#ញត្តិគាំទ្រ
សហភាពសហព័ន្ធយុវជនកម្ពុជា សូមគាំទ្រយ៉ាងពេញទំហឹងជាមួយក្តីមោទនៈក្រៃលែងចំពោះ “គម្រោងព្រែកជីក ហ្វូណនតេជោ” ដែល សម្តេចអគ្គមហាសេនាបតីតេជោ ហ៊ុន សែន បានផ្តួចផ្តើមគំនិតកសាងឡើងក្នុង នីតិកាលទី៦កន្លងទៅ ហើយដែលរាជរដ្ឋាភិបាលកម្ពុជា នីតិកាលទី៧ ក្រោមការដឹកនាំប្រកបដោយភាពស្វាហាប់ និង ទស្សនវិស័យវែងឆ្ងាយរបស់ សម្តេចមហាបវរធិបតី ហ៊ុន ម៉ាណែត កំពុងបន្តជំរុញយ៉ាងក្លៀវក្លា និងមោះមុត អនុវត្តឱ្យសម្រេចបាននាពេលខាងមុខនេះ។

ក្នុងស្មារតីនេះ ក្រុមគ្រួសារសហភាពសហព័ន្ធយុវជនកម្ពុជា សូមថ្លែងអំណរគុណយ៉ាងជ្រាលជ្រៅបំផុតគោរពជូនចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និង សម្តេចមហាបវរធិបតី ហ៊ុន ម៉ាណែត នាយក រដ្ឋមន្ត្រីនៃព្រះរាជាណាចក្រកម្ពុជា ដែលបានប្តេជ្ញាកសាងព្រែកជីកហ្វូណនតេជោឱ្យលេចចេញជារូបរាងឡើង នាពេលដ៏ខ្លីខាងមុខនេះ ហើយយើងខ្ញុំប្តេជ្ញាចូលរួមជាមួយរាជរដ្ឋាភិបាលកម្ពុជាក្នុងការការពារផលប្រយោជន៍ជាតិ និង ប្រជាជនតាមរយៈគម្រោងដ៏វិសេសវិសាលនេះ ដើម្បីជំរុញដល់ការអភិវឌ្ឍសង្គមជាតិ ឈានទៅសម្រេចបានទស្សនវិស័យ កម្ពុជាឆ្នាំ២០៥០ ជាពិសេសកសាងសង្គមជាតិកម្ពុជាមួយប្រកបដោយវឌ្ឍនភាព វិបុលភាព និងកាលានុវត្តភាព។

👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក.
*🌐|Facebook *🌐|YouTube
🌐|Telegram 🌐|** TikTok

ទូកទៅកំពង់នៅ! សារផ្ដាំផ្ញើចុងក្រោយរបស់លោកសាស្ត្រាចារ្យ សំបូរ មាណ្ណារ៉ា ដាស់តឿនកុលបុត្រកុលធីតាខ្មែរគ្រប់រូបក្នុងការថែរក្សា ការពារ និងលើកតម្កើងមរតកវប្បធម៌ជាតិឱ្យគង់វង្សជានិរន្តរ៍តទៅ។

ទោះបីពេលនេះ លោកសាស្ត្រាចារ្យបានឃ្លាតកាយឆ្ងាយពីពួកយើងហើយក្ដី ប៉ុន្តែពាក្យអប់រំ ទូន្មាន ប្រៀនប្រដៅ ពុទ្ធិ គំរូវីរភាព និងពលិកម្មដ៏ធំធេងពេញមួយជីវិតរបស់លោកសាស្ត្រាចារ្យ ក្នុងបុព្វហេតុជាតិមាតុភូមិ គឺនៅតែដក់ជាប់ក្នុងបេះដូង និងការចងចាំរបស់យុវជនខ្មែរគ្រប់រូបជាដរាប។

