Namanganda fuqaro tarixiy yodgorlik hududidagi qabrlarni buzib yubordi
Bosh prokuratura xabariga ko‘ra, “Bo‘zchi mozor” arxeologiya yodgorligidagi XVI-XVII asrlarga oid qabrlar uy qurish maqsadida buzib tashlangan.

Oqibatda obyektga 6,9 mlrd. so‘mlik zarar yetkazilgan.

Tekshirishlar natijasiga ko‘ra jinoyat ishlari qo‘zg‘atilib, tergov harakatlari olib borilmoqda.

https://t.me/taftish_uz

Farzandingiz ijtimoiy tarmoqlarda qanday kontentga koʻproq qiziqayotganini nazorat qilasizmi?

Koʻngilsiz voqealarni oldini olish maqsadida bolalar tomosha qilayotgan videomateriallar mazmun-mohiyatiga eʼtiborli boʻling!

Uyali aloqa vositalaridan toʻgʻri foydalanishlari boʻyicha yoʻl-yoʻriq oʻrgating!

https://t.me/taftish_uz

Rossiyada qiyin ahvolda qolgan o‘zbekistonliklarga moddiy yordam berildi
Tashqi mehnat migratsiyasi agentligiga ko‘ra, Volgograd, Novosibirsk, Perm va Ryazanda murakkab vaziyatda qolgan fuqarolarga moddiy va huquqiy yordam ko‘rsatilgan.

Voronejda moliyaviy qiyin ahvolda qolgan yurtdoshimiz Moskva-Buxoro yo‘nalishidagi aviareys orqali Vatanga qaytarilgan.

https://t.me/taftish_uz

⚡️Qarshi tumani prokuraturasi tergovchisi pora olgan vaqtida xizmat xonasida ushlandi

🌍 @taftish_uz

*⚡Tabiiy gaz narxi
Barcha isteʼmolchilar uchun toʻlov miqdori oʻzgarishsiz, yaʼni bir kubometr uchun 1 500 soʻmdan qolmoqda.*
Yirik ulgurji isteʼmolchilar hamda byudjet tashkilotlari uchun ham tabiiy gaz narxi oʻzgarishsiz – bir kubometr uchun 1 800 soʻmdan qolmoqda.

Kommunal-maishiy ehtiyojlar uchun aholiga mavsumga qarab narx belgilanmoqda. Xususan, noyabr-fevral oylari davomida bir oydagi isteʼmoldan kelib chiqib tegishli narx belgilanmoqda.

*➖oyiga 500 kub metrgacha – 650 soʻm;
➖oyiga 501 kub metrdan 2 500 kub metrgacha – 1 500 soʻm;
➖oyiga 2 501 kub metrdan 5 000 kub metrgacha – 1 950 soʻm;
➖oyiga 5 001 kub metrdan 10 000 kub metrgacha – 2 275 soʻm;
➖oyiga 10 001 kub metr va undan yuqori miqdorda tabiiy gaz isteʼmol qiladiganlar bir kub metr uchun 2 600 soʻmdan toʻlashlari belgilanmoqda.*

Mart – oktyabr oylarida isteʼmolchilar bir oydagi isteʼmolidan kelib chiqqan holda quyidagicha haq toʻlaydi.
*➖oyiga 100 kub metrgacha – 650 soʻm;
➖oyiga 101 kub metrdan 2 500 kub metrgacha – 1 500 soʻm;
➖oyiga 2 501 kub metrdan 5 000 kub metrgacha – 1 950 soʻm;
➖oyiga 5 001 kub metrdan 10 000 kub metrgacha – 2 275 soʻm;
➖oyiga 10 001 kub metr va undan yuqori miqdorda tabiiy gaz isteʼmol qiladiganlar bir kub metr uchun 2 600 soʻmdan toʻlaydilar.*

Aholiga maishiy ehtiyojlar uchun sotiladigan suyultirilgan gazning bir kilogrammi uchun toʻlov 1 600 soʻm etib belgilanyapti.
2024-yilning 1-iyunidan boshlab esa avtomobillarga gaz toʻldirish kompressor shoxobchalari uchun bir kub metr tabiiy gaz 1 800 soʻmdan yetkazib beriladi.

🌍 @taftish_uz

Davlat xavfsizlik xizmati tomonidan oʻtkazilgan tezkor tadbirlarda:

▪️Toshkent viloyati, Oʻrtachirchiq tumanida maklerlik faoliyati bilan shugʻullanuvchi 2 nafar shaxs Ohangaron tumanidagi qishloq xoʻjaligiga ixtisoslashgan MCHJga 30 yil muddatga ijara huquqi asosida berilgan 96,6 gektar yaylov yer maydonini mansabdor tanishlari orqali, chorvachilik bilan shugʻullanmoqchi boʻlgan fuqaro nomiga rasmiylashtirib berish evaziga 70 ming AQSH dollari olgan vaqtlarida ashyoviy dalillar bilan ushlandi.
Tergovga qadar tekshiruv davomida, maklerlar ushbu noqonuniy ishni Toshkent viloyati Qishloq xoʻjaligi boshqarmasida boʻlim boshligʻi oʻrinbosari, shoʻba boshligʻi hamda bosh mutaxassis lavozimlarida ishlovchi 3 nafar shaxs orqali hal qilmoqchi boʻlganliklari aniqlanib, ular ham qoʻlga olindi.

