لهسة آكل بأصبعي الأشرت بي
عليك وبي ألف نيشان خليت.

رجعتلها وگلت يلة الصلح خير
وگلت ماخشن الروح على خلها
بعدني العشرة بيهن ظال دخان
واگول من ارجع العشرة اشعللها
تخيل من أجيها كبالي شتگول ؟
واذا دمعت يمي شراح أگلها
گدرت ابتسامتها على ملگاي
وبديت ارسم على الواهس شكلها
بنيت ظنون بيض بليلة الخوف
وموتت الوساوس گبل اجلها
ابتسامة شفتي الغرگانة بالموت
گدرت ارجع من الموت أنتشلها
رجعتلها نهر شاربني الفراك
وانطيت الليالي دموعي كلها
وانا مابية اضوك الموت مرتين
وحجاية الشامت مو حملها
اخذتلها سوالف صوغة وياي
بس ما أعرف من اوصل شگلها
ومقابل صوتها ونبرة هوى وشوگ
عن راحة البال اتنازللها
رجعت وكون ماراجع تمنيت
وگلت ياريت لو ما واصللها
فهمت طيبتي وچف الصلح ثار
تصورت راجع حتى اذلها.

أراقبه لاطمئن عليه ..
فأعود مطمئنًا متألم

رُوحي بّلايه روحَك مني گام تخَاف..
الهوَى لو مّر عليها يَهزها ويُذلها..