Wasiirka arrimaha dibadda Iran, Abbas Araghchi ayaa u sheegay Al Jazeera ; “Waxaa jira isbedello badan oo hadda dhacaya, marka waxaa wanaagsan inaan la saadaalin dhicitaanka Bashaar Al-assad.”

Wakaaladda wararka Reuters, ayaa ku warrantay inuu wasiirka arrimaha dibadda Turkiga , Hakan Fidan u sheegay xoghayaha arrimaha dibadda Mareykanka , Antony Blinken in looga baahanyahay Bashaar Al-Assad inuu wada-hadal la galo mucaaradka,isagoo markaa ku sheegay dhibaatada Suuriya in lagu xallin karo inuu Assad la fadhisto mucaaradka.

Bashaar Al-Assad ayaa ku boorriyay Turkiga in uu soo farageliyo sidii loo joojin lahaa mucaaradka, wuxuuna hub iyo sirdoon ka dalbaday dalal ay ka mid yihiin Imaaraadka Carabta, Masar, Jordan iyo Ciraaq, balse ilaa hadda ma jirto cid ka soo jawaabtay codsiyada Assad, wargeyska Wall Street Journal ayaa ka soo xigtay saraakiisha ammaanka Suuriya iyo ilaha carabta.

Suuriya ayaa Ruushka ka heshay ballan qaad ah kaalmo militari oo dheeri ah si ay u xoojiyaan dadaalka ay ugu jiraan ka hortagga dhaqdhaqaaqa mucaaradka oo la wareegay gacan ku haynta gobolka Xalab ee waqooyi-galbeed ee dalkaas. Dimishiq ayaa filaysa imaanshaha qalab cusub oo militari oo Ruushku leeyahay saldhigga Hmeimim ee u dhow Latakiya 72 saacadood gudahood, sida ay ku warrantay wakaaladda wararka ee Reuters.

Fiiro gaar ah;

Ciidanka ka amarqaata Bashaar Al Assad , ayaa shalay illaa xalay isaga baxay magaalada Xalab, taa oo u suragelisay muddo taban sanno kaddib inay xooggaga mucaaradka gacanta ku dhigaan magaalada , kuwaasoo howlgallo dardar ku socda Arbacadii ku qabsaday dhammaan deegaannada ku hareerasay Xalab.

Fiiro gaar ah;

Waa hadalkii u horreyay Zelensky, uu ku sheegayo inuu diyaar u yahay dhulka Ukraine ee uu heysto Ruushka inuu ka tanaasulo si loo soo afjaro dagaalka, tan oo ku soo aadaysa xilli maamulka Trump laga maqlay inay kaliya diiradda saari doonaan joojinta dagaalka oo aysan dooneyn waqtigan inay Ruushka kala hadlaan dhulka uu heysto. Waxaa ka horreysay in xubno ka tirsan maamulka Trump laga soo xigtay in heshiiska ay ku doonayaan Ruushka inuu dagaalka joojiyo inay ku jirto muddo 30 sanno ah in dib loo dhigo hamiga ay Ukraine ku doonayso inay ku biirto NATO.

Putin , ayaa markii u dambeysay oo uu soo bandhigay shuruudaha uu ku joojin karo dagaalka , wuxuu ku sheegay ; Ukraine inay ciidankeeda ka saarto afar gobol oo kala ah; Donetsk, Luhansk, Kherson iyo Zaporozhye oo uu ku sheegay aftidii laga qaaday inay ku biireen Ruushka. Waxaa kalo uu ku xiray si wada-hadallo loo billaabo inay Ukraine ka tanaasusho doonisteeda ku biiritaanka NATO iyo inay dalalka reer galbeedka cunaqabateynta ka qaadaan Ruushka.

Wareysiga uu hadda bixiyay Zelensky, wuxuu ku soo bandhigay oggolaanshaha qeyb ahaan shuruuda Ruushka, taa oo fududeyn karta in markii u horreysay uu suuragal u muuqan karo iskudayga Trump ee joojinta dagaalkan.

Madaxweynaha Suuriya , Bashaar Al-Assad oo si deg deg u tagay Moscow oo la sheegay inuu la kulmay Putin, ayaa dib caawa ugu soo laabtay Dimishiq, iyadoo la arkay in Ruushka uusan qaadin tallaabooyin ku filan oo lagu joojin karo xooggaga mucaaradka ee qabsaday magaalada Xalab , taa oo ka dhigan guusha ugu weyn ee dagaalka ay ka gaarayaan mucaaradka muddo siddeed sanno ka badan.

Wargeyska Middle East Eye, ayaa ku warramay in sawirrada dayax-gacmeedka laga arkay in saldhigyada Ruushka ee gudaha Suuriya ay maranyihiin oo tiro yar oo diyaaraddo iyo hub duug uu Ruushka uga tagay Suuriya , isagoo awoodiisa oo dhan u jiheeyay dagaalka Ukraine , in mar kale uu iskudayo Ruushka inuu difaaca Assad, waxay ku sheegeen ilo uu wargeyska xigtay inay u baahantahay waqti iyo Ruushka inuu ka soo saaro waqooyiga Afrika calooshood u shaqeystayaasha Wagner si ay uga dagaallamaan gudaha Suuriya.

