الفرق مابين النسخة الي تحاول تظهرها للناس، وبين نفسك الحقيقية بينك وبين نفسك، راح تكون نفسها حجم وكمية الاكتئاب والالم والمعاناة الي راح تعيشها. برأيكم شنو يعني هل كلام ؟

الفرق مابين النسخة الي تحاول تظهرها للناس، وبين نفسك الحقيقية بينك وبين نفسك، راح تكون نفسها حجم وكمية الاكتئاب والالم والمعاناة الي راح تعيشها.
برأيكم شنو يعني هل كلام ؟

الحياة مو صعبة بس يرادلها واحد يكون يمك يگلك " أني هنا " بغالبية المواقف.

الحياة مو صعبة بس يرادلها واحد يكون يمك يگلك " أني هنا " بغالبية المواقف.

هذا الأخ هو مدرك أن هو على خطأ وهيج أشخاص مدركين بس شكو بيها؟ هواي ناس أغبياء تصدك ومستمرة بإظهار هيج ناس.

مواقع التواصل الاجتماعي سيف ذو حدين صعب تكدر تميز بي الشخص الي صدك فاهم من الشخص الي دا يمثل دور الفاهم ولذلك أغلبنا ينخدع بهواي ناس وبرامج وناس طاشة خاصة اصحاب التنمية البشرية والكلام المنمق وممكن يتخذهم قدوة بالرغم ان هذا كله مجرد فراغ وتمثيل، فاحذروا بالحكم على الاخرين والتسرع في تقريبهم لحياتكم الي محد مهتم لها أساسًا.

الرحلة فردية، مهما ازدحمت دُنياك
مهما امتلأت بالناس!
تبقى الرحلة فردية
أنت الراعي وأنت الرعية.

هسه واضحة ?

فانا اريد الك الشعور ما اريد الك الشيء نفسه لأن ممكن هو شيء مختلف يعطيك الشعور الي انا واصل اله، فانا ابتعد عن ضرب أمثلة محدودة لأن مرات الإنسان يضرب مثل و المقابل يكول لا هذا الشيء مو صحيح أنا اختلف معك و هذا الشيء ما أفضله لهذا السبب انا ابتعد عن ضرب هاي الأمثال.

و احاول تكون الأمثال عن شيء عام وهذا يجعل المقابل يدوخ وانا اعتذر لأن الموضوع صار دوخه لأن هو دوخه نفس ما اتفقت معكم، فأنا ما ممكن اوصلك لفهم جاهز لازم انما انت تصل لفهم خاص بك و يكون مناسب لك.

الموضوع صار دوخه وفوضى فممكن أشخاص من يكملون قراءه يفهمون و أشخاص يفهمون أقل من غيرهم، فالي يقرأ وعنده سؤال فليتفضل يسأل في بوت التواصل، وحقيقة اذا ابقى قرن كامل اتكلم عن حب الذات ما اكمل لأن موضوع متشعب وتفاصيل كلها تصب بنفس الموضوع.

لذلك احنا نأخذه على بساطته أن هاي الاشياء المتناقضة لازم نقبلها و لحتى نقبل هاي التناقضات لازم تكون واعي الها وحتى تكون واعي الها لازم تدرب نفسك على أن تكون واعي.

وضروري نفهم أن لازم نكون واعين بكل لحظة لأن انت بلحظة الصفنه و فجأة تصحى على نفسك لكن ما تعرف وين كان بالك و وين كنت صافن من الأساس فانت هنا من تصفن على هاي الظاهره هاي الظاهره أشبه بالنوم فانت مستيقظ بس بالحقيقة انت نايم ما موجود ما حاضر باللحظة.

فلازم تدرب نفسك أن انت تكون حاضر باللحظة لأن حضورك هذا هو الي يزيد فهمك بمرور الوقت.

وطبعا موضوع حب الذات كلنا ما خلص ما أعطيكم موعد متى انشر عن هاي السلسلة لأن هي تحتاج تطبيق و لغاية الان اكتفي بالثلاث أجزاء من أجل التطبيق لكن ممكن اتكلم باشياء متفرقة تخص الموضوع بمرور الوقت، ويجب التنويه على فقرة أنه، لا تبحث عن ما يجلب لك السعادة بل ابحث عن ما يمنعك للوصول إليها.
ودمتم بخير.

- @J_akogbot