ابوذيه للأمام المهدي عج

مصادر كتبو لنهجك والابحاث
اضل انشد عله مچانك والابحاث
يغايب امي وصتني والابحاث
ابقه بحبكم لحد المنيه ...
....
خادمكم مالك السعيدي

ميلاده ميلاده . خامس عشر شعبان
بأعياده بأعياده . متنوره هالاكوان
يامهدي .. يامهدي
.........................
هبت اعطور الولاده اعله البريه
وحلت الفرحه علينه بهالمسيه
بيوم ميلادك يبن حامي الحميه
انهني بي طاه وعلي وي الزجيه
والحبك أنشاده . يقره اعذب الالحان
بأعياده بأعياده . متنوره هالاكوان
يامهدي .. يامهدي
............................
بيك مبتهجه المله يبن الميامين
غدت بالمولد الك مسروره كل عين
غرد الطير وصفگ بالسمه جنحين
ونشر اخبارك وسط كل المحبين
منك خذه مراده . غرد اعله الاغصان
بأعياده بأعياده . متنوره هالاكوان
يامهدي .. يامهدي
.............................
عمت ارجاء الارض هالبشرى بالكون
وابتشر بيهه المحب رغم اليبغضون
ابيوم ميلادك فرحنه اويه اليحبون
لجيتك ياسيدي انرخصلك عيون
ياسيد الساده . بيك الگلب ولهان
بأعياده بأعياده . متنوره هالاكوان
يامهدي .. يامهدي
...........................
يوم ميلادك يغالي الفرح مشروع
ورد طشينه الك وعلگنه الشموع
بالقصايد رددينه بصوت مسموع
ياهله بجيتك تنادي هاي الجموع
نفرح عله العاده. ياصاحب الازمان
بأعياده بأعياده . متنوره هالاكوان
يامهدي . يامهدي
...........................
متى يامهدينه من اغيابك تعود
ناده هالليله المحب عجل يموعود
بينه حته الصبر مل ما ظلت حدود
العجل ياغايب علينه بطلعتك جود
ياقائد القاده . ياممحي الطغيان
بأعياده بأعياده . متنوره هالاكوان
يامهدي . يامهدي
.........................
خادمكم مالك السعيدي
07832351732

هوسات مولد الامام الحجه المنتظر عجل الله فرجه

يوم ميلادك يمهدي شع على الدنيه الضوه
ونور وجهك بالوجود الشيعي من عنده ارتوه
لإجلك الاملاك فرحت وانبياء الله سوه
(ضواهه المولد دنيانه)
..............................
متى طلعة جبينك والله يالمهدي نگول
انت ياذخر الزجيه وذخر حيدر والرسول
عدانه من بعدك يغايب گامت تصول وتجول
(اظهر يالغايب صفيها)
................................
خادمكم مالك السعيدي

قصيدة لوفاة ام البنين عليها السلام

ياام الاقمار .. الليله المدينه
ياام الاقمار .. وحشه وحزينه
بدرچ خفه وغاب .. ياام الاطياب
...........................................
يا مره المثلچ ضحت بشبان واقمار اربعه
عبدالله عثمان وعون عباس راعي المشرعه
تنطي النفس لأجل حسين موبس چفوف مگطعه
عنوان صرتي للوفه وللخلگ صرتي شافعه

ياام الانوار .. نورچ فگدناه
ياام الانوار .. يومچ نعيناه
صعبه هالمصاب .. ياام الاطياب
....................................... ..... 1
ياصابره لحد الممات عشتي الجزع يم البنين
من بعد آهات الطفوف مهضومه من بعد الحسين
بالنوح عمرچ ينگضي بأحزان ودموع وأنين
تحملتي لوعات الزمن يم الگمر هاي السنين

ياام الاطهار .. بصبرچ عظيمه
ياام الاطهار .. رحتي هضيمه
تبچيلچ احباب .. ياام الاطياب
............................................... .. 2
مضرب مثل للناس صرتي بالوفه والعاطفه
تقضيله حاجه اليعتني واليطلب مراد وشفه
تعلمتي من بيت الولي حيدر واخذتي المعرفه
وكرمچ بارينه لعلي بأربع اقمار مشرفه

ياام الابرار .. اليتنخه بالحسين
ياام الابرار .. للحاجه تگضين
الينخاچ ماخاب .. ياام الاطياب
.................... ................. ..... 3
تواسين زينب بالحزن يم البنين الطاهره
عبره وغصص عشتي العمر للبچي انتي معاشره
ماتخلص هموم الگلب بعد الطفوف وماجره
وافيتي لحسين الولد للنسه صرتي مفخره

