((قصائد محرم ١٤٤٦ه ملا مصطفى الطيب))
قناة خاصه لخدمه الامام الحسين ..؟
???????????
:آللهم زدنا حُبـاً و دمعـاً و شوقـاً و تعلُقـاً
بالحُسين ..??
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 2 weeks ago
((يوم النيبه))
اليوم يـوم النيبه
وين اخوي الهيبه .. يا ابو الفضل
"""""""""""""""""""""""""""''''''''''''""""""""
وين اخوي الگال امشي بزودي
الهوى مــــاريده يطب حدودي
راح أهوســلك بحـــيدر عـودي
النهر جودك وآنه اسمك جودي
انته جودي ومايه
يـــاكفـــيل الرايه .. يا ابو الفضل
"""""""""""""""""""""""""""''''''''''''""""""""
هـــا يبــو الغيره يمعصب راسي
من يمر اسمك يفيض احساسي
چــــنت اسميك الگـــمر عباسي
غيــرتك عبــاس هــيـه انفاسي
غيــرتك بعيوني
بيك جن جنوني .. يا ابو الفضل
"""""""""""""""""""""""""""''''''''''''""""""""
گوم شيل العلگمي ويه جروفه
خويه فرهد جيـشهم وصفوفه
بالنخـــل عــــباس ازرع خوفه
شلون مسلم وَحَده بالــــكوفه
خويه وجـر نارك
خويه اخذ بثارك .. يا ابو الفضل
"""""""""""""""""""""""""""''''''''''''""""""""
اليفر مــــن سيفه ألف هنياله
هوه ياهــــو اليوصل ويدناله
شكثر فرحانه وتشوفه عياله
والله منــك مـــاتت الخيــاله
ماتت من عيونه
موت ويسـمونه .. يا ابو الفضل
"""""""""""""""""""""""""""''''''''''''""""""""
گـــام يقسـم بالنـبي وروح النبي
اليوم كــــل الجيش ألبسهم عبي
جاي اسمع بالسبي وشنهو السبي
اگبال زينب والهوى هــــم اجنبي
مـــن دنــه لخيامي
وآنه اسمي الحامي .. يا ابو الفضل
عبد زينب
محمد الابراهيمي
✨خدمة محبي باسم الكربلائي تقدم:
?قصيدة : لا ترد ماظل أثر | لاترد ماظل اثر
✒️السید عبدالخالق المحنه
ماهو بيها دار خلاف اهلها ماهو بيها
شلي بيها وابوي ماهو بيها شلي بيها
شبه طفلة اللي مضيعة
ماهو بوها ماهو بيها
تحسد كل طفل بأحضان ابيه
?????
لا ترد ما ظل أثر كلشي إنتهه إبسفركم
لا ترد مات الورد من إنقطع خبركم
كتبت إعله دارك دمعة إنتظارك
?????
بويه تدري من غيابك موتي راحه
واليسافر يبقه عايش وي جراحه
ردت أشوفك حته أقلك بالصراحه
ترجع إلمن دنيه ما كو بس نياحه
لا تظن نفس الوضع لازم يجي بديله
لا تظن لمن ترد تستقبلك عليله
ماتت إبمسارك دمعة إنتظارك
?????
أدري صعبه من أقلك ماكو رجعه
ما يسرك هذا حالي و داري تنعه
والليالي ذوبتهن شمعه شمعه
ما تشاهد من أثرها إلا دمعه
لو تجي تلقه حزن تلقه ألم مصابي
لو تجي تلقه جرح يلجم جرح عتابي
عاشت إعله نارك دمعة إنتظارك
?????
تابعتكم خطوه خطوه و تيهتكم
من مشيتوا و إبتعتدوا عاتبتكم
عمري كله لحظه بيها ودعتكم
دورتكم وي جروحي ما شفتكم
يا عتب يشفي القلب و بيا قلب أعاتب
يا عتب وأكبر عتب من أنسأل شجاوب
تـقـبـل إعـتذارك دمعة إنتظارك
?????
