بعض الشعور آكبر من حدود الكلام
‏ودك تعيده كل يوم وتفرحه

‏مثل المطر في ساحة البيت الحرام
‏لو تقدر تعيشه ماتقدر تشرحه .

أنا مقصّر .. وأنت ، حسنك تام
‏والقلب يشكي والشعور يلحّ

‏ما لك شبيه من اليمن لـ الشام
‏ومن الخطا لين الصحيح يصحّ

‏معذورة ( الاوراق ، والاقلام )
‏وش ذنبها دام الحروف تشحّ

‏صدّقني .. حتى ، ريشة الرسّام
‏مهما تحاول ما تجيبك صحّ .

يعدل مزاجي كل ماخربوه الناس
‏انا وين ابلقى واحدٍ كنه الشاهي :) .

‏لـ التحف وجه السما مشلح الليل العتيم
‏قامت الضيقه على النفس تفرض رايها

‏بين هم يـطوي اخيامه وهــمً مقيم
‏غير هـم ً شـيف مظهور ضـيقه جايها

‏ما تقّفي لين يطـعن وجعها فـ الصميم
‏وتقفي الراحه عن الحال وقت اقفايها

‏وترجع الذكرى القديمه على الجرح القديم
‏شرّفت فـ مسرح الـبال تعـزف نـايها .

‏تنكس بروقه من شمال وجنوب وشرق
‏تنكاسةٍ تبري من الخافق العلة

‏علي الحرام ان للمطر في بلادي فرق
‏مثل فرق بيت الله من بيوت خلق الله .

كل عام وانتم بخير وعساكم من عواده ?

اناعارفً ان الحال قدهو شبه معدوم
‏وكف الزمن لا شبعك لازم يجوّع

‏علومً تجي وتعدل الحال بس علوم
‏يبي لك بعدها (كيّه ) ورقية مطوّع .

‏أنا كثر الله خير صبري ، على التفكير
‏لحالي وأحارب طيفك اللي بسبع أرواح .

يااهل القلوب البيض والخاطر الطلق
‏صلّو صلاةٍ فضلها ما يخلّى

‏من سلّم وصلّى على سيّد الخَلق
‏عليه رب الخَلق سلّم وصلّى .

‏وآ لهف قلبٍ ينتظر و يتوق
‏وآماله أكبر من بخَت دنياه

‏على كثر ما كابد من الشوق
‏لا زال عايش في كنف ذكراه

‏واللي يسلّم قلبه لْـ مخلوق
‏كنّه .. مسلّم بندقه لـ عداه

‏الظاهر إنّ العاتق' المنتوق
‏ماهوب معتقنا لـ وجه الله .