▪️Toshkent tumanidagi MCHJ rahbari hamda ishchisi oʻzaro til biriktirib, muqaddam avtoturargoh va intensiv yongʻoqzor tashkil etish uchun, ushbu MCHJga 9 yil muddatga ijara huquqi asosida berilgan 50 sotix yer maydonining 25 sotixini xaridor nomiga rasmiylashtirib berish evaziga 50 ming AQSH dollari olgan vaqtlarida ashyoviy dalillar bilan ushlandi.

▪️Ohangaron tumanida yashovchi, 1983-y.t. shaxs oʻz onasiga tegishli chorvachilik fermasiga muqaddam 49 yil muddatga ijara huquqi asosida berilgan 20 gektar yer maydonini tadbirkorlik bilan shugʻullanmoqchi boʻlgan fuqaro nomiga rasmiylashtirib berish va uning 40 sotix qismida qurilish ishlari olib borish uchun mansabdor tanishlari orqali ruxsat olib berish evaziga 100 ming AQSH dollari talab qilib, oldindan 30 ming AQSH dollari olgan vaqtida ushlandi.

▪️Buxoro tumanidagi bogʻdorchilikka ixtisoslashgan fermer xoʻjalik rahbari muqaddam tuman hokimining tegishli qarori bilan ushbu xoʻjalikka 49 yil muddatga ijara huquqi asosida ajratib berilgan 5,3 gektar yer maydonini xaridorga 95 ming AQSH dollariga sotishga kelishib, oldindan 30 ming AQSH dollari olgan vaqtida ushlandi.

Hozirda mazkur shaxslarga nisbatan jinoyat ishlari qoʻzgʻatilib, tergov harakatlari olib borilmoqda.

🌍 @taftish_uz

⚡DXX oʻtkazgan tezkor tadbirlarda:

▪Yakkabogʻ tumanida yashovchi, 1996-y.t. shaxs “Banksef”, “Zanasef”, “Gansef” va “Gandsef” nomli jami 3 ming 767 dona dori vositalarini 54 mln. soʻmga sotgan vaqtida ashyoviy dalillar bilan ushlandi. U dori vositalarini mazkur tumanda yashovchi, 1996-y.t. fuqarodan olganligi aniqlanib, ushbu shaxs ham muqaddam sotgan dorilari uchun 26 mln. soʻm olgan vaqtida ushlandi. Shuningdek, uning xonadoni tegishli hujjatlari boʻlmagan, umumiy bahosi 1 mlrd. 307 mln. soʻmlik jami 14 ming 909 dona dori vositalari borligi aniqlanib, protsessual tartibda rasmiylashtirib olindi. Ma'lum bo'lishicha, ushbu dori vositalari – tibbiyotda qoʻllanilishiga ruxsat etilgan dori vositalari, tibbiy buyumlar va tibbiy texnikalar davlat roʻyxatidan oʻtmagan.

▪Xovos tumanida yashovchi fuqaroning xonadoni koʻzdan kechirilganda, uning xonadonidan Xitoy davlatida ishlab chiqarilgan, tegishli hujjatlari boʻlmagan va sifati kafolatlanmagan, umumiy qiymati 593 mln. 142 ming soʻmlik 49.020 dona flakonda “Ampisul” nomli dori vositalari borligi aniqlangan hamda ularning egasi hisoblangan Bekobod shahrida yashovchi, 1990-y.t. shaxs qoʻlga olingan. Shuningdek, tergovga qadar tekshiruv davomida, ushbu dori vositalarini Fargʻona viloyatida yashovchi, 1990 va 1994-yillarda tugʻilgan 2 nafar fuqaro Tojikistondan bojxona nazoratini chetlab oʻtib, olib kelganliklari aniqlanib, ular ham ushlandi.

Hozirda har ikki holat yuzasidan mazkur shaxslarga nisbatan Jinoyat Kodeksining tegishli moddalari bilan jinoyat ishlari qoʻzgʻatilib, tergov harakatlari olib borilmoqda.

🌍 @taftish_uz

⚡️Ramazon hayiti munosabati bilan 426 nafar shaxs afv etildi

Prezident Farmoniga koʻra, afv etilgan shaxslarning 135 nafari asosiy jazodan toʻliq ozod etildi, 200 nafari jazoni oʻtashdan muddatidan ilgari shartli ozod qilindi, 26 nafarining ozodlikdan mahrum etish jazosi yengilroq jazo bilan almashtirildi. Shuningdek, 65 nafar shaxslarga tayinlangan ozodlikdan mahrum etish jazosining muddatlari qisqartirildi.

Afv etilganlarning 11 nafarini chet el fuqarolari, 50 nafarini ayol, 13 nafarini 60 yoshdan oshgan erkaklar, 157 nafarini yoshlar (shulardan, 3 nafari voyaga yetmaganlar) hamda 5 nafarini taqiqlangan tashkilotlar faoliyatida qatnashgan shaxslar tashkil etadi.

🌍 @taftish_uz