‏وجهك هو الراوي الوحيد الذي يستحق أن أستمع إليه بكل حواسي.

كل شته يمر لازم يذكرني بيك
الدنيا چانت باردة بيوم المشيت
وبيها ما اميز المطر من الدموع
وبيها گلبي انگلب نار ومادفيت
وبيها گتلي شلونك وگتلك بخير
وگتلي منا وانتهت وانا انتهيت
وصار ليل الله على عنادي طويل
ولا صبح ربك أجه ولا انت أجيت

حاير من تجي بيا وردة الاگيك
ويا عين التكفي وبيها اخليك

تدري من ينگال اسمك
أبتسم
انت يل ماكو بجمالك
لا بواقع لا حلم
جيتك احلى
من الأحداث المهمة
الانتظرها بكل فلم

خاف اموت وما اشوفك
ديربالك على عيونك
لا يذبلها الغياب
وخاف اروح وما ابوسك
تدري بيه شگد احبك
حطلي خدك ع تراب
ومن تخلص الفاتحة بس گول احبك
حتى توصلني الأحبك بالثواب

خاف ماشوفك تعال
الليلة يمي
خلي نجمعهن سوه
همك وهمي
الليلة انا وياك نگضيها
سويه
انا ابچي عليك
وانته ابچي عَليه