🎙#SAMARQAND
#RADIOSI📡🌏

📻 FM 1️⃣0️⃣5️⃣🪐2️⃣🏔

✅Бизга уланиш👇👇
👉https://t.me/SAMARQANDRADIOSI

Самарқанд вилояти божхона бошқармасида божхона ходимлари ва уларнинг оила аъзолари иштирокида коррупцияга қарши курашиш ва унга шароит яратиб берувчи омилларни бартараф этиш юзасидан профилактик тадбир ўтказилди.

Унда вилоят божхона бошқармаси бошлиғи ўринбосари А.Жалилов, вилоят Адлия бошқармаси шуъба бошлиғи О.Муҳаммадиев, Дин ишлари бўйича қўмитасининг Самарқанд вилояти ҳудудий бошқармаси бошлиғи ўринбосари Р.Раждабов, бошқарма Шахсий хавфсизлик шуъбаси бошлиғи Р.Акбаров ва Инсон ресурсларини ривожлантириш ва бошқариш шуъбаси бошлиғи А.Ғафуровлар сўзга чиқишди.

Таъкидландики, ўтган даврда шахcий таркиб билан коррупцияга қарши курашиш борасида 30 маротаба йиғилишлар ўтказилган ҳамда ходимлар орасида тамагирлик, порахўрлик, хизмат интизоми ва қонунчиликни бузилиши каби салбий ҳолатларни олдини олиш мақсадида 74 маротаба индувидуал профилактик суҳбатлар олиб борилган.

Ходимлар томонидан жиноят содир этилишининг олдини олиш ва муҳитни соғломлаштириш мақсадида 9 нафар ходимга интизомий жазо чоралари қўлланилган.

Бундан ташқари, тадбирда турли экстремистик ва террористик ташкилотларнинг медиамарказлари томонидан тайёрланган экстремистик ва террористик мазмундаги тарғибот материаллари интернет тармоқларида кенг тарқатилаётганлиги ҳамда шубҳали диний мазмундаги аудио, видео ва бошқа турдаги медиа маҳсулотларни Интернет сайтлари ва ижтимоий тармоқ саҳифаларидан юклаб олмаслик ва тарқатмаслик юзасидан тушунтиришлар берилди.

Шунингдек, айрим нопок божхона ходимлари томонидан яратилаётган шароитларга шукроналик келтирмай тамагирлик, мансаб ваколати доирасидан четга чиқишлик каби салбий ҳолатларга йўл қўйишларига уларнинг яқинлари ҳам айбдор бўлиб қолмоқда.

Шундан келиб чиқиб, тизимда коррупция ҳолати ва унинг салбий оқибатларини олдини олишда ходимнинг ота-онаси ва оила аъзолари ҳам бирдек масъул эканлиги таъкидлаб ўтилди.

Тадбирда ота-оналар сўзга чиқиб, мавзу юзасидан фикрлар билдириб, хулоса ўрнида фарзандларининг тақдирига бефарқ эмасликларини айтиб ўтишди.