ياام الايثار .. كلهم بالطفوف
ياام الايثار .. توذرهم سيوف
ضماهم تراب .. ياام الاطياب
....... ................................... ... 4
وحشه المدينه ومظلمه بعد الحسين واخوته
والغالي ما اظنه يرد طالت علينه سفرته
لمن وصلنه هالخبر والناعي ينعه مصيبته
ضاگ النفس بيه وصحت آيالحسين وشدته

ياام الاخيار .. بجمر المصيبه
ياام الاخيار .. گلبچ لهيبه
ماحاسبه احساب .. ياام الاطياب
........................................ .. .. 5
خادمكم مالك السعيدي
القصيده واللحن داخل الرابط
https://t.me/MalkALseaedy
07832351732

نعي ام البنين عليها السلام

هاي ام البنين الطاهره الحره
هاي القدمت اقمار للزهره
مفجوعه بحزنهه ظلت بحسره
ولا واحد لفاهه بالگلب جمره
تركوهه وحيده الكسر شيجبره
ظلت للممات بلوعه وبعبره
.........................................
واويلي عليچ ام الگمر عباس
نعشج منو يشيعه بين كل الناس
بعد الاربعه وحسين ابوالنوماس
راحو كربله وذبحوهم الارجاس
چانو للفخر والعزه رفعة راس
يظل يومچ مصيبه حزنه ماينقاس
....................................
خادمكم مالك السعيدي

الطريقه الثانيه لحن ثكيل

نعي للأمام العسكري عليه السلام

مشدوه باله مشدوه باله
الليله المنتظر مشدوه باله
والحزن حاله والحزن حاله
يفارگ ابوه والحزن حاله
انگطعت اماله انگطعت اماله
بعد العسكري انگطعت اماله
محد بقاله محد بقاله
مسموم ابوه محد بقاله
بل الهم سؤاله بل الهم سؤاله
ليش الدهر بل الهم سؤاله
الون حلاله الون حلاله
مفارگ عزيزه الون حلاله
دمعه بچاله دمعه بچاله
يودعه بألم دمعه بچاله
ويتعناله ويتعناله
وينه اليواسيه ويتعناله
....................................
خادمكم مالك السعيدي

قصيدة استشهاد الامام العسكري عليه السلام

سامره تنعه وي المدينه
لأجلك يبوالمهدي بچينه
بينه الحزن بان .. تنعاك الاكوان
..............................................
ياسيدي نبچي ونون لأجلك يمظلوم
تتجرع آهات وألم هالليله مسموم
يالحسن من گد القهر ياوسفه مهموم
لمصيبتك يبن النبي ما ننسه للدوم
هالليله ننصبلك عزيه
امك نواسيهه الزجيه
يا عالي الشان .. تنعاك الاكوان
.......................................... 1
نواسي الامام المهدي بهاي المصيبه
بفراگ ابوه بعده اصبحت روحه غريبه
ابيا حاله لا ما تنوصف قصته عجيبه
حيران وحده بدنيته الراح شيجيبه
دمعاته يهملها لمصابه
ما يبطل ونينه لغيابه
بالنوح وأشجان .. تنعاك الاكوان
............................................ 2
شگد مرت عليك الغصص يبن الزجيه
لا ما خفت من كل ظلم لا من دعيه
واجهت كل اهل الحقد واهل البغيه
ما تخشه كل ذيچ الفتن يابوالحميه
تحملت انواع المعانات
ياصامد بوجه الظلامات
للعزه عنوان .. تنعاك الاكوان
.......................................... 3
من بني العباس الظلم ماكو مثلهم
صبو على آل النبي اكثر حقدهم
لليوم يشهد هالزمن كله بفعلهم
بسامره مسموم الحسن باقي أثرهم
يلوج بمهجته من الاوجاع
يا حيرته يتلوه عل الكاع
بالگلب نيران .. تنعاك الاكوان
........................................... 4
الله يعينه الغايب بهاذي الفجيعه
من زغره فاگد والده حاله فضيعه
حد هسه عايش بالهضم ابن الوديعه
يايوم يعلن طلعته ويحيي الشريعه
وينك يبو الطلعه الرشيده
اظهر يبو الغره الحميده
حان الوعد حان .. تنعاك الاكوان
........................................... 5
خادمكم مالك السعيدي
اللحن داخل الرابط
https://t.me/MalkALseaedy
07832351732