayapmizmi?

Allohni o’zining kalomida “Alloh tavba qilguvchilarni sevadi” degan so’ziga boq!
Vaqtni, fursatni boy berib qo’yma!
Tavba eshiklari ochiq bo’lgan bir paytda “Tavba” qilib Allohga tezroq qaytgin, U seni kutmoqda!
Unutma Alloh bizlarni biz o’ylagandanda yahshi ko’radi! U Rahimlilarni Rahimlisidir…

*© Aliy ibn Vohid*

Kutish…

Kutish juda qiyin lekin go’zal bo’lgan ish, kutish oshiq uchun bor bo’lishdir, chunki yo’q narsa kutilmaydi…

Kutish sadoqat demakdir…
Sadoqat esa sevgidandir..

Oshiq mashuqni go’zal gumon ila kutishchalik, go’zal kutish bo’lmasa kerak.
Ikki qalb uchun;
•Kutish-umid,
•Kutish-hech narsa evaz istamasdan sabr,
•Kutish-ko’zyoshlari diydor uchun oqadigan, qalb,
•Kutish-na vasvasalar, na vahimalar ta’sir qilmaydigan ishonch,
•Kutish-“Alloh sabr qilguvchilarni sevadi” degan hitob bilan vaslga istak,
•Kutish-Robbisi ularni aniq uchrashtirishiga va bu uchrashuv to “Jannat”ga qadar birga borishiga yaqiyn ishonch ila duo demakdir.

Bunday kutish Aliy uchun, faqatgina uning yarim bo’lagi bo’lgan Fotimasi uchundir…

*© Aliy ibn Vohid*

“Sizlarni eng yahshingiz Qur’onni o’rganib o’rgatganingizdir”

Suyukli payg’ambarimiz, olamlar sarvari, u zot uchun jonim fido bo’lsin deya muhabbatimning asl egasi bo’lgan inson, hazrati Muhammad Mustafo sollallohu alayhi va sallam…

U zotni ushbu so’zlari meni QUR’ONga yanada muhabbatli bo’lishga va bu muhabbat uni o’rganishlikga bo’lgan otashin harakat qilishdan boshqa yo’lga rozi bo’lmadi.

• Bu so’zlar musxafimni menga aytayotgan gaplaridir;

Ey Aliy…
Sen meni shunday sevginki, bu sevgiga dunyo oshiqlari havas qilsin.

Ey Aliy…
Sen meni shunday tinglaginki butun vujuding quloqga aylansin.

Ey Aliy…
Sen meni yo’g’is qolganingda shunday tilovat qilginki, ruhing tanangdan chiqib osmonlarga uchkanday rohatlansin…

Ey Aliy…
Meni shunday muhabbat va yaqiyn ixlos bilan tilovat qilginki, oshiq mashuqni bor vujudi bilan eshitganday ruhing eshitsin! Chunki men Robbingni so’zidirman, o’sha sen oshiq bo’lgan asl muhabbatning egasi bo’lgan Robbingni senga qarata aytilgan so’zidirman…

Ey Aliy…
Meni shunday o’zinga singdirginki nafaqat aqlinga joylanay, nafaqat jismingga joylanay, balki qalbinga bira-to’la joyla! Chunki o’lim senga yetib joningni olganida tanang va aqling seni tark etganda men sen bilan qoluvchi qalbingda, sen bilan doim birga bo’laman…

Ey Aliy…
Men juda rashkchiman…
Menga intilishingdagi sayi-harakatlarga, e’tiborlarga boshqalarni sherik qilma, aks holda Alloh ularni yoki meni sendan olib qo’yadi…

Ey Aliy…
Esla…

Sen o’sha tilingga olayotgan kalimalarni Rosululloh sollallohu alayhi va sallam muborak tillarida tilovat qilib berganlarini esla, sahobalar, tobe’inlar yana qancha buyuk shaxslar tilovat qilganini esla…
Sen shularni karvoniga qo’shilgin kelmayaptimi…???