Afhayeenka aqalka Ruushka ee Kremlin, Dmitry Peskov oo maanta la waydiiyay inuu ka hadlo dagaalka dib uga qarxay Suuriya, wuxuu sheegay waxa ka socda Suuriya inay tahay xad-gudub, isagoo markaa tilmaamay inuu rajeynayo maamulka Assad inay awoodaan sidii ay gacantooda ugu soo celin lahaayeen Xalab, marka ma uusan sheegin doorka uu Ruushka ku caawin karo maamulka Assad. Laakin si cad guul-darrada Assad, waxay saameyn ku leedahay sharafta Ruushka, taa oo ku khasbaysa inuu Ruushka ilaaliyo booskiisa Suuriya.

Fiiro gaar ah;

Shabakadda Axios, ma sheegin sababta Trump uu u aaminay in waqti hore ay wada dhinteen maxaabiista, balse tan waxaa laga yaaba weerarrada bambooyinka culus ee Mareykanka ee Israa’iil ay ku garaacayso Qasa, inay la noqotay Trump inaysan jirin cid ka badbaaday.

Graham, dareenka uu ku soo bandhigay hadalkan wuxuu u hadlay sida inuu u hanjabayo, kuwa bariga dhexe , balse xaqiiqda waa in haddii uu Mareykanka cunaqabateyn saaro dal Midowga Yurub ah inay ku soo bixi doonto qoraxda! sababtoo ah dhammaan dalalka Yurub ayaa si wadajir ah markaa cunaqabateyn u saaraya Mareykanka, marka tani waa in si aan ka fiirsasho lahayn uu u yiri Senator Lindsey Graham. Mareykanka siyaasiyiintiisa si ka badan waqti kasta oo hore waxay soo bandhigayaan hadallo ka fog xaqiiqda, iyagoo si indho la’aan ah u luminaya wax walba , sabab la xiriirta taageerrada Netanyahu iyo Israa’iil , wuxuuna u dhaqmaya Mareykanka sida dal ka yimid ‘meere kale’, ma garanayo habdhaqankan inuu Mareykanka u noqon doono siriq , lugaha ka xirta oo istaagi ka ridi doonta..!
Xaqiiqada;

Hadda dalalka Yurub oo uu hoggaaminayo Faransiiska ayaa dadaal kooda oo dhan ku bixinaya sidii Yurub ay uga bixi lahayd ku tiirsanaanta Mareykanka , tan oo xataa laga maqlay Emmanuel Macron, isagoo bartamihii sannadkan sheegay soo laabashada Trump inay uga faa’iideysato Yurub, sidii ay isugu tiirsanaan lahayd , halkii ay sugi lahayd Mareykanka.

Muxuu yahay gantaalka qaylo dhaanta uu ka diray Zelenskyy?

Ruushka wuxuu adeegsaday habeenkii Khamiista ee toddobaadkii hore gantaal cusub oo horey uusan Ruushka usoo bandhigay, loona adeegsan, kaasoo qaatay magaca Oreshnik — wuxuu Putin ku ammaanay gantaalkan inaysan jirin nidaam difaac oo ay heystaan Ukraine , Mareykanka iyo reer galbeedka oo awoodda inuu celiyo.

Gantaalkan waa Hypersonic ballistic ah, oo ka dheeraya guuxiisa, wuxuu ilbiriqsigii ku gaari karaa 3 km, isagoo awoodda inuu garaaco masaafo 5,500 km , wuxuuna qaadi karaa madaxyada qarxa oo culeyskoodu yahay illaa 3 tan, sida ay soo bandhigtay wakaaladda wararka Ruushka ee Sputnik.

Putin ayaa gantaalkan ku sheegay sidoo kale inuu awooddo in lagu xiro madaxyo nukliyeer ah, wuxuu xalay amar ku bixiyay in la soo saaro gantaallo badan oo ah Oreshnik, tan oo muujisay in xilli horaba uu Putin ku qanacsanyahay awoodda wax burburin ee gantaalkan.

Hadda , Mareykanka iyo dalalka kale ee reer galbeedka ayaa billaabay inay wax ka oggaadaan gantaalka Oreshnik iyo sida ay ugu surageli karto inay ka hortagaan.

24-kii saac ee u dambeysay siyaasadda Soomaaliya waxay bixisay xarfaheeda B illaa Y (A-Z) , kaliya maantana waxay ku filnayd si dhaqso ah inuu qof ka qallin-jabiyo, waan rajeynaya inay dhowdahay waqtiga xarfaha u dhaxeeya B illaa Y aan hingaadin karo…!

Looma baahna waqtigan wax badan oo ay tahay in loo sheego qofka Soomaaliga ah, waxaa jirta inan nasiib u yeelanay bulsho ahaan, waana in Alla weyne inoo sheegay waxa ay tahay inan ku dhaqaaqno ;

"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"