إنتينه و إتركت لك ذكرياتي
وبصوركم تلقه دمعة أمنياتي
تلقه حسره من دعائي في صلاتي
إبحياتي إنت غايب و بمماتي
سلوتي مهد الطفل أتصوره و ألولي
سلوتي ها يالإخو يالما ترد حجوا لي
تنجوي إبنهارك دمعة إنتظارك
?????
يا العفتني أملي دربك بس خواطر
يا ما يا ما قلت لك إرجع لا تسافر
يقضي يومي وقلت أشوفك بلكي باجر
لا يباجر سيفه يذبح بالمشاعر
أيست مات الأمل و بيا جرح تجيني
أيست لا ما ترد و آني عفت أنيني
تنطوي إبمدارك دمعة إنتظر
عباس وينه اوين الحسين
ماشـــيعو نعش ام البنين
وين اليحضرون الشدد دوم
وين الذكرهم يجلي الهموم
ام البنين اتحشــــــــم اليوم
رادتهم يغمضــــــولها العين
ـ-------ـ
باخــــر نفس وتريد العـــــزاز
اليــوم النعشها اتريد جــــناز
دوم المحب لحبــــــابه يحتاز
صعبه اذا عنه بعيـــــــــــدين
ـ---------ـ
جمر الغياب اهـــــواي حراگ
خلص عمـــرها افراگ بفراگ
كل لحظه للعبــــــاس تشتاگ
وبحســين شيب راسها البين
ـ--------ـ
خلصت كل اسنــــــينها ابنوح
مــن الطفوف امترسه اجروح
جم غالي عدها المات مذبوح
يالوعة امصـــــاب الميـــــامين
ـ--------ـ
اتمنــــــت ولدها لعنها غيـاب
بيـــــــــــديهم ايهيلون التراب
كلهم سـوه اينصبولها امصاب
يونون يم الحد صــــــــــــوبين
ـ--------ـ
✍الخادم
كامل السعيدي
ياابالزهراء..يارسول الله
...
لو اكول اسمك تزول اوهامي
وينفتح باب الكرم كدامي
ياسبب ديني وشرف اسلامي
يمته ازورنك وانول احلامي
كبرك شمحلاه..يارسول الله
...
يالقبل ادم تشع انوارك
وبمحافلنه تفوح ازهارك
بالقلوب امحبتك وآثارك
بيك نفخر يالنبي ونتبارك
ياعظيم الجاه..يارسول الله
...
بمحفلك يالمصطفى التمينه
مثل الاشموع التشع ضوينه
مسلمين وبسمك اتسمينه
والعلي والفاطمه هنينه
نهجك اتبعناه..يارسول الله
...
اعليك من انصلي يامولانه
الرزق كله يفك بيبانه
يارسول الله وعطر قرانه
اشكد بخيل المايصلي اويانه
الصوت عليناه...يارسول الله
...
يالوصيتك بالكلب محفوره
من كنت مولاه اجمل صوره
علي يامحله بهائه ونوره
العدل والميت وجوب يزوره
كلنه حبيناه..يارسول الله
...
من ينابيعك شربنه اهوايه
العترتك صرنه خدم وفايه
للحسن ابنك رفعنه الرايه
وللاحسين بكل سنه مشايه
احسين ماعفناه..يارسول الله
❤️❤️❤️
اللهم عجل لوليك الفرج
محمد الجماسي
للصادق حفلنه والهادي سويّه
يشيعي يشيعي إفرح هالمسيه
===============================
ميلاد النبوه شع نوره وتلاله
ماليها الصحاري وسهوله وتلاله
طه النور الأول من رب الجلاله
سيد كل الاسياد من هاي البريه
..........................................................................
للصادق حفلنه سطان المذاهب
خدامه تقدّم كل هاي المواهب
سادسها الأئمه والد موسى راهب
أبواب الحوائج أكرام العطيّه
..........................................................................
نتشارك فرحنه للهادي وحفيده
شكراً لله خدّأم للعتره المجيده
ندعي الباري هاليوم عالشيعه يعيده
ويسجلها أسماء كل هاي الرعيه
.........................................................................
نتبادل تهاني مولانه ونبينه
للمحفل والقلوب ملهوفه اجينه
واحدنه بولائه مايوصف حنينه
يحسبها قليله لو ميّه عله ميّه
..........................................................................