Bilginki men majrux qalbga aslo joylashmasman…

Musxafimni qo’limga olganimda, u menga shu gaplarni aytayotganini eshitganday bo’laman.

Robbim menga Qur’onni “Kalaamulloh”ni nasib etgin…

*© Aliy ibn Vohid*

Vaqt…
Naqadar tez ketmoqdasana-aaa…

Bizlarga ko’pdek ko’rinasan, lek asli juda qisqasan. Baribir bevafo dunyoga bog’liqligin bordaaa…

O’lim…
Sen esa qachon kelishing ma’lum emas, hohlasang bir sonyada bizlarni bu foniy dunyodan (bekatdan) boqiy dunyoga olib ketasan. Ba’zan seni unutib qo’yamiz, huddiki hech kelmaydiganingdek bu foniy dunyoni nafsimiz tusab, yashab qoladi. Huddiki bu umrimiz bepoyondek ko’rinadi, asli dunyoni yolg’oni ham shu, u aldamchi!

Alloh o’zini kalomida;
بَلْ تُؤْثِرُونَ ٱلْحَيَوٰةَ ٱلدُّنْيَا ١٦
وَٱلْـَٔاخِرَةُ خَيْرٌۭ وَأَبْقَىٰٓ ١٧
“Balki, sizlar bu dunyo hayotini ustun qo`yasizlar.
Holbuki, oxirat yaxshiroq va boqiyroqdir.”
deb aytadi. Haqiqatan bu foniy dunyo arzimas bir matohdir…

Qalb bog’imizga birnecha gul ekganmiz, ne ko’z bilan qarayki Allohni qadari ekan, o’sha guldan biri quridi. Yaqin bir iymondoshimdan, ishq yo’lidagi hamrohimdan ayrildik. U Robbim huzuriga bizdan erta ketti, omonatni topshirdi. U bilan ko’p hayrli ishlarni, ummat oldidagi katta niyyatlarni qilgan edik, Allohni qadarida bitilgan ekan biz uchun asli qafas bo’lgan dunyodan uchib ketti…

Ey Samurayim…
sen hotirjam bo’l, birga qilgan katta niyatlaringni inshaAlloh Allohni fazli bilan mana men, ukang amalga oshiradi. Qiyomatda diydor ko’rishguncha orom ol qalbimning moychechak guli, Samurayim…

*© Aliy ibn Vohid*

Savol:
Siz Fotima bilan ko’rishmagansiz, suhbatlashmagansiz, uni yaxshi bilmaysiz, keyin u siz o’ylagandek bo’lib chiqmasachi?, siz kutgandek, siz istagandek bo’lib chiqmasachi?

Javob:
Hech qaysi bir inson mukammal emas.
Mukammallik faqat Unga hos!
Oila mukkamal inson bo’lishlik bilan saodatli oila bo’lmaydi, oila ikki taraf bir birini aybu nuqsonlariga ko’z yumsagina oila bo’ladi!
Alloh hammani juft juft qilib yaratgan, birini kamchiligini ikkinchi juftlik to’ldirishi bilan ularni bir deb atagan.

Juftliklarni qalblari bir biriga moyil bo’ladi, shuning uchun ishonamanki Robbim menga so’raganimni albatta beradi, Fotimani esa kamchiligi bilan sevdirib qo’yadigan ham Uning o’zidir…
Chunki qalblarni asl egasi “U”!

