КЕЧМИШ

Сайроқи - қушмисол эмасдим,
Ҳақорат ўтдида жонимдан.
Ҳуррият эшигин, очай деб,
Вос кечдим, балки зўр онимдан.

Подшони мақтасам бўларди,
Мақтасам бўларди вазирни!
Менга ҳам бир амал тегарди -
Айтмасам, халқимнинг арзини...

Қўлимда шамшир йўқ - йўқ олов,
Ҳеч “ким”га - даҳлдор эмасман.
Туҳматдан қўрқаман - туҳмат ёв,
Бировнинг ҳаққини емасман...

Бир куни, айблов қўйишса,
Шарафсиз кимсалар кўп ҳозир.
Эркимни, жуссамдан айирса,
- Ёлғончи эмас денг...
У - шоир!

Халқ учун яшамоқ, мароқли,
Бир бора туғилдик, Ҳақ - йўлим.
Юрагим шундоқ ҳам - оғриқли,
Оғриқлар ортида - бор ўлим!

©Абдувоҳид Сувонов
https://t.me/Adabiyot_olami

ОНА ЎЗБЕКИСТОН

Юртга мақтов эмас, муҳаббат керак,
Яна ўз сўзимга қайтдим, гумон йўқ:
"Ўзбек кўп бутун ер юзида, аммо
Оламда бошқа ҳеч Ўзбекистон йўқ!"

Азизлар исмига ватандир нисбат,
Елгай юрт номида суворий бўлиб:
Бежизми, Исмоил ўғли Муҳаммад
Жаҳонга танилди Бухорий бўлиб!

Жаҳолат нажотга бўлолмас гаров,
Гарчи дунё иши бўлур нисбатан.
Ватанни юксакка кўтарса биров,
Бировни юксакка кўтаргай Ватан!

Маҳшар талошида иймондан бўлак
Нима бор жонинга киргувчи ора?
Термизий бермаса маънодан дарак,
Термизни танирди қайси бечора?

Пайғамбар боғида туш кўриб озод,
Фақиҳ деб аталди, бўлди юртга зеб:
Дунёни ғафлатдан уйғотган бу зот
Аталди Абулайс-Самарқандий деб!

Адолат измида гуркирар ҳаёт,
Бўлмас муҳаббатсиз шижоат, азм.
Ошиқ Хоразмийлар қоқмаса қанот,
Қайга ҳам учарди буюк Хоразм?!

Ёзувсиз харита қитъаларидек,
Юракка ёзилур Бистомий, Шомий.
Туғилиш ва ўлим нуқталаридек,
Мавлоно аталмиш Балхий ва Румий!

Азиз Ўзбекистон!
Сени ким севмас,
Азизлар бешиги, эй шонли юрак!
Эл бахти сен билан бўлса чамбарчас,
Сенинг ҳам эл билан бахтинг муштарак.

Йўлинг пок, сафаринг бехатар бўлсин,
Абадият сари талпин, елиб уч!
Ким асли Ватандан бехабар бўлса,
Умри пуч, сўзи пуч, ғоялари пуч!

Қайтсанг, яхшиликка қайтгил, эй дунё!
Мен ҳам ўз сўзимга қайтдим, гумон йўқ:
Ўзбек кўп бутун Ер юзида, аммо
Оламда бошқа ҳеч Ўзбекистон йўқ.

©Мирзо Кенжабек
http://t.me/Adabiyot_olami

Кечаю кундуз агар Қуръон тиловат айласанг,
Шабни рўз айлаб мудом тақвойи тоат айласанг,
Мисли Ҳотамдек бўлиб хайру саховат айласанг,
Каъбайи мақсудни минг бор зиёрат айласанг,
То Отанг рози эмас, тавбанг қабул бўлмас сени...

© Бобораҳим Машраб
https://t.me/Adabiyot_olami

ҲАЙ ҲАЙ

Йўқламаган ҳар кунинг йилча бўлурми, ҳай-ҳай,
Шунчалик шафқат билмас дилча бўлурми, ҳай-ҳай.

Хуш суратинг бир нафас тарк этмас хаёлимни,
Кўз шаҳло-ю, қош эса нилча бўлурми, ҳай-ҳай.

Ҳар сўзда юз андиша қилғум донолиғингдан,
Кўнглингнинг нозиклиги қилча бўлурми, ҳай-ҳай.

Гоҳ ханжар, гоҳ асалдек сўзларингдан доғдамен,
Жон олиб, жон бергувчи тилча бўлурми, ҳай-ҳай.

Васлингнинг умидида дунёдан ўтиб боргум,
Қаноатда Саида филча бўлурми, ҳай-ҳай.

© Саида Зунунова
https://t.me/Adabiyot_olami

П/С: Суратда
Саид Аҳмад
Саида Зуннунова

ЎЗИМГА...

Катта шоир бўлиб қолсанг катта дарддир,
Лекин бироз “катта”ларга қараш шартдир.

Баъзан ёзган шеърларингга кўникмайсан,
Таҳлил қилса рақибинг - нақд ўликдайсан.

Тоғ бўлсанг гар, тошларингни ирғитгайлар,
Чинор бўлсанг новдаларинг силкитгайлар.

Бу юрт учун сўз ўйнида керак қалқон,
Шеър қиличдир шеърдан қўрқсин ноиб ҳоқон.

Майда-чуйда, ёзарлардан тургин йироқ,
Шердек эмас, Бўридек яшаш - яхшироқ.

Энг аввало халқ тилида шеърлар ёзгин,
Гоҳи мулзам, гоҳи шодлик, гоҳи хорғин.

Катта йўлга чиқдим-ку, деб керилмагин,
Номдорларнинг рағбатига берилмагин.

Сувинг лойқа келса улар қутқармайди,
“Ёз”-деганнинг, биттаси ҳам қўл тутмайди.

Чўчитмоққа истагим йўқ, йўқ хоҳишим,
Шоирликдан келиб чиқмасин, ташвишим.

Қизиққонлик қилиб қўйма, обдон ўйла,
Етти ўлчаб, юракдаги, сўзинг - сўйла.

Дадил бўлгин, қўрқиб юрма, ёзма мақтаб,
Шоирларнинг тенг ярмиси - юрар вайсаб.

Ундайларнинг шоир дейман кўнгил учун,
Ўт-ўланни ёзгайдирлар, бериб кучин.

Жим-жимадор сўз термоқдан фойда йўқдир,
Ғафлат қучган, ёлғон ёзган шоир кўпдир.

Катта шоир бўлиб қолсанг, катта дарддир,
Шоир бўлсанг, халқ дардида, яшаш шартдир!

© Абдувоҳид Сувонов
https://t.me/Adabiyot_olami

Келдим десам, жойинг йўлак дедилар,
Севдим десам, тенгинг бўлак дедилар.
Сенинг севгинг кимга керак дедилар…
Кетар бўлдим юзингни бир кўролмай...

© Муҳаммад Юсуф шеъри
? Муҳриддин Ҳолиқов ижроси
https://t.me/Adabiyot_olami

https://t.me/Adabiyot_olami

© Бибисора Туробова шеъри
https://t.me/Adabiyot_olami

https://t.me/Adabiyot_olami