مو مكه ومدينه فرحانه أرضها
بل كل الوسيعه من طول وعرضها
بالسبعه العوالي تسبيحة فرضها
يارحمه شكبرها وياأعظم هديه
..........................................................................
ندعي بهالولاده الميمونه الكريمه
نرفعها الأيادي للقدره الرحيمه
للغايب يعجِّل بالدوله العظيمه
يوسف فاطمه الصار للباري بقيّه
ابو علي الكربلائي
سير يليل الفرح بنغامك علينا
خلينا ننسه الحزن ارجوك خلينه
شيصير لو للفرح فد يوم غنينه
لاتضن غنوة طرب والنفس تقوينه
تعبير عن الوفه وشوك الذي بينه
هليله نشعل شمع ونعلك الزينه
بميلاد خير الوره هادينه محمد ص
نبعث تهاني لعلي لبلشده يحمينه
بحب الصميده النبي هوه لموصينه
كال اليحب حيدره متمسك بدينه
يعبر صراط الحشر وكتابه بيمينه
واحنا الفخر شيعته وشتسمي سمينه
يوم القيامه علي هو الينجينه
ابو ذيه
يون الكلب ليل نهار بيداي
وحرت ما تنكطع وبعيد بيداي
كلت يحسين اجيبن ماي بيداي
احس عطشان بعدك علوطيه
ابو هاجر المجراوي
ضجت بهليوم سامرائنه
نوحي عالمسموم يازهرائنه
مات الحسن يافاطمه..واويلاه
والمهدي ناصب مآتمه..واويلاه
نوحي عالمسموم يازهرائنه
....
يالزهره الله ابهالمصيبه ايعظم اجرج
كل يوم لوعه وفاجعه ايراويج دهرج
هذا الخبر يمكن كسر ثاني يكسرج
شدي الرحال ابهالمسيه وعجلي بامرج
روحي للعسكري وسوي اقرايه
اليوم طاحت من كببكم رايه
ناحت عليه ارض وسمه ..واويلاه
والمهدي ناصب مآتمه..واويلاه
نوحي عالمسموم يازهرائنه
....
اليوم ثامن يوم اله ينازع من السم
ونار الجبد تسعر مثل نار المخيم
نرجس غريبه ابفكده والمهدي تيتم
مات ابومحمد والشمل هيهات يلتم
لمن العسكري اينام ابكبره
تبدي يافاطمه الغيبه الصغره
والدنيه تصبح مضلمه..واويلاه
والمهدي ناصب مآتمه..واويلاه
نوحي عالمسموم يازهرائنه
....
زمرة بني العباس ماحفظت حرمته
يوميه تدخل داره وتخوف أسرته
نص بالسجن كضه العمر نص بغربته
والمعتمد خطط اله ونفذ غدرته
لحد ماسوه اليريده وناله
كومي شوفي اوليدج بياحاله
غدرته الايد الآثمه..واويلاه
والمهدي ناصب مآتمه..واويلاه
نوحي عالمسموم يازهرائنه
....
الكوكب الحادي عشر اعلن غيابه
وغسلو جسمه وشيعو نعشه بمهابه
مومثل جسم احسين ضل اعله الترابه
ابحر الشمس والحافر ايجر بثيابه
آنه ادري السيد ايقدرونه
احسين ليش ابحافر ايرفسونه
خلو اضلوعه امهشمه..واويلاه
والمهدي ناصب مآتمه..واويلاه
نوحي عالمسموم يازهرائنه
...
بثامن ربيع انهدم ركن أمن الامامه
واصبحت سرَ من رأى مثل القيامه
الغيبة المهدي المنتظر لاحت علامه
والشيعه من بعده ولاشافو سلامه
هذا حال اولادج اتعرفينه
يمته ياخذ ثارهم مهدينه
سم وذبح سبي وضمه..واويلاه
والمهدي ناصب مآتمه..واويلاه
نوحي عالمسموم يازهرائنه
...
