مولد الامام الحجه عج…. 🌹🌷

عاشگ وبسمك نبض شرياني
انته اول مـــن سكن وجداني
مغــرم وحبيتك  يمهدي
بالگلب ضميتك  يمهدي
ــــــــــــــــــ✮✩✮ــــــــــــــــــ

ابعث السلام - بعذب الكلام
الك ياقائم نبي الرحمه وعترته...
عجل الظهور - ضاقت الصدور
الشوفتك كل عمري يالمهدي نذرته...
والله يالحبيب - من هواك اطيب
انته محبوبي وحلم عمري النطرته...

بسمك اهتف ونته ماي اعيوني
ما أهـــــــــــم بالرادو ايلوموني
وحدك اختاريتك   يمهدي
بالگلــب ضميتك   يمهدي
ــــــــــــــــــ✮✩✮ــــــــــــــــــ

احنه عدنه عيد - كل شخص سعيد
هذا يوم المولد اويا محلى صبحه..
ربي اجعله خير - وسعد الفقير
بيه خل ينسه المضه وخل ينسه جرحه..
ربي ياسميع - اسعد الجميع
اسنين مرت بيهه ابد ماشفنه فرحه..

انريد ننسه اهمومنه ابهل ليله
وبوصالــــح محفل انســـويله
من الزغر واليتك  يمهدي
بالگلــب ضميتك  يمهدي
ــــــــــــــــــ✮✩✮ــــــــــــــــــ

طول المجيء - يمته نستضيء
بنورك البيه تستضيء الدنيه كلهه...
توفي بالوعود - والعدل يسود
والنواصب كلهه بوجودك تذلهه...
يمته نستراح - وتسكن الجراح
شيعتك مولاي بس انته املهه...

ياأملنه اشگد دعينه انشوفك
يمته ترفــــع رايتك بچفوفك
غايـب وتانيتك   يمهدي
بالگلب ضميتك  يمهدي
ــــــــــــــــــ✮✩✮ــــــــــــــــــ

عايش ابهواك - گلبي مانساك
لحظه ما اتخله عنك يا امامي
يااعز حبيب - عني ماتغيب
يمي احسك كل وكت تسمع كلامي
وياك اضل سعيد -عني موبعيد
وي العذيبي ألك ابعث سلامي

حبي موعادي وصرت مجنونك
ما اعيشن لحضه اني  ابدونك
ورده وشتميتك    يمهدي
بالگلب ضميتك   يمهدي
ــــــــــــــــــ✮✩✮ــــــــــــــــــ

الخــــادم
كامل السعيدي

ابوذيه **الفرح طير وشبيه الهواء       ملاح
علك بخمسطعش شعبان       ملاح
سفينه الروح بس الكلب       ملاح

أبو صالح المهدي أبن الزجيه

خيط حجاب بنت حسين   ___ ياناس
آدم حواء جن وملاك        ___ ياناس
عبايتها ستر من ستر        ___ياناس

اغضو البصر لو طلعت رقيه

لخادم الحسين عليه السلام عمار محسن المنصوري
الذليل**

في ذكرى ميلاد  الإمام المهدي (عج)

بالفرحه نادينه .. أهلاً يمهدينه

&&&&&

يوم اللي أزهر بدرك او شع نوره
يا مهدي صارت تضوي هالمعموره
او صارت الشيعه الـ جيِّتك مسروره
او رادود موسى و المنصَّه طُوره

كاتب على اجبينه .. أهلاً يمهدينه

&&&&&

الكمر لُو وجهك علينه اتشعشع ؟!
و ابلا نقاش امن الكمر انته أروع
عطرك يفوح امن الجهات الأربع
و ابلايه حُبَّك كل عَمَل ما ينفع

حُبَّك نبض بينه .. أهلاً يمهدينه

&&&&&

جنةْ عدن نزلت تقبِّل مهدك
او عالشامه ظلت صافنه اللي ابخَدَّك
حته المجد ماخذ عَلَكـ من مجدك
ياللي الملايك كلها تخدم عندك

عَلاَّك بارينه  .. أهلاً يمهدينه

&&&&&

هاي الكلوب ابكل هيام اتضُمَّك
او من حسنك الأرواح سجدت يمك
هذا الوَرِد يمك إجه يشتمك
و ابـ هالولاده انهنِّي نرجس أمك

يَغله أمانينه .. أهلاً يمهدينه

&&&&&

بالفرحه هاي الليله محَّد كدِّي
بيها انوِلد محبوب كلبي المهدي
مَد إيده كلبي ابَّابك انته امجَدِّي
لن ماكو غيرك يا بو صالح عندي

