ازاي اختار تخصصي كطبيب؟

(هذا المقال نُشر مسبقا، لكن لكثرة الأسئلة المتعلقة به يُعاد تقديمه)

اختيار التخصص هو الشبح اللي بيطارد كل طالب من اول سنة رابعة ... وللأسف ممكن يستمر معاه بعد التخرج لسنين! السؤال مهم لأن التأخر في القرار ده له عواقب وخيمة أقلها ضياع أغلب الفرص الذهبية أثناء ما الواحد بيكون مشغول في تردده...

أنا شخصيا ربنا ألهمني طريقة منطقية خلتني أحدد تخصصي في خلال شهرين وانا طالب ، ولما نصحت بيها العشرات جابت معاهم نفس النتيجة بنجاح ...

البداية في سنة رابعة كانت اني لاحظت أن أي رأي بأكونه عن أي تخصص مش بيكون مبني على "حقيقة ممارسة" هذا التخصص ... وإنما على حقيقة ما عرفته عنه زي أي طالب: الكتاب اللي ذاكرت منه ، والدكتور اللي امتحنني في المادة ، وشكل القسم اللي درست فيه! ودي كلها حاجات بعيدة عن الشغل والممارسة! فقررت أستكشف كل تخصص على حقيقته!

فكل ما كنت ألاقي عندنا راوند أو محاضرة متعجبنيش كنت بآخذ غيابي وأروح أحد الأقسام الاكلينيكية (مرة جلدية ، مرة نسا وولادة ، مرة جراحة العظام ... الخ) وأروح لأي نائب شكله طيب واطلب منه اني أحضر معاه اليوم ده أشوف بيعملوا ايه وأعيش معاه يومه! طبعا كان البعض بيرفض لكن كان 90% بيقبلوا ببساطة لأني مؤدب .. وخلال اليوم كنت بسأله عن حياته وطبيعة التخصص ومزاياه وعيوبه ومدى سعادته وليه اختار التخصص ده! طبعا بآخذ الإجابات بحذر لأن كثير منهم بيشتكي لمجرد الشكوى بدون أسباب عقلانية!

ليه كنت باعمل كده؟ لأني فكرت ان اللي عاوز تخصص معناه انه عاوز يعيش ويشتغل ويبقى شبه أهل هذا التخصص .. فإزاي حتختار تبقى شبه حد انت عمرك ما شفت حياته عن قرب؟ فمرضتش اختار اختيار أعمى! كان لازم اعرف الحياة دي تناسبني ولا ماتناسبنيش قبل ما أستثمر فيها!

طبعا فيه تخصصات من اول ساعتين كنت بألم حاجتي وأشكرهم وأقول مستحيل أقضي عمري كله في الحياة دي (زي النساء والأورام)! وفيه تخصصات كانت بتعجبني لدرجة اني كنت باروح أحضر معاهم في المستشفيات الخاصة بالليل (زي الرمد وجراحة التجميل) لأني عارف ان تخصص زي ده في مستشفي الجامعة مش حيكون زي الواقع بره فلازم أشوفه كويس قبل الرأي النهائي!

لو حد فيكم عمل كده .. عاوزك بعد كل يوم تقضيه تبص لمجموعة العوامل اللي انا بصيت عليها دي (وقد تم ذكرها في كتاب الدليل الأمثل لاختيار تخصصك الطبي .. للدكتور بريان فريدمان) :

1) هل أنت ميال للتخصص ده؟ هل لاقي نفسك فيه؟

2) هل سماتك الشخصية قريبة من سمات أهل هذا التخصص؟ (لاحظ مثلا أن أغلب الجراحين يتسموا بحرارة الأعصاب وسرعة ردود الأفعال وخفة اليد .. بينما أطباء الأطفال غالبا يتسموا بالهدوء والوداعة والصبر.. وأن أغلب أطباء الباطنة يميلون للحديث عن و مع المرضى بينما أطباء الأشعة والتحاليل يفضلون الانزواء بعيدا .. وهكذا)

3) هل مذاكرة هذا المادة دي انت بتستمتع بمذاكرتها ولا لأ؟

4) هل العائد المادي المتوقع كاف بالنسبة لاحتياجاتك (وانت رب أسرة مش وانت لسه طالب)؟

5) هل الابحاث في المجال ده أنت حاببها ولا لأ؟ وهل التقدم العلمي فيه مناسب ليك (يعني انت بتحب تلعب بالتكنولوجيا مثلا ولا عاوز تذاكر الحاجة مرة واحدة وتشتغل بيها سنين)؟

6) هل نوع العيانين في المجال ده حتعرف تتعامل معاهم ولا لأ؟ عيانين الطوارئ مثلا يختلفوا عن عيانين الشيخوخة .. هل بتفضل المرضى النائمين (التخدير) ولا الصارخين (الأطفال)! ولا مش عاوز تشتغل مع عيانين أصلا (أشعة وباثولوجي وتحاليل).