اللهم عجل لوليك الفرج
محمد الجماسي
وردة ? الله ذبلوهة
بعد موتي عطشوهه
مارحمو ابد بيهة
لا راعو بواجيهة
بعد موتي عطشوهه
……
ترفه مثل الوردة جانت بنتي بنتي
عطر جنت الله بيهة وحك بختي
اشكثر حسدوني عليه من صحبتي
اليوم ردت ليه ذبلانه كبرتي
حيل متغير رسمهه
معرفتهة لانه لامهه
جم هضم السده اعليهة
مارحمو بواجيهة
… .
بعد موتي شافت انواع المصايب
فوك خدهه الدمع ليل انهار سايب
بنت بيت احزانهة بدمع وترايب
وسكنت اوياهة المصايب والنوايب
ليل وانهار الزجية
امرافكة الدمعه الجرية
مسموعه نواعيهة
……
منعو الزهرة علية تبجي ياناس
بنيت بيت احزان الهة خالي الانفاس
اثمنطعش عمر الزجية وشابت الراس
راحة ما شافت عكب موتي امن الارجاس
اثمنطعش عام الحبيبه
شوفوهة اجم مصيبه
كثر الهضم ماذيهة
……
حكة لو ماتت الزهرة من هضمهة
الله لا ينطيه كل واحد ظلمهة
بالقيامة اهناك نوكف انه ومهة
انطالب ابحق الزجية السال دمهة
بالحشر اول قضية
من كسر ظلع الزجية
من غير معانيهة
……
الجنت اسميهم اصحابي بية غدرو
من بعد موتي بحقدهم داري حركو
خلف باب الدار ظلع ابنيتي عصرو
ابلا رحم كسرو ظلعهة وكلبي كسرو
ما رعوهة وما رعوني
ابسطرت العين اهضموني
ايد انمدت اعليهة
… .
خانو الزاد وملح عبّاد الاصنام
اتأمرو بعدي اعله حيدر روح الاسلام
نصبو غيره خليفه ايقيم الاحكام
حقه غصبو بالخلافه كوم ظلام
غصبو الحق والخلافه
وجتفو اجفوف الترافه
قصة بدمعي ارويهة
… .موسى الخادم
اليله السادسه
هاي الرجال الغياره __يحسين رهن الاشاره
حسين __حسين __هذا نداء العقيده
________
انريد من عندك اشاره وتدري عدنه المقدره
انخلي هذا الجيش كله اعله الذبح يلزم سره
زلمه ويگابل انصارك ابد ماجابت مره
واليشيل السيف ضدنه خسر دنيا واخره
كلشي بالطف تحت ادينه ___انته بس ارضه علينه
حسين _حسين____هذا نداء العقيده
________
ياحسين اسمع ندانه وشوف كل هاي الزلم
مومهم بالدنيا كلشي حسين بس انته المهم
{احنه من نذوب بيك انصير اعله امن النجم )
حرب وي كلمن يضدك بس الك صرنه سلم
عدنه احنه اكبر هديه ___مابين اديك المنيه
حسين __حسين __هذاء نداء العقيده
________
احنه نچفي الگاع بيهم وانته گلها اتزلزلي
تحت رجليهم نهزها بس ننادي ياعلي
احنه فرسان المعاره وسيفنه واضح جلي
الشارد انلحگه ونجيبه واليگابل يبتلي
كل فرد بينه اعتقاده ___النه كرامه الشهاده
حسين _حسين _هذا نداء العقيده
________
الدنيا كلها اليوم ضلمه حسين بس وجهك ضوه
واحنه جننه غرامك گمنه نشتمك هوه
مانعوفك واحنه جينه حتى نتگطع سوه
ياحسين جروح كلنه وشوفة اعيونك دوه
هوه العشگ موسوالف ___لازم نثبته بمواقف
حسين _حسين _هذاء نداء العقيده
________
زينب انگلها ابشري احنه زلم الموزمه
واحنه هذا العزم بينه من علي حامي الحمه
مايطخ راسچ يزينب رفعي راسچ السمه
كلنه گدامچ نطيح وهاي حسن الخاتمه
ونحفظ الدين بدمانه ___واحنه اهل حفظ الامانه
حسين _حسين _هذاء نداء العقيده
________
✍️احمد علي البغدادي
- [ ]
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 8 months ago
Last updated 2 months, 2 weeks ago