تحس إنه من جوف روحك من زود .. حبّه

"وأتحرّاك.. لو مالك وعود ومواري"
‏- مشاري الصغيّر

ذخرتك للشقى صدرٍ يكفيني عن الباقين
‏وذخرتك للمدى هقوه تشتت كل ضيقاتي

‏عساها للبقى ضحكةٍ تزود فالسنين سنين
‏خلقها الله سبب كل القصيد و وزن لأبياتي

‏أنا يا ضحكة سنين الزمان و كل علمٍ زين
‏تركت الناس متعمد وعليك أسوق هقواتي

وش تبيّ بي ما وراي إلا الضياع

ملّيت من طول المدى لا وافق الحظ الشحوح
ولا صارت أوتاد الرجاء تندق بحدود الصفاة

أبني صروح المعتصم وتهدّ دنياي الصروح
‏والبرق في كبد السماء ما لاح بالمزنة ضياه

‏الصدر تطحنه المعارك والمآسي والجروح
‏والحلق لو شبيت به كبريت ولع من ظماه

ماني صلاح الدين لكنّي على عزّي لحوح
لو كان ما عندي صبر موسى ولا قوّة عصاه
- فهد السعد

"لا صرت تنشد يا رفيقي عن الحال
مالي على كتمانها عنك حيله

الصبر عن بوح الاحاسيس قتّال
والبوح في بعض المواقف فشيله

لو كل ما يطري على البال ينقال
ما كان شفت ان الثقيلة، ثقيلة

ابطيت أكافح ضيقة البال بالبال
و ادفع بلا هاجوسها كل ليلة

لين اقبلت مثل السحابة بهمال
تشفي غليل اللي تزايد غليله

اشيل حملٍ.. لو يشيلنّه جبال
الله وامانه.. غير تصبح نثيله"

__خلف بن مشعان

استخارت ضيقة الخاطر وحلّت في رحابي
‏ماتطيح الشمس ويمر العصير إلا بـ ضيقه

‏كل ماجيت أتخلّص من علامات إضطرابي
‏ماقدرت ازيّف الواقع واصد من الحقيقه

‏أذبلت في كف لوعات الشقاء زهرة شبابي
‏بعد ماطالت ليالي الهجر وامتّصت رحيقه

إستعذت من الدروب اللي نهايتها حسافه
‏قبل ترميني ملذات الزمن في جوف غِبّه

‏مايخاف المؤمن اللي فيه من ربه مخافه
‏مصدر الخوف الحقيقي واحدٍ ماخاف ربه

بحفظ الرحمن اجمعين

اللهم صلِ وسلم على نبينا محمد