مدّينه أيادينه .. أهلاً يمهدينه

&&&&&

العافك يظل يبن الزجيه نادم
او من حكه لُو ظل بيك عقلي هايم
لازم أشوفك يا بو صالح لازم
او يمك أنادي احسبني أزغر خادم

شوكي او تَلاحينه .. أهلاً يمهدينه

&&&&&

خادم المهدي (عج) : إبراهيم الدريس

**( يارسول الله )

ابنهجك فاز مَن آمَن وَسَلَّم
يَمَن حُبَّك صراط النه وَسِلَّم
صَلَّى اعليك بارينه وَسَلَّم
ابقرآنه وإلك ألقى التَّحِيَّه

گلبنه اوياك مايگطع وَصِل لَّه
مَكان الرِّفعه مَن مِثلك وِصلَّه
كون الله فُرَح لجلك وَصَلَّى
كل مؤمن عليك ابهالمسيه

الگلب بالخدمه ياهالناس وآله
وربح كلمن الأهل البيت وآله
صَلُّوا عالنِّبي المصطفى وآله
أجر بيهه ورضا الرَّبِّ البريه

( هوسات )

ابسرور اگلوبنه وفرحتهه هالجينه
ابعشگ ( للسيِّده آمِنَه ) نادينه
تهانينه ابولادة طه هادينه
( ميلاد العِز ياميلاده )

إسم الخير إسمك يانبع صافي
اشما عَدِّينه فضلك صِحنه مو كافي
مطلوبين الك شنسوي مَنوافي
( لليوم افضالك يالهادي )

(الولاده الجعفريه)

مو بالسِّر عَلَن نادينه عالمنبر
نتباهه انتمينه المدرسة جعفر
على كل نهج هذا النهج يتصدَّر
( والصادق نور ويهدينه )

ولادة جعفر الصادق ولادة نور
يهدي العالمين وللبشر دستور
فرحان الموالي ابمولده ومسرور
( وايهنِّي المَهدي ابميلاده )

سيد علي الموسوي**

قناه یادمعة رقيه لتلحين القصايد

((((@deaa1989)))))
??
قنات النعي اه يا دمعة رقيه

(((((@ALFutme)))))

??
قنات موالید اه یادمعة رقيه

(((@Rwkue))))))

قناة دروس تعليم المقامات
(((@learrne))))

رابط الكروب اه يا دمعة رقيه???
https://t.me/joinchat/P2FCsFEWcErWhxWU

ابوذيات وهوسات في ولادة رسول الله مُحمّد صلى الله عليه واله

اجتنه وبشّرت نفـرح.          رسلنه
بولادة سيّـد وآخــــر.          رسلنه
تهاني الفرحة للمهدي.         رسلنه
نهنّي المنتظر هاي المسيــه     ( صلوات )

خبر عن مولد الهادي.            وردنه
يفوح بعطره هالليله.             وردنه
حضرنه بمولده نفرح.            وردنه
نشارك بالفرح بنته الزچيـه.     ( صلوات )

مُـحـمّـد ما وصل واحد.          لفضله
رسـول وعالبشـر كلـــها.          لفضله
ربـنـه بأعـظـم الفــاضه.          لفضله
يمدحه بخُلقه وخلاقه السخيه.     ( صلوات )

هوسات //

سُبحـــانـه الإلــه شـصـوّر وابـدع
خلق طه النبي من نوره وتشعشع
من وجه النبي نور وحِسِن يسطع
( نَوّر دنيانه بانواره )

فجر سابع عشر صار بربيع اوّل
انولد نور الرسول الطاهر الأكمل
من سابـع سمـه الأمـلاك تـتـنـزّل
( تـتـبـرّك بالهادي ونوره )

مُحمّـد اشرق بوجهه اليشع انوار
حبيب الله الرسـول وهازم الكفّار
لولا المصطفه هـذا الخلق ما صار
( لعيونه الخالق سوّانه )

واحنـه بمـولـد المختـار فـرحـانيـن
ننصب محفل لراعي الشرع والدين
ويـن الرايـد ينـول الشفـــاعـة ويـن
( خل يفرح بالهادي ويانه )

خادم سيد الكائنات وحبيب الله مُحمّد صلى الله عليه واله
سيد زيد الفحام

ابوذيات بمناسبة مولد الرسول الاعظم(ص)

يل تناشـــــد علينـــه من نبينـــــه

محمدهـــذا رحمـــة من نبينـــــه

شرف هذا اللي بينـه من نبينـــــه

شـــرف كل الــشـــرف سـيـــد البـريـــه

الشاعر الحسيني / أبـو يقين الصالحــي