Шояд бек ижодидан

**Ассалому алайкум ва роҳматуллоҳи ва барокатуҳ.

Хайрли тонг, қадрдонлар!
Янги тонг  барчамизга  муборак булсин!

Бу кунда Аллоҳ дуоларимизга ижобат, фарзандларимизга салоҳият, ибодатларимизга гўзаллик, ризқимизга барака берсин!  Ўзи қўллаб, ишимизни осон ва унумли қилсин!

Беморларимизга шифо, адашганларимизга ҳидоят, қалбимизга поклик берсин!

Яхшилик ва яхшилар доим ҳамроҳимиз бўлсин!**

❤️ Севимли шеър ❤️

ЁМҒИР ҲАҚИДА БАЛЛАДА

Булутлар кифтида этдим саёҳат,
Осмондан ергача йўлни тарадим.
Учиб деразангга етдим ниҳоят,
Мен – ёмғир! Қарагин, жоним, қарагин!
Деразангни чертдим – берилиб чалди
Кузнинг баётини ҳўл бармоқларим.
Кузак – ҳам яратиб баҳайбат чолғу,
Гулханида ёнди, воҳ, оёқларим.
Деразангни чертдим. Ғуссаларинг мўл –
Сени асрагайлар дунёдан узиб.
Ташқарига қара, ёноқлари ҳўл –
Ойнага юз босмиш соғингчнинг юзи.
Тўрт девор ичинда мендан мосуво,
Яшайсан бир сирни юракка ютиб:
Мендан яшириндинг шифт тагига, о –
Деразага ҳайрон пардалар тутиб.
Ташқарига қара! Тенгман тупроққа –
Ҳижрон билан оғир баҳсларга тушдим.
Самони унутдим – келдим сўроқлаб –
Қандай осмонлардан пастларга тушдим!
Мени эшитмаслик мумкинмас... Охир
Эшигинг очилди – кўрдим кўзингни.
Аммо сен жунжикиб, энтикиб оғир
Соябон тагига олдинг ўзингни.
Сен мени севмайсан... Ёмғирман ночор –
Соябон сатҳида бекор уриндим.
Гоҳо этагингга етдим беозор,
Гоҳо этигингга бебахт суриндим.
Сенинг либосларинг қандай чиройли,
Уфурар бўйнингда қандай атирлар:
Борасан – гўёки бир гўзал ойни
Авайлаб чулғамиш ҳарир абрлар.
Ёзлик сургунимда – дилларим пора –
Соғиндим мен сени – юрагим тақир.
Сўра, майда қолган майсадан сўра –
Мен ҳам ёмон ёмғир эмасдим, ахир.
Энди куз севгимни солди қўшиққа,
Ҳажрингда вужудим тобора равшан...
Манзилга етасан. Ногоҳ эшикда
Мени соябондан силкиб ташлайсан.
Сени остонада қучади биров.
Гул каби ҳидлайди сени – тўймайди.
Ёғаман, ёғаман – равишим йиғлов –
Бундан кетай десам соғинч қўймайди.
Кўчада изғирин бўлди аламинг!
Олам – ғаминг тўла бир байтулхазан.
Деразани тутди туманли таним,
Деразани чертдим:
– Сени севаман!
Оқ учқун танимни ўтди оралаб,
Музлаган лабимга бири қўнди жим:
Тақдир шу кечда етди оралаб –
Фожиа етишди чоғи, севгилим!
Умрим тугаяпти – йўқдир дарагинг,
Сенсиз вужудимда қанча тоқат бор?
...Тонгда деразани очдинг. Қарадинг –
Ташқарида қордир, ташқарида қор.

Усмон Азим

*Десалар.

Кимдир сизни ойим десалар.
Гўзалимсиз мохим десалар.
Жоним берай, жоним десалар.
Ишонмангсиз, ишонманг гулим.

Лолаларга дугона бўлинг.
Узукларга дурдона бўлинг.
Дунёларни берай десалар .
Ишонмангиз ишонманг гулим.

Офтобимсиз жоним десалар.
Томиримда қоним десалар.
Сиз сиз ўтмас оним десалар.
Ишонмангиз, ишонманг гулим.

Мажнунингман, Лайлим бўл деса.
Тохирингман, Зухром бўл деса.
Булбулингман, гулим бўл деса.
Ишонмангиз, ишонманг гулим.

Ишқим билан қасам десалар.
Бир боргина қучсам десалар.
Олгин менинг жоним десалар.
Ишонмангиз, ишонманг гулим.

Тиз чўкаман пойинга деса.
Жон бўламан жонинга деса.
Гул тутаман қўлинга деса.
Ишонмангиз. Ишонманг гулим.

Ишқингизни майида мастон.
Мен севгингиз ишқимиз достон.
Шояд эрур сизга қадирдон.
Фақат менга ишонинг гулим.

Шояд бек*

🍃❤️
.

Она

Ўн***та бўлса ўрни бошқа,
Хар боланга бердинг мехр.
Кел фарзандим дийди ошга,
Хар ошамда бордир сеҳир.

Дилдан ғамни аритасан,
Мендан дардинг беркитасан,
Бу оламда бир донасан,
Хар сўзингда бордир меҳр.