7) هل أنت من النوع اللي مهتم بحياته الاجتماعية فعاوز تخصص ساعاته قليلة؟ ولا حاسس بالملل وعاوز تملأ حياتك!

انا الحمد لله لما عملت كده في خلال شهرين كنت عارف اني منفعش اتخصص غير حاجة واحدة ... وهي دي اللي من ساعتها وجهت كل تعليمي وعلاقاتي وسفري وأبحاثي وحياتي كلها في اتجاهها! وأحمد الله كل الحمد على ذلك! واتمنى للجميع أن يتجنبوا مشقة الطريق ويركزوا جهودهم في أنفع اتجاه لهم ...

وبالتوفيق!

د.نزار عبدالفتاح

نصيحة للشباب اللي داخل امتياز جديد إن شاء الله :

الامتياز دي أهم فترة مفصلية في حياتك ( المهنية والاجتماعية علي حد سواء )

حدد فيها من بدري انت عايز ايه
فترة هتقابلك فيها مشتتات وتوهان كتير فلازم تبقا واعي ومتسيبش الوقت يجري بيك .

علي المستوي المهني قدامك طريقين كبار :
إنك تسافر أو إنك تقعد في مصر
وكل طريق منهم مليان طرق متشعبة.
يعني هتسافر فين بالظبط وامتا ؟
طب لو قعدت هتاخد تخصص ايه؟ وهتاخده فين ؟ وهتبقا شاطر فيه ازاي ؟

اختيار طريق منهم ( بتحابيشه ) مش هيجي من يوم وليلة
ولازم تتعب شوية وتحتَكّ بالمجتمع الطبي كتير وتجمع معلومات متقعدش ف البيت تقرأ بوستات وتبني علي أساسها مستقبلك وقرارك .
ده لا يكفي

خلي هدفك إنك تنزل وتتعامل ودايما اسأل الأكبر منك ومتكتفيش- أبدا أبدا أبدا- باللي هيقوله لك النايب لأن أغلب النواب من ضغط الشغل مش حابين تخصصهم او غير راضيين عن قرارتهم

اسأل اكتر الناس الكبيرة اللي نزلوا سوق العمل أكتر زي المدرسين المساعدين او المدرسين والأستاذة والاخصائين والاستشاريين
اسأل ناس سافرت وناس قعدت
وخلي ليك عقل واعي في جمع المعلومات وافرزها صح وشوف مين بيكلمك وبينقلك خبرته بجد ومين بيبالغ او بيقول أي كلام بدون خبرة .

📌طريق السفر:
لو بعد بعد التخرج مباشرة
أشهر الطرق: أمريكا بريطانيا ألمانيا
كل طريق ليه مواصفات ومميزات وعيوب
الخليج بتروحه بعد ما تاخد شهادة وتدريب هنا في مصر او شهادة بره
بمعني إن نادر أما حد يسافر الخليج بعد التخرج .

بيحكمك في السفر حاجات كتير زي القدرة المادية والدافع وشغفك في بذل المجهود ومساعدة اللي حواليك ليك
حاجات كتير لازم تقيم نفسك فيها وتشوف مناسبك الطريق ولا لا.

📌لو هتفضل هنا في مصر لازم تحدد انت عايز ايه ؟
تنزل مستشفيات وعيادات _ تنزل تنزل - تجرب كل التخصصات وتعيش اسابيع- مش يوم ويومين- في التخصص ده وتشوف بنفسك التخصص اللي حبيته هتعرف تاخده ف مكان تتعلم فيه كويس ولا لا وتحتك بناس كتير فيه بداية من النايب لحد الأستاذ وتجمع منهم ارائهم عنه وهكذا
وتعمل خطة لنفسك ازاي تكون شاطر لأن عشان تكون شاطر هتبذل مجهود سواء هنا أو بره .
لينا تكملة للكلام ده إن شاء الله في بوستات جاية.

**الشاهد السنة دي سنة تحديد الاتجاه
لازم تستفيد منها وتختار طريق واقعي مناسب ليك وتمشي فيه

والأهم اعتمادك الأول والأخير علي توفيق ربنا ليك ودايما خلي في ذهنك دعاء يارب دبر لي فإني لا أحسن التدبير ❤️**

" شهادتك إللي أنت رامي دينك عشانها ممكن متلحقش تكسب من وراها قرش حتي..."

الكلمات دي من أكثر الكلمات تناقضا مع الشريعة الإسلامية وبقت تتقال كتير لو حد من الطلبة توفاه الله وهو في سنوات الكلية

كلمات ممكن تتقال بنية حسنة لكن ميعرفش قائلها إنها بتغرس في الذهن معاني مضادة لمبادئ الدين الإسلامي

النبي عليه الصلاة والسلام قال " من سلك طريقا يلتمس فيه علما سهل الله له طريقا إلي الجنة وإن الملائكة لتضع أجنجتها لطالب العلم رضا بما يصنع "

فاللي مات وهو قاعد بيذاكر عشان شهادته زي اللي مات وهو بيؤدي وظيفته زي اللي مات وهو بيصلي كلهم بيؤدوا فرائض وعبادات عظيمة لله سبحانه وتعالي.

