بكرة أول يوم "اتنين" في شهر شعبان❤️

الشهر اللي بيرفع فيه أعمال السنة كلها
عشان كده يستحب لينا نصوم فيه الاتنين والخميس وال٣ أيام القمرية سواء رجال أو نساء صيام نافلة

——————————————-

معلومة على الهامش خاصة بفقه المرأة:

<<لو هتصومي قضاء أيام من رمضان فهنا بينطبق عليكي نفس أحكام صيام رمضان كالتالي>>

١- وجوب النية المسبقة
يعني لو هتصومي انوي من الليلة دي
والنية بتكون بالقول الصريح أو الضمني (الفعل)
القول: نويت يارب أصوم قضاء يوم من رمضان أو مجرد النية في القلب دون تلفظ
الفعل: السحور حتى بدون ترديد فده يعتبر نية
على عكس اللي بيصوم نافلة
ممكن يصحى من النوم كده يقول اللهم إني صائم

٢- حرمانية الإفطار في نص اليوم
يعني مينفعش تيجي في النهار كده وتكسري صيامك لو عطشتي أو هبطتي، طالما النية من البداية إنه قضاء فيعامل معاملة يوم رمضاني، وإذا أفطرتي عليك اعادة صيام اليوم والتوبة والاستغفار

٣- عدم جواز جمع نية القضاء مع النافلة
بتنوي نية القضاء فقط

——————————————-

ربنا يبلغنا شهر رمضان المبارك
وكل عام وأنتم بألف خير🥳

- ميرا سمير

﴿ وَاتَّقوا يَومًا تُرجَعونَ فيهِ إِلَى اللَّهِ ثُمَّ تُوَفّىٰ كُلُّ نَفسٍ ما كَسَبَت وَهُم لا يُظلَمونَ ﴾

ود المرء لو أغلق عينيه وفتحهما فِي الجنّة ")

فـ الدنيا متعبه وشقاء وكبد !!

الدنيا بقت صعبة جدًا وكل ما فيها متعب ولكنّها تبقى دنيا فانية هي ستفنى ونحن أيضًا راحلين منها ونرجُو من اللّٰه العفو ورحمته ولا يجتمع علينا شقاء الدنيا وشقاء هناك "))

يَارب تعبنا هنا فلا نتعب ونشقىٰ هناك أيضًا :"

خدها قاعدة:

بكاءك على تضييع الوقت.. في حدّ ذاته تضييع للوقت

خليك مَرِن وابدأ من اللحظة اللي تحس فيها بالندم

١- لو عملت خطة لحد يوم الجمعه ووقعت يوم معملتش فيه اللي وراك.
(سواء بمزاجك او ظروف خارجة عن ارادتك)
متوقعش باقي الاسبوع وتقعد تبكي على اللبن المسكوب.
اعمل خطة جديدة
جدول جديد
تقسيمة جديدة وكمل

٢- لو عملت خطة ليوم
انك تصحى الفجر مثلا تعمل
أ ب ج
وصحيت الضهر
متبوظش باقي اليوم وتقول طالما مصحتش خلاص.
اعمل اللي انت خططت ليه
اعمل اللي وراك
اعمل المهم وبلاش تضيع يومك.

٣- لو ضيعت يوم بلا هدف وخلاص اليوم قرّب يخلص بس لسه فيه كام ساعة.
متضيعش الكام ساعة دول
اعمل Quick list فيها 3 تاسكات
واستعِن بالله وابدأ.

- المسلم في أي وقت إذا استدرك.. فهو يستدرك عند كريم

- ميرا سمير.