សូមចូលរួមរំលែកនូវមរណទុក្ខដ៏ក្រៀមក្រំ និងសោកស្ដាយជាទីបំផុត ជូនចំពោះក្រុមគ្រួសារសពលោកសាស្ត្រាចារ្យ សំបូរ មាណ្ណារ៉ា សាស្ត្រាចារ្យប្រវត្តិសាស្ត្រ។ ការបាត់បង់លោកសាស្ត្រាចារ្យមិនត្រឹមតែជាការបាត់បង់នូវ ស្វាមី ឪពុក ជីតា ប្រកបដោយព្រហ្មវិហារធម៌សម្រាប់ភរិយា កូនៗ និងចៅៗតែប៉ុណ្ណោះទេ គឺជាការបាត់បង់ក៏ធំធេងនូវធនធានមនុស្សដ៏មានតម្លៃបំផុត សម្រាប់សង្គមជាតិកម្ពុជាទាំងមូល។

សូមបួងសួងឧទ្ទិសកុសលដល់ដួងវិញ្ញាណក្ខន្ធរបស់លោកសាស្ត្រាចារ្យ សំបូរ មាណ្ណារ៉ា បានទៅកាន់សុគតិភពកុំបីឃ្លៀងឃ្លាតឡើយ 🙏🙏🙏

JOIN 🌐@UYFC Phnom Penh

🌐 | FACEBOOK
🌐 | TIKTOK

កុមារឌីជីថល រ៉ាឌី ភានុមា 🧑🏻‍💻🦾🇰🇭🥰

វិស្វករវ័យក្មេង ភានុមា បានផលិតដៃរ៉ូបូតខ្នាតមធ្យមសម្រាប់ការប្រើប្រាស់ក្នុងសហគ្រាស ឬក្នុងរោងចក្រ ដើម្បីជួយសម្រួលការលើកដាក់សម្ភារៈធ្ងន់ៗ។

រ៉ូបូត ដែលមានឈ្មោះថា Four-degree-of-freedom Palletizer នឹងធ្វើរួចរាល់ក្នុងពេលឆាប់ៗនេះ ហើយវានឹងក្លាយជា រ៉ូបូត គំរូដំបូងគេសម្រាប់វិស័យឧស្សាហកម្ម ដែលឌីហ្សាញដោយ យុវជនខ្មែរ។

JOIN 🌐@UYFC Phnom Penh

🌐 | FACEBOOK
🌐 | TIKTOK

អតីតកាលប្រវត្តិសាស្រ្តមិនអាចបំភ្លេចបាន… 🇰🇭😔

ម៉ោងប្រមាណ១០ព្រឹក នាថ្ងៃទី១៧ ខែមេសា កាលពី ៤៩ឆ្នាំមុន ទីក្រុងភ្នំពេញគ្រប់គ្រងដោយរបបសាធារណរដ្ឋខ្មែរ របស់លោកសេនាប្រមុខលន់ នល់ បានធ្លាក់ក្នុងដៃរបស់ក្រុមខ្មែរ ក្រហម ប៉ុល ពត។

ប្រជាពលរដ្ឋក្រុងភ្នំពេញបានចេញមកអបអរសាទរ និងស្រែកជយឃោសថា «កម្ពុជាត្រូវបានរំដោះហើយ» ប៉ុន្តែមិនបានប៉ុន្មានផង ក្តីសប្បាយរីករាយនេះបានក្លាយទៅជាទុក្ខដ៏ធំ ដោយកងទ័ពអាវខ្មៅរបស់ខ្មែរក្រហមបានចាប់ផ្តើមបណ្តេញពលរដ្ឋជាង ២ លាននាក់ចេញពីលំនៅឋានខ្លួន ហើយជម្លៀសដោយបង្ខំចេញពីទីក្រុងភ្នំពេញទៅកាន់ភូមិភាគនានានៃប្រទេសកម្ពុជាដោយមិនយោគយល់ឡើយ សូម្បីតែកុមារ ចាស់ជរានិងអ្នកជំងឺសម្រាកនៅតាមមន្ទីរពេទ្យ។

១៧ មេសា ១៩៧៥ ជាកាលបរិច្ឆេទ នៃការចាប់ផ្តើមនូវវិនាសកម្ម អំពើប្រល័យពូជសាសន៍ ឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិនៅកម្ពុជា ដោយបានឆក់ផ្ដាច់ជីវិតប្រជាជនខ្មែរស្លូតត្រង់ជាង៣លាននាក់យ៉ាងព្រៃផ្សៃបំផុត។

JOIN 🌐@UYFC Phnom Penh

🌐 | FACEBOOK
🌐 | TIKTOK