‏لي ثلآث أيام قلبي تايقٍ ومناوه
‏من هجيرٍ فالضماير له سعير ولاضي

‏أتلهوى وأستحيد من العرب وأماوه
‏وآهني من كان قلبه دالهٍ متغاضي

‏يابسٍ زرع الضماير مثل يبس عساوه
‏في علو غروس نخلٍ ما ولاه أمحاضي

‏قامت الدنيا تلآعبنا لعوب فلاوه
‏وإن بغينا الجد عينا الزمان أخواضي

‏دورة الأيام ماهي تسليه ولهاوه
‏ي عسى وجه الزمان الجاي عكس الماضي

‏ياسِيد رباة الحجال الطرق ياعذب اللما
‏يافتنة العبّاد والزهّاد وأهل المذهبي

‏ياشادنٍ عقب الروى عودك تقوّى وافعما
‏وأرشق رشا بين الظبأ بين الظبأ أجمل ظبي

‏ياعيطموس الباهيه باصلاً شريف ومكرما
‏فوق الغنج عذب ودلع عقل وزمان ومنسبي

‏كان المسا محتاجلك والحاجه ام الاختراع
‏كن الليالي تحتري شمسٍ تسابق ظلّها

‏شوفي مشاويري معك لا دمع عين ولا وداع
‏ابتسمي انتي والقلوب الميّته تفطنلها

‏وعيونك اكبر مشكلة بين انتمائي والضياع
‏ان جيت كيف احلّها وان رحت كيف احلّها ؟

‏ما يلوي ذراع الشجاع الّاك يا قلب الشجاع
‏لا بح صوت وسال دمع ومال خصر وملّها

‏انا فدا ذاك الجمر والعنق والحور الوساع
‏والورد وانغام الفجر لولاك مدري من لها

‏انتي من اللي ينتمي للريح والما والشراع
‏وانا تبعتك خطوتين ان ضيّعتك ادلها

‏لا مالت كفوفك ترف واخفيت حسن وحسن ذاع
‏تتساقط اوراق الشعر مابين ليت وعلّها

‏اختاري الفكره وانا برضيك قدر المستطاع
‏شاعر ولكن صورتك فوق المشاعر كلها .

‏كيف أكمّل رحلتي والريح ما تبغي شراعي؟
‏في مواقيفي إنتصار و في محاتاتي هزيمة
‏- صالح بن حمد

‏تشع الشمس من مشرق سناها والحياة تدبّ
‏عسى في نورها غفران ذنب وعفو وهداية

‏هني اللي لقا ف اية كتاب الله علاج وطبّ
‏ماهو باللي يحسب الذكر دعوه والحديث آية

‏رحاة الوقت تطحن والليالي ماتخلّي حَبّ
‏ولا استغرب لو آشوف الدليلة ينشد التايه

‏أنا شعري هوية يرتبط ب ارض ومشيئة ربّ
‏ولا اعتبره هواية لو تقول العالم هواية

‏رجعت من الغياب اللي تركني في غيَابة جُبّ
‏على شان الحضور اللي يجي ب ادراك وعناية

‏ابثّ الروح وتصير البيوت من المهار القبّ
‏ويظهر نجم وتدندن رعود وترتكز راية

‏لايرفعني مديح ولا ينزل من مقامي سبّ
‏انا مدرك ولي عقل استشيره وآخذ ب راية

‏حبيبي من يشوف الشعر صورة ثانيه للحبّ
‏يشوفك مختصر كل الطموح وذروة الغاية

‏على نبرتْك تهتال المسامع والضلوع تشبّ
‏ومن منطق كلامك عازف الناي يعزف نايه

‏متى ماقامت تلوح السحايب والهبوب تهبّ
‏تطالع ف السما ماكنك الا تطالع مراية

‏تجي مثل البرد مدري تجي مثل المطر لا صبّ
‏يداعبك النسيم وينتظرك ايامه الجاية

‏أنا مهما بلغت من المحبة والشعور الصبّ
‏آحس إني الين اليوم ماحبيتك كفاية

‏أحياناً يكرس العاشق سنين من حياته وأحياناً كامل حياته في سبيل السعي خلف محبوبه ولا يرى ذلك كافياً

‏"ما دفعت إلا حياتي لك..ثمن
‏وكان ما تكفي حياتي وش أجيب!"

‏وأيضاً
‏"وأنا ما عطيتك غير وردة وسبع سنين
‏قليله، لكن والله ما عندي إلا هي"

‏الإنسحاب وإغلاق الأبواب وتغيير
‏الأماكن ليس دليلاً على وجود البديل
‏بل هي مرحلة الإلتفات للنفس بعد
‏استنزاف الفرص وفي رواية اخرى:
‏"ما ودّي أرحل لكنك أجبرتني بالرحيل
‏سوالفك ما تسر و خاطرك ما يسر".

‏الكون وفير والطيبين واجد
‏وأمر الله من سعة

‏ولا زلت أنت متمسّك باللي مستكثر عليك حتى "شخبارك"
‏يا غلبان

‏تروح له خطاويّك عجوله..ولابغيته يجيك جاك ريّض

‏من اسمى مراحل الغلا انك تداريه حتى من نفسك ؛

‏بغيتك يوم وقتي سمح والخاطر ضحوك وطرب
‏وانا هالحين أحنّك من غثاي . . وشينة أخلاقي (: