بكره حدث Apple السنوي!

حابب أفكركم إن بكره هيكون الحدث السنوي اللي الكل منتظره من Apple، واللي هيعلنوا فيه عن أجهزة زي الآيفون وباقي المنتجات الجديدة. عايزكم تركزوا كويس على حاجتين مهمين جدًا :

أول حاجة، شوفوا إزاي Apple بتعرض كل منتج بعد التاني بطريقة تحمسك، وكأن كل حاجة مرتبطة ببعض. دي استراتيجية مش بس في العرض، دي طريقة تخليك تحس إنك جزء من اللي بيحصل

تاني حاجة، خليكوا واخدين بالكم من حاجة مهمة جدًا: Apple عمرها ما هتقولك "ده هاتف" أو "ده جهاز محمول"، هما بيبيعوا فكرة إن المنتج ده جزء من حياتك، حاجة بتأثر في أسلوب حياتك اليومي بشكل مباشر. هما مش بيبيعوا أجهزة، هما بيبيعوا تجربة حياة.

الحدث ده فرصة نادرة عشان نشوف ازاي شركة زي Apple بتستخدم علم النفس والتسويق بطريقة احترافية عشان تخلق الرغبة عندنا إننا نشتري المنتج قبل حتى ما نفكر في احتياجاتنا الحقيقية

حاجات مهمة تركز عليها بكره :

ترتيب المنتجات: شوف إزاي كل منتج بييجي بعد التاني بطريقة تخليك متشوق للخطوة الجاية

الإحساس الشخصي بالمنتج: مفيش جهاز بيتعرض من غير ما يربطوه بحياتك إنت بشكل مباشر، دي نقطة تسويقية قوية جدًا

قوة الإقناع النفسي: Apple بتستخدم حاجات من علم النفس زي التأثير الاجتماعي والإقناع البصري عشان تخليك تحس إن المنتج ده مهم جدًا ليك

لو عايز تعرف أكتر عن الطرق اللي Apple بتستخدمها في التسويق، فيه حاجات زي كتاب Influence لروبرت سيالديني، أو مقالات بتشرح بالتفصيل إزاي تصميم منتجاتهم بيلعب دور كبير في رغبتنا إننا نشتريها

في الآخر، بكره فرصة إنك تتعلم حاجات مش بس عن الأجهزة، لكن كمان عن التسويق وكيفية بيع تجربة حياة مش مجرد منتج

شوية مصادر
مقال "How Apple Uses Design to Create Desire" على موقع Medium، بتشرح بالتفصيل كيف أن تصميم منتجات Apple مصمم لجعل الناس يشعرون بحاجة ملحة لشراء المنتجات

في كمان تقرير على موقع Wired يوضح كيف أن Apple تركز على خلق تجربة
مستخدم سلسة تجعل كل منتج يبدو كجزء من حياتك اليومية

كتاب Influence: The Psychology of Persuasion لـ "روبرت سيالديني"، بيشرح فيه أساليب التسويق اللي بتستخدمها شركات زي Apple

لو هتشرح بقا سوفت سكيلز. هتعمل ايه عشان تتغلب على صعوبة شرحها؟

ليه شرح السوفت سكيلز صعب؟

انا في قمة السعادة

UX Salon
عملوا مجتمع اسمه زمرة

كون في حد فكر يعمل مجتمع يساعد فئة معينة من المصممين

دي حاجة تساعد في نشر وعي انا كنت اتمنى اشوفه من زمان و انا ببدأ

بجد شكرا للتيم كله و شكرا ليكم انكم خليتوني جزء من القصة دي يوم ما اتكلمت في سيشن معاكوا

كانت بداية حاجات كتير ❤️

هحط اللينكات في الكومنتات ??

Gift Session with Ramadan. ❤️?

من فترة طلبت منكم مشاركة رأيكم عن الكومينيتي ع السوشيال ميديا.
وعدت بسيشن مجانية مع اللي هيعمل كدا.

انا هوفي بوعدي أهو من خلال ان الشباب اللي عملوا كدا يملوا الفورم دي: https://tally.so/r/wa08Jv

و لو مش فاكرين فالبوست اللي في كل اللي شاركوا كنت باخد سكرين شوتس عشان مينسوش من هنا: https://t.me/ramadanahmad47/647

النهاردة أول يوم في سبتمبر و بداية آخر أربع شهور.

ايه هي خططكم قبل نهاية العام؟
أو على الأقل خطة و اهداف الشهر دا؟

لما نقول ان العملة النادرة الفترة الجاية هي المهارات الناعمة زي التواصل و غيره. ?

دا مش معناه انك هتسيب الشغل و تقعد تتواصل و تتفاوض.

المهارات الناعمة هي مهارات تكميلية لأختها الفنية.

و كعادة أي شيء تكميلي
في نوعين

نوع يكمل و لكن بدون اضافة قيمة زايدة
و نوع يكمل و يزيد من قيمة الشيء اللي بيكمله

المبدأ دا موجود على حد بحثي في علوم الابتكار و الفلسفة و اقربهم علم الاجتماع تحت عنوان complementary relationship

لما يكون في عنصرين الجمع بينهم بيعمل قيمة اعلى من وجود كل واحد لوحده.

علشان كدا ميجيش في بالك ان لما حد يقولك اتعلم ازاي تتواصل انك هتسيب شغلك و تتواصل.

الدكتور يتواصل مع المريض
و المهندس مع العمال
و المصمم مع العملاء و زمايله

و كل واحد بيوصل شغله و لكن بشكل فعال.

المشكلة و المفارقة في نفس الوقت ان التكميل عملية متزامنة مع التطور الوظيفي فأوقات التكميل هيكون بنسبة أعلى لعنصر عن التاني.

علشان كدا في أول شغل ليك مش شرط تتواصل بشكل جيد بس المهم تشتغل بحكم ظروف البدايات

و علشان كدا بتسمع ان الشغل لما تترقى بيعتمد اكتر على مهاراتك الشخصية مش التيكنيكال لان العلاقة التكميلية نسبتها اختلفت في مصلحة عنصر تاني

و احيانا بعد ما تكبر في الشغل بترجع النسبة تاني للتيكنيكال لما تعوز تذاكر حاجة جديدة

اتمنى كدا نفهم ان العلاقة تكميلية و متناسبة مع الوقت و الظروف و كل واحد فينا له وقته و ظروفه

الشاطر في شغله مش شرط يبقا شاطر في الكلام عن شغله

الشاطر في الكلام عن شغله مش شرط يبقا شاطر بشطارة الاولاني

عادي كله له نصيبه من الشطارة و كله شغال على نفسه و هي مسأله وقت و كل واحد فيهم يلحق نفسه

دا كلام ملوش دعوة بإدعاء الشطاره.