وِرد اليوم السابع والستين من التفسير 👇🏻

3⃣1⃣ من الذنوب المنتشرة:

ان واحدة تحط صورها على السوشيال ميديا .
والأسوأ انها تحط صور واحدة متبرجة حتى لو مش ظاهر منها غير شعرها.. ما ده عورة للرجالة!

لما بتحطي صورك أو صورة أي ست ، صورك دي بتبقى في ايد البرّ والفاجر ، الصالح والطالح ، متخيلة كام واحد بيفضل يزووم على صورك ويركز في تفاصيلك؟
كل نظرة حرام ليكي = ذنب في ميزان اللي نظر وذنب في ميزانك! ؛ لانك انتي السبب

تخيلي تبقي نايمة مثلًا وعداد سيئات شغال
تموتي وعداد سيئات شغال.. متخيلة كم الذنوب ؟!

من الذنوب المنتشرة أيضًا:
وضع أغاني على الصور في الستوريز
دي مش روشنة ولا جمدان.. دي ذنوب!
متخيل كام واحد انت خدت ذنب لإنه سمع الأغنية بسببك؟
كام واحد تاب عن الأغاني انتكس بسببك؟
كام واحد حب صوت مغني بسببك فبقى متابعه ، وكل دي سيئات مبتوقفش في موازينك!

الناس بتعمل صدقات جارية
وانت بتعمل سيئات جارية؟!

ألا أدلك على عملٍ عظيم ؟

اختم القرآن تلاوةً
وكلما انتهيت مِن ختمة ابدأ غيرها

خلي وردك جزء كل يوم واختم في شهر
أو نص جزء واختم في شهرين

سُئِلَ ﷺ : أيُّ الأعمال أفضل؟

قال ﷺ : [ الحالُّ المُرتَحِل
يَضرِبُ مِن أول القرآن إلى آخره ومِن آخره إلى أوَّلِه]

قال الإمامُ السيوطي : يُسَنُ إذا فرغ مِن الختمة أن يَشْرَع في أخرى عَقِبَ الختم لِحديث الترمذي .

هجر القرآن مُصيبة!
تهجر القرآن = هتُسلب الإيمان بالتدريج
وإن سُلبتَ الإيمان = خسرت الدنيا والآخرة!

-تابِع لذنب العادة السرية-

الذنب ده في 3 بلاوي مرتبطة بيه.. عارف ايه؟

أولًا: ان بعض الناس متعود عليه ، ومش في باله يتوب منه.. يعني بيصِر عليه ، والإصرار على ذنب = يجعله من الكبائر!

ثانيًا: ان الذنب ده بيرتبط غالبًا برؤية الحرام ، يعني كل ما يتعمل بيبقى مقرون بمشاهدة الحرام ، وده أشد ذنبًا! بالذات الإباحية دي أكبر من ذنب العادة نفسه إياك تقع فيها!

جاهد نفسك في ترك الذنوب
ولما تشتد عليك الشهوة خليك ذكي
انك توقع في ذنب العادة لوحدها أهون من انك توقع في ذنب الإباحية والعادة
متكترش على نفسك أبواب النار!

ثالثًا: ان الذنب ده بيشغل صاحبه لحد ما الشيطان يخليه يتشغل بيه ويسيب أمور أهم

يعني تلاقي واحد جاي يشكيلك من ذنب العادة
تقول انت بتصلي؟ يقولك لا ، أو يقولك انه بيأخر الصلاة
يا ابني ذنب تأخير الصلاة أعظم ألف مرة!

العاقل: هو اللي يزعل على ذنب العادة ، ويزعل أضعاف على الذنوب اللي أكبر منه ، مش زعله من ذنب العادة يخليه ينسى البلاوي التانية!
ميضحكش عليك الشيطان
اوعى تبقى صِيدة سهلة.. خليك عبد فَطِن

رابعًا: ذنب العادة بيخلي كتير من الناس تبطل طاعات ، يا راجل ده في ناس بطلت صلاة بسببه!
يقولك أصل أنا منافق

يا سيدي النفاق مش كده انت فاهم غلط
طالما انت كاره الذنب و بتحاول تتوب تبقى مش منافق ، وبعدين يعني بالعقل كده ربك بلَّغك ان الحسنات بتمسح السيئات ، فلما توقع في ذنب المفروض تعمل حسنات أضعاف عشان تمسح الذنوب مش تقوم مبطل حسنات!

هقولهالك تاني: ميضحكش عليك الشيطان
اوعى تبقى صِيدة سهلة.. خليك عبد فَطِن

2⃣1⃣من الذنوب المنتشرة:
المساهمة في نشر المُنكر

طيب ازاي؟ بالتفاعل

تلاقي صورة أو ڤيديو لواحدة وممكن تكون متبرجة أو ڤيديو موسيقى أو بوست فيه شتايم أو سخرية على حاجة من الدين فتعمل ريأكت أو كومنت ، والأسوأ تعمل شير

أو تشير بوست عادي بس من صفحة كلها فواحش.. ريأكت أو كومنت أو شير كل ده بيساعد المُنكر انه ينتشر.. واحد.يقول يعني الريأكت بتاعي هو اللي هيفرق؟

يا ابني ما انت ريأكت وفلان ريأكت وعلان ريأكت فجأة تلاقي في عشر آلاف ريأكت ونلاقي الفاحشة انتشرت وانت سبب من ضمن الأسباب

وبعدين انت ملكش دعوة بغيرك انت هتتحاسب لوحدك و هتتحاسب بالذرَّة!

متساعدش الباطل بالانتشار ولو حتى بريأكت
ساعد الحق على الانتشار.. كل ما تقابل بوست ديني تفاعل معاه بنية نشر الخير

خليك مفتاح للخير

1⃣1⃣ من الذنوب المنتشرة: العادة السرية

ذنب من ذنوب الخلوات
وكما قالوا: ذنوب الخلوات أصل الإنتكاسات!

بيخليك حاسس طول الوقت بإحساس النفاق ، بيشكك فب إيمانك ، وده كفيل انه ينغص عليك صَفو الإيمان ويفقدك الخشوع!

غير انه أثره سيء على صحتك النفسية والجسدية

من مصائب الذنب ده انه ذنب إدماني
والإصرار على ذنب = يجعله من الكبائر!

-يُتبَع-

اللهم صلِّ وسلِّم على سيدنا ومولانا

اللهم كُن لإخوتنا في مسرى نبينا -ﷺ-
اللهم كُن لإخوتنا في السودان