طلب العلم فرض والصلوات الخمس فرض  وصيام رمضان فرض 
الأذكار سنة حفظ القرآن سنة لكن العمل بيه فرض والمذاكرة دي عمل بالقرآن اللي حثنا علي طلب العلم والتفاني في شغلنا وعملنا ومهنتنا واحنا مهنتنا نذاكر ونتعلم ونعالج الناس

لو لم تتقن القرآن وقرأته بصعوبة ومشقة وتتعتعت فيه ليك أجرين مش أجر واحد ،
في حين إنك لو اختارك الله لتكون طبيب ولم تتقن تخصصك وتتعتعت فيه سيحاسبك الله لأنها أمانة فرضها الله عليك
إتقانك لمذاكرتك ومهنتك وتخصصك انت كده بتعمل بالقرآن وبتطبق مبادئه .

لو فضلت تقرأ قرآن وتذكر ربنا طول اليوم وتركت اتقانك لتخصصك ومذاكرتك وشغلك  فانت قصرت في فريضة ربنا فرضها عليك الفريضة دي هي العمل بالقرآن ( إتقان تخصصك)
والعمل بالقرآن فرض أهم من مجرد قراءته فقط.

طيب هل معني كلامي إنك متصليش او تركن الصلاة او الصيام او متقرأش قرآن او متقولش أذكار ؟
يستحيل اكون اقصد كده
ايه يمنعك تجمع الاتنين ؟

أنا قولت الصلوات الخمس فرض بل أهم فرض في حياتك
فأنت متقصرش في صلاتك أبدا ولا الفرائض اللي عليك
والقرآن والأذكار هما البركة اللي هيفتحولك كل حاجة مقفولة قدامك وهيساعدوك تكون شاطر في مذاكرتك وتخصصك .

والعظماء في دينا وتاريخنا كانوا بيجمعوا بين الاتنين سيدنا عثمان كان تاجر شاطر في تخصصه وكان قارئ للقرآن يعمل به

أطباء كتير في عصرنا الحالي شاطرين جدا وحافظين للقرآن عادي

الشريعة بتاعتنا أكرم من إنها تنحصر بهذا الفكر الضيق يولاد الأهم إنك توزن وتعرف إن في فروض وواجبات مينفعش اسيبها خالص ودي فرائض العبادات والمعاملات زي الصلاة والصوم والعمل وطلب العلم والصدق والأمانة والأخلاق لو عملتها ليا ثواب كبير ولو تخليت عنها ومعملتهاش هشيل ذنب
وفي سُنة مستحبة لو عملتها هاخد حسنات وبركة وتوفيق كبير زي قيام الليل وصيام التطوع وأذكار الصباح والمساء
لو معلمتهاش مش هشيل ذنب بس ليه اسيب فرص جميلة وحسنات كتير زي كده ؟

الشاهد مش كل اللي بتقرأه علي شاشة موبايلك حتي لو كلام شكله جميل يبقا صح..

لأ ، في الدين بالذات متاخدش كلمة من حد إلا أما يكون ثقة وانت عارف منهجيته وعارف هو مين واستاذه مين عشان بعض الكلمات البسيطة الرنانة العاطفية ممكن تعمل خلل في فهمك لدينك وانت مش واخد بالك 💕

ARDS (Acute Respiratory Distress Syndrome) is a life-threatening condition characterized by acute hypoxemic respiratory failure due to non-cardiogenic pulmonary edema. It is commonly caused by sepsis, pneumonia, aspiration, or trauma.
Diagnosis is based on the Berlin criteria: acute onset, bilateral infiltrates on chest imaging, absence of cardiac failure, and PaO₂/FiO₂ ≤ 300 mmHg.
Management involves supportive care, primarily mechanical ventilation with lung-protective strategies (PEEP). Treat underlying causes and complications.

رجل عمره ٨٢ سنة جالك العيادة في المتابعة وهو معروف ان عنده Ischaemic heart disease ولسة بيجيله Regular attacks of angina despite taking atenolol 100mg od. ? EXAMINATION: Cvs examination Unremarkable Pulse : 72 Bp : 145/90 تفتكر ايه الخطوة الجاية ؟ ?

رجل عمره ٨٢ سنة جالك العيادة في المتابعة وهو معروف ان عنده Ischaemic heart disease ولسة بيجيله Regular attacks of angina despite taking atenolol 100mg od. ? EXAMINATION: Cvs examination Unremarkable Pulse : 72 Bp : 145/90 تفتكر ايه الخطوة الجاية ؟ ?