جيّتك في كل صبحٍ لي ضرورة
كانه يهمّك لحد الحين حالي
فَهَدْ السعد

المهم من هالمنبر العظيم
نحبّ نشكر الصيادلة عشانهم اخترعوا لنا أقوى مسكن للصداع

وش؟
تبوني أقول أمل حياتي ورود وزهور؟
لا الله يسلمكم أنتم مضيّعين
هنا قناة البؤس والبؤساء

يجب أن لا يُقرأ الشعر كأي نص عادي.

ياللي عليك القلب مشفق ومتلول
طال الرجاء وأفنيت بالشوق صبري

بليت من سبَّتك في شعري زحول
من هَل دمع ومن غدى دوم عبري

إن راد ربِّي واجتمعنا بعد حول
لا شفت شيبي اذكر إنك بكبري

وإن كان ربِّي ما كتب يا أوسط الطول
خلَّك على حبِّي وشعري وخبري

يكفيني إن نامت عيوني على طول
أجي على بالك وتزهر بقبري
فَهَدْ السعد

https://on.soundcloud.com/4heQhqbEx57Vr7aj6

على مراكب خيالك سافري يمِّي
وخوذي كفوفي وضمِّيها على كفوفك
للي تبينه تسابق أبشري سمِّي
أنا لو أموت لك ما أجزاك معروفك
ضمِّي فؤادي لا ضمَّت دمعتي كمِّي
مثل ما ضمَّت لساني بهجة حروفك
وأعمي عيون البشر لا تدري بهمِّي
وإن حاولت تكتشف دسِّيني بجوفك
للناس شفرات لكن قلبي الأمِّي
خوفه يعانق نسايم تشهق بخوفك
لو إن والدك لا خالي ولا عمِّي
أعاند الظرف لين يوافق ظروفك
معطيك عهدٍ سبق توقيعته تمِّي
خوذي من البال راحة وأطلقي شوفك
أغلى قصيدة نطقها للملا فمِّي
نافت على الحور لكن تسجد لنوفك
لا تسمعين العذل لو كان من دمِّي
ملهوفك الصب يبقى دوم ملهوفك
أنا قبل ما أعْرفك ما أحب غير أمِّي
واليوم أحبك وأحب عيونٍ تشوفك
فَهَدْ السعد

ما فيه شيء يثوّر حماسي كثر أبيات العرضة وأبيات الحداء، لا عجب إن جدَّانا كانوا يسكرون فخراً وتذهب عقولهم حينما يحدون أو يدحّون أو يعرضون، من هالأبيات أبيات برجس بن مجلاد :
ربعي محددة الجمل
كسَّارة الخشم العنيد
يوم التقينا بالسهل
تراجعت خيل الرشيد
وكذلك حداء عقاب العواجي:
من عادنا ذاق العطب
كم فارسٍ حتفه لقاه
حنّا مطوّعة الصعب
بالسيف نجزا له صغاه
وكذلك أبيات غانم اللميع:
لو تلمَّه من غثيثين البوادي
ما نطيعك والموازر في يدينا
ما نطيع اللي يجينا بالعنادي
لطمة الفسقان؟ ما تشكل علينا

من الأرشيف القديم:
أيلول مرّ وتعدَّاني ولا جابك
ونقلّت باقي الرجاء بنهاية أكتوبر
فَهَدْ السعد

صبحكم الله بالخير، كيف حالكم ؟ سوّيت هالقناة عشان تكون صدقة جارية لي ولوالدي ولكم ولجميع المؤمنين والمؤمنات الاحياء منهم والأموات عشان كذا أرسلوا لي أشياء تستفيدون منها سواءً كانت بخط يديكم أو لا : https://t.me/sadqahF