Түнде телевизор даўысын бәлентлетиў жуўапкершиликке себеп болады

Түнги ўақытта (саат 23:00 ден 06:00 ге шекем) пуқаралардың тынышлығы ҳәм нормал дем алыўын төмендеги ис-ҳәрекетлер менен бузғанлар жуўапкершиликке тартылады.

- жоқары даўыс пенен қосық айтыў, музыка шертиў, даўыс сигналларын бериў, хожалықларда, турақ жайлардың коридорлары ҳәм есиклеринде, көшелерде даўысы бәлент қойылған телевизорлар, радиоприёмниклер, магнитофонлар ҳәм даўыс шығарыўшы басқа аппаратуралардан пайдаланыў;

Турақ жай имаратларында ҳәм олардан сыртта жүдә зәрүр болмаған ҳалда шаўқым шығарыўшы жумыслар қылыў, төмендеги муғдарда жәрийма салыўға себеп болады:

➖ пуқараларға БЕМның үштен бир бөлеги;

➖ лаўазымлы шахсларға БЕМның  үштен бир бөлегинен екиден бир бөлегине шекем.

*✅ ? @KRuzuz *— Қарақалпақстандағы ең исенимли хабарлар

⚡️ Президент қарақалпақстанлы бир қатар исбилерменлерди сыйлықлады

? Президент бийлигине муўапық, бир қатар исбилерменлер «Белсенди исбилермен» көкирек белгиси менен сыйлықланды (Қарақалпақстан Республикасы кесиминде). Олар:

? Шәрипбай Алламбергенов – Тақыятас районындағы «Гүлсара пиллеши» фермер хожалығының баслығы;
? Гүлбәҳәр Базарбаева – Нөкис қаласындағы «Qanli Xantore» ЖШЖның баслығы;
? Салаўат Жарқынбаев – Елликқала районындағы «Bo‘ston Silk» ЖШЖның шөлкемлестириўшиси;
? Телман Султанов – Елликқала районындағы «Рўзимбой бобо» көп тармақлы фермер хожалығының баслығы;
? Азамат Турекеев – Шымбай районындағы жеке тәртиптеги исбилермен, өнермент-қара үй жасаўшы;
? Әжинияз Оразбаев – Нөкис қаласындағы «Orient Technology» ЖШЖның директоры.

*✅ ? @KRuzuz *— Қарақалпақстандағы ең исенимли хабарлар

Бостанлықта профилактика инспекторы ҳаялы ҳәм 7 айлық перзентин, кейин өзин-өзи атып өлтирди

Ташкент ўәлаятының Бостанлық районында аянышлы ўақыя жүз берди: профилактика инспекторы өзине тапсырылған пистолет пенен дәслеп өмирлик жолдасы ҳәм 7 айлық перзентин, кейин болса өзин-өзи атып өлтирди.

Бул ҳаққында Kun.uz дерегиниң хабар бериўинше, ўақыя 6-август күни түнде жүз берген. Профилактика инспекторының бундай ис тутыўына не себеп болғаны ҳәзирше мәлим емес.

*✅ ? @KRuzuz *— Қарақалпақстандағы ең исенимли хабарлар

Контракт төлеп атырған аға-ини ҳәм апа-сиңлилер салықтан азат етилиўи мүмкин
ӨзЛиДеП фракциясының гезектеги мәжилисинде «Өзбекстан Республикасы Салық кодексине қосымшалар киргизиў ҳаққында»ғы нызам жойбары додаланды.

Нызам жойбарында студентлердиң шәртнама пулларын төлеп атырған аға-инилер ҳәм апа-сиңлилерге де салық жеңиллигин қоллаў, яғный, олардың дәраматларына салық салмаў нәзерде тутылмақта.

Еслетип өтемиз, бүгинги күнге шекем бундай жеңиллик тек ғана студентлердиң ата-аналарына қолланылатуғын еди.

*✅ ? @KRuzuz *— Қарақалпақстандағы ең исенимли хабарлар

Мектеплерде В2 дәрежесиндеги сертификатқа ийе болмаған шет тили муғаллимлерине және бир жыл мүддет бериледи

Улыўма орта билим бериў мәкемелеринде жумыс алып барып атырған шет тили муғаллимлериниң кеминде В2 дәрежесиндеги миллий ямаса халықаралық сертификатқа ийе болыўы ҳаққындағы талап 2025-2026-оқыў жылына шекем создырылмақта.

*✅ ? @KRuzuz *— Қарақалпақстандағы ең исенимли хабарлар

*❗️«Басламалы бюджет» бойынша Сенат кеңеси қарары*

? даўыс бериўде бюджет шөлкеми хызметкерлерин мəжбүрий даўыс бериўге тартыў жағдайларын дизимге алыў бойынша «ыссы линия» иске қосылады;
? даўыс бериў басқышы мүддети 10 күнге азайтылады;
? мәжбүрий даўыс жыйнаған жойбарлар даўыс бериў басқышынан шетлестириледи ямаса жеңимпазлар дизиминен шығарылады;
?избе-из еки рет жеңимпаз деп табылған мəҳәллелер ушын гезектеги еки мəўсимде жойбар киргизиў мүмкиншилиги шекленеди.

*✅ ? @KRuzuz *— Қарақалпақстандағы ең исенимли хабарлар

Әмиўдәрьяда пуқараның мийнет стажын көбейтип бериўди ўәде еткен мәмлекетлик архив хызметкери усланды

Әмиўдәрья районы мәмлекетлик архив хызметкери Н.Н. таныслары арқалы пуқара З.З.ның мийнет стажын көбейтип бериўди ўәде етип, оның есесине 400 АҚШ доллар талап еткен.

Ол 16-июль күни усы пулларды алған ўақтында иркилди. Жағдай бойынша Жынаят кодексиниң 168-статьясы, 1-бөлими менен жынаят иси ашылған.

*✅ ? @KRuzuz *— Қарақалпақстандағы ең исенимли хабарлар

27-октябрь күни Өзбекстанда сайлаў болып өтеди

Олий Мажлис Нызамшылық палатасы ҳəм жергиликли Кеңеслер депутатларының сайлаўы 2024-жыл 27-октябрь күни болып өтеди. Орайлық сайлаў комиссиясы сайлаў кампаниясы басланғанын жəриялады.

*✅ ? @KRuzuz *— Қарақалпақстандағы ең исенимли хабарлар