Robbimni ihtiyori esa mening hohishlarimdan ancha ustundir…

*© Aliy ibn Vohid*

Onam

Onam… Mening qalbim rayxoni.
Men sizga hozir dunyo ne’matlarini hadya qilolmasam ham, oxirat ne’matlaridan albatta hadya qilaman…

•Boshimizdan qancha qiyinchilik, sinovlar o’tganini hali esimdan chiqarmadim…
•Bir burda non uchun sovuqlarda tik oyoqda biz uchun turganizni hali esimdan chiqarmadim…
•Zulmlar, stamlar, tuhmatlar boshingizga yog’ilgan payt ham mehr qo’llaringiz tushmaganini hali esimdan chiqarmadim…
•Uyda yegulik qolmaganida, bollarim yesin deya “meni qornim to’q, men ovqatlanib oldim” degan yolg’onlaringizni hali esimdan chiqarmadim…
•Tarbiyaliy bo’lsin, aql-hushli bo’lsin, hayoli yigit bo’lsin deya ayol boshingiz bilan bergan shirin kaltaklaringizni hali esimdan chiqarmadim…
•Respublika tanlovlarida faxrli o’rinlarni olganimni ko’rib, “Bolam bor umidim sandan”degan, qalbingizdan otilib chiqgan bu nolalarni esimdan chiqarmadim…
Esmdan chiqarmayman ham…

Bu yolg’on dunyoni ne’matlarini sizlarga ravo ko’rishga or qildim to’g’risi, lekin vaqti kelib…
Siz va otamga jannatni hadya qilmagunimcha tinib-tinchimayman…

Ona…

Asli erkak ko’z yosh to’kmaydi lekin bu maktubni ko’zda to’la yosh bilan yozmoqdaman! Hali hammasi yahshi bo’ladi mening gul rayhonim, Nelufarim onam…

*© Aliy ibn Vohid*

Uzr ya Rosululloh…

Sizning ummatingiz o’laroq sunnatingizga ergasholmayapmiz, Uzr ya Rosululloh! Ergasholmayotganligimizga sabab atayin qilganimizdan emas, bilmaganimizdan ya Rosulim, ilmsizlikdan, johillikdan.
Biz harakat qilyapmiz, sunnatingizni o’rganib, o’rgatishlikga! Agar, ya Rosululloh sizning umatingiz, siz hohlagan suratda turmasa bu narsa uchun ham uzr so’raymiz. Bu holat o’tgan ajdodlarimizdan qolgan xatolar natijasi. Ammo endi biz to’g’ri yo’lga qaytyapmiz, InshaAlloh hali yana bu ummatingiz, biz uchun qadrli bo’lgan sunnatingizni mahkam tutish bilan yana azizlik topadi! Bu yo’lda biz mahkam turishlikni, sobit turishlikni Allohdan so’raymiz!

Rosululloh sollohu alayhi va salam aytganlar “Umattimdan bir toifa, xaqda zohir bo’lgan hollarida bardavom bo’lurlar (doim xaqda turadi ular), to Allohning amri kelmagunicha ularni horlaguvchilar, ularga zarar berolmaslar”
Ya Rob bizlarni Rosulimiz aytgan o’sha toifa insonlardan qilgin.

Ya Rosululloh… har gal sizni “ahboblarimni sog’indim” deb aytganligiz haqidagi voqeani eshitsam, o’sha siz sevgan ahboblar qatorida bo’lishni juda ham hohlayman ya Rosulim…

Ya Rosululloh… biz, siz va sahobalaringiz amal qilgandek islomga amal qilolmaymiz, qilolmayapmiz, lekin sizni “Siz o‘zingiz yaxshi ko‘rganlar bilan birga bo‘lasiz!” degan gapingizga qattiq ishonamiz va umid qilamiz.
Biz sizni va sahobalaringizni yahshi ko’ramiz, garchi amalimiz yetmasada… qiyomat kuni sizlarni qatoringizda bo’lishlik umidimiz bor…

Asli loyiq bo’lmasakda- Alloh taolo kamchiliklarimizni kechirishini, xatolarimizni berkitishini, gunohlarimizdan o’tishini, darajamizni ko’tarishini va qiyomat kuni; Nabiylar, Siddiqlar, Shahidlar, Olimlar, Solih bandalar bilan birga qilishini so’raymiz!

*© Aliy ibn Vohid*