Олам аро танҳо азиз,
Ошиқ сенга моҳу юлдуз.
Болам дейсан кеча кундуз.
Умринг бўйи қилдинг сабр.

Қумғонларда чой қайнатиб,
Қазон кавлаб бол яратиб,
Қўлимга қанд нон тутқазиб.
Сухбатдошинг бўлди тандир.

Она сендек йўқдир азиз.
Ўстирдингда мени гардсиз.
Энди кўрай деганингда,
Ўлим ҳақ деб қучдинг қабр.

Онажоним эй меҳрибон,
Кетганлигинг бўлди армон.
Чин дўст эдинг, чин меҳрибон.
Сендан бўлак йўқ қадирдон

✍Шояд Бек***

***Мусофирликда..

Кездим мақталган гўша, боғларинг,
Кўрдим не шаҳару баланд тоғларинг
Бугун соғинч, алам ўртади ёмон,
Қумсадим ўзингда ўтган чоғларим.

Ўзга юртда кўпдир баланд бинолар.
Уммонида сузар улкан кемалар.
Лек уларга асло қўймам бинолар,
Ўз юртим соғинчи ичим нимталар.

Мақтардилар топмай тенгу қиёсин,
Ялта, Сочи, Адлер тилларда достон.
Лекин ўхшатмадим улар қиш, ёзин
Асли жаннат экан хур ЎЗБЕКИСТОН.

Соғинаман, соғинч ўртайди дилим,
Шукур дейман, номинг такрорлар тилим
Қайда бўлмай, қадринг билиб улуғвор,
Қаддим баланд, буюк ўзбекдир элим.

Ўзга юртда тўйлар бўлмайди тонгда.
Карнай, сурнай роҳат бермайди жонга
Эркаклари саҳар мардон емас ош,
Бу ерларда порламас саҳий қуёш.

Соғиндим юртимда суннат тўйларни,
Миллий либос, миллий қўшиқ, куйларни,
Тушларимга кирар қора соч қизлар,
Соғинаман пахса девор уйларни.

Киндиқ қоним тўкилган азиз юртим,
Олис юртда сени соғиниб кетдим
Кўзларимга тўтиёдир тупроғинг,
Йироқ кетиб, бугун қадрингга етдим.

Қанча кезмай ўзга юртнинг боғларин,
Соғинаман сенда ўтган чоғларим.
Мусофирда соғинч ўртайди ҳар он,
Менга азиздирсан, жон Ўзбекистон.

Шояд бек.

Россия Ялта.. 2022 03 22***

***Шоирлар Оллохнинг эрка қулидир.

Ранжиманг шоирлар севдим десалар.
Ранжиманг шоирлар куйдим десалар.
Булар ижод боғин сара гулидир.
Шоирлар Оллохнинг эрка қулидир.

Мақтовлар кераамас, бу Ҳаққа хосдир.
Бир ширин сўз топса, кўкраги ғоздир.
Булар самоларда митти юлдуздир.
Шоирлар Оллохнинг эрка қулидир.

Юксаклик керакмас, пойгакда жойи,
Асалдан бол эрур чойнакда чойи.
Буларнинг барчаси очиқ кўнгилдир.
Шоирлар Оллохнинг эрка қулидир..

Пичирлаб гаплашар ўзи билан ўзи,
Ўйланмай туғилар бирма бир сўзи.
Абирга бош қўйган чўққи дўстидир.
Шоирлар Оллохнинг эрка қулидир.

Моҳир жангчидир, қалами шамшир,
Мағлуб бўлган куни бир хисга асир.
Усти юпун аммо, қалби тўла дур.
Шояд хам Оллохнинг эрка қулидир..

✍Шояд бек***

***Азизларим.

Икки газдир борар жойимиз.
Ер талашиб ўтдик азизлар.
Қолар молу давлатларимиз.
Мансаб талаб бўлдик азизлар.

Сайладик қалб соҳиби шайтон.
Асли жойнинг эгаси Рахмон.
Бунчалар кўп бўлмайлик нодон.
Инсон бўлиб яшайлик дўстлар.

Ака-ука жигар яқинлар.
Мерос талаш, бақир чақирлар.
Ота-она руҳин таҳқирлаб
Бағри тош ҳам бўлдик азизлар.

Сизу биздан қолар бу дунё.
Эски созин чалганча рўё.
Фариштага айланиб гўё.
Ҳожи ака бўлдик азизлар.

Лаганбардор "пахтасин" қўйди.
Хушомадгўй дўстдан юз бурди.
Давраларда турли гап бўлди.
Ғийбатчига айландик дўстлар.

Қуръон ўқиб пул ишладик биз.
Отинчага айланди гул қиз.
Иғвогарлар бунчалар юзсиз.
Илму маъруф бўлдик азизлар.

Устоз дея қўлин тутганлар.
Эрта ўтиб йўлин тўсганлар.
Бир- бир секин четга ўтганлар.
Устозга дўқ урдик азизлар.

Писанд қилмай ота онани,
Қаранг шу ҳам асли болами?
Тўғри йўлга солган отага
Насиҳат гўй бўлдик азизлар.

Шоир ёзар қўлида қалам.
Бўлмоқчидек дардларга малҳам.
Зўр эмассан, Шояд ўзинг ҳам.
Шоирга ҳам айландик дўстлар.

Шояд Бек.***