Олтин нархининг 2 500 долларга чиқиши ҳам энди ёрдам бермайди

8%лик иқтисодий ўсиш ҳам. Агарда даромадларнинг ўсишига қараб харажатларни ўстириш ва харажатларни қоплаш учун қўшимча даромад топиш мусобақаси тўхтатилмаса. Тўсатдан ўсган даромадларни шу заҳоти ўзлаштириш кўникмасидан воз кечилмаса. Чунки иштаҳалар ва манфаатлар доим тезроқ чопаверади. Янги юқори харажат нормасига кўникиб олингач, ҳеч ким орқага қайтишни истамайди.

Ўзбекистон жуда юқори иқтисодий ўсиш, олтин ва миснинг рекорд нархларига қарамай бюджет дефицити кўрсаткичларининг янгилашда давом этаётгани ҳали кўп тадқиқот ва изланишларга туртки беради. Нима қилмаслик кераклиги ҳақида бизнинг хатоларимиз мисолида рецептлар пайдо бўлади.

Лекин унгача ўзимиз ўзимизни тийиш учун янги фискал қоидаларни белгилаб олмасак, ёмон аҳволимиз янада ёмонлашаверади. Чунки ҳозирги касалимизнинг умумий номи фискал масъулиятсизлик, ўзбекча номи эса оғзаки топшириқлардан бошқа тиядиган қоидаларнинг йўқлиги.

Ўзбекистон зудлик билан шартли равишда 1800 долларлик олтин, 7800 долларлик мис нархи чегараси белгилаган даромадлар доирасидаги рационал бюджетга қайтиши керак. Чизиқдан юқори даромадлар ишлатилмаслиги, жамғарилиши зарур.
Харажатлар аёвсиз ва шафқатсиз кесилиши зарур. Айниқса иқтисодиётга харажатлар, айниқса давлат бошқаруви харажатлари. Харажатлар ўсишидан манфаатдор гуруҳлар, айниқса олигархия ва монополиялар қарор қабул қилиш жараёнидан бутунлай четлаштирилиши зарур.

Ҳа, ўзбек чиновниклари ёқтирадиган ҳеч нимани ўзгартирмаслик, статус квони сақлаб қолиш варианти ҳам бор. Лекин бунда яқин орада инфляцияни ҳам, савдо дефицитини ҳам, миллий валюта курсига босимни ҳам бошқариб бўлмас стадияга кирамиз.

Telegram

bakiroo

​Биринчи чоракда давлат бюджети дефицити рекорди янгиланган Биринчи чоракнинг охирги иш кунида 3,1 трлн.сўмдан ортиқ даромад қайд этилганига қарамай, 2024 йилнинг март ойи 6,8 трлн.сўмлик дефицит билан якунланган. 2024 йилнинг дастлабки уч ойида Давлат…

Ўзбек статистикасига кўра гўшт бешинчи ой кетма-кет арзонламоқда

Март якунларига кўра, расмий инфляция янги дейиладиган даврда биринчи марта йиллик ҳисобда 8%лик кўрсатичдан пасайган ва 7,98%ни ташкил этган. Бундан пастроқ расмий инфляция 2016 йил май ойида кузатилган эди (7,7%).

Ойлик инфляция 0,7%дан иборат бўлган, хусусан ой давомида озиқ-овқатлар 0,8%га, ноозиқ-овқатлар 0,5%га, хизматлар 0,8%га қимматлаган.

Муҳим озиқлардан гуруч ва ун яна қимматлашишни бошлаган (+0,9%дан). Бошқа муҳим маҳсулотлардан сабзи (+3,4%), сут (+2,6%), шакар (+1,9%), пиёз (+1,7%), картошка (+1,3%) қимматлагани кузатилган. Статистикага кўра, гўштнинг арзонлашиши тўхтамасдан давом этмоқда. Март ойининг ҳисобга олинса (мол гўшти 0,2%га, қўй гўшти 0,1%га) бу ўтган йили ноябрдан бери бешинчи ой кетма кет гўштнинг арзонлашиши.

Статистикачиларимиз март ойида бензиннинг атига 0,1%га қимматлаганини, пропаннинг эса 3,3%га арзонлаганини қайд этишган.

stat.uz

O‘zbekiston Respublikasida iste’mol narxlari indeksi (2024-yil mart)

custom description for seo

Метан газ "потолок" нархи 3 350 сўм

Вазирлар Маҳкамасининг 2024-йил 30 мартда қабул қилинган 173/6 сонли қарори билан «метан» газ учун белгиланган энг баланд чакана нархнинг амал қилиш муддати 2024 йил 1 июнгача узайтирилиб, бир куб метр учун 3 350 сўм қилиб белгилангани эълон қилинди.

Демак, эртага, 1 апрелдан бошлаб метан заправкаларда газнинг энг баланд чакана нарх 3 350 сўм.

Telegram

MINENERGY.UZ

O‘zbekiston Respublikasi Vazirlar Mahkamasining 2024-yil 30-mart kuni qabul qilingan 173-sonli qarori bilan «metan» gaz uchun belgilangan eng baland chakana narxning amal qilish muddati uzaytirilyapti. Endilikda avtomobillarga gaz to‘ldirish kompressor shoxobchalarida…

Грузия Европа Чемпионатида! Футбол бўйича Грузия терма жамоаси 2004 йилги Европа чемпиони Грецияни плей-оффда, пенальтилар сериясида енгиб, Европа чемпионатига йўл олди. Грузиялик қардошлар, баракалла!

Грузия Европа Чемпионатида!

Футбол бўйича Грузия терма жамоаси 2004 йилги Европа чемпиони Грецияни плей-оффда, пенальтилар сериясида енгиб, Европа чемпионатига йўл олди.

Грузиялик қардошлар, баракалла!

"- Пластикда пул сақлаш хавфлими?

- Хавфсизлиги ўзимизнинг молиявий саводхонлигимизга боғлиқ".

"Россиядан бошқа давлатлардан кирувчи халқаро пул ўтказмалари 15%га ошди"

ЎзА мухбири яна ўз услубида

Kaspi.kz ва ўзбек банклари

Қозоғистоннинг Kaspi.kz необанки кеча Nasdaq платформасида навбатдаги глобал IPO амалга оширган ва 1 млрд доллар жалб қила олган. Аввалроқ необанк Лондон биржасида амалга оширган IPO орқали ҳам глобал инвесторлардан 1 млрд.доллар жалб қила олганди Эрталабки котировкалар ҳисобга олинса, Kaspi.kz бозор капитализацияси 18,8 млрд.доллардан ошган.

Солиштириш учун, Ўзбекистон банкларининг жами капитали номиналда 7,5 млрд.доллар атрофида (бозор нархи янада пастроқ).

Бугун 2023 йил якунлари бўйича ўзбек банклари жами 12,373 трлн..сўм, яъни 1 млрд.доллардан камроқ соф фойда олгани эълон қилинди. Kaspi.kz' 2023 йил 9 ойида 1,3 млрд.доллар соф фойда олишга эришганди.

Ўзбек банкларининг, айниқса давлат банкларининг ўта паст даромадлилиги ва қуйи капитализацияси самарасиз давлат назорати, зарарли маъмурий қарорлар ва примитив корпоратив бошқарув тизими билан изоҳланади.