Етишмовчилик бахтни тўса олмайди. Бахт- розиликда.

Аёлнинг майда камчиликларига кўз юма олмаган эркак унинг улкан фазилатларидан баҳра ололмайди.

Бу Умматнинг ҳар бирининг ичида уйғонса дунёни ларзага соладиган шер ухлаб ётибди. Уйғона олмаяпканининг сабаби нимада деб ўйлайсиз?!

Эй ўғилчам, намозни тўкис адо қил, яхшиликка буюриб, ёмонликдан қайтар ва ўзингга етган мусибатга сабр қил. Албатта, булар азм этилажак ишлардандир.

(Луқмон сураси 17-оят).

Турли хил фитналардан ўзингни омонда сақламоқчимисан, унда дунёнинг қули бўлган кишилардан ва аёллардан узоқроқ юр.

Фузайл ибн Иёз роҳимаҳуллоҳ айтади:

«Одамларнинг энг ёлғончиси гуноҳига қайтаверадиган, яхшилиги билан эркаланиб кетадиган киши.

Одамларнинг энг илмлиси эса, Аллоҳдан энг қўрқадиган кишидир».

Машинадаги ёзув: «Бу дунёда сени муаззиндан бошқа ҳеч ким фойдангни ўйлаб ўзи томон чақирмайди».

Роббингиз сизни қанча чуқурлардан чиқариб қўйди. Нега ўтмишга қайтиб, яна ўша жарликларга тушишни хоҳлайсиз?!

Сен дуо қилаётиб «Яна қайси юз билан сўрайман» дея ҳижолат чекканингда, Аллоҳ таоло «Мен сенинг мана шу юзингни ҳам севаман» дейди.

Арқон ва жиловга рози бўлибсанми, энди ким сени етаклаётганига аҳамият бермай қўявер.