https://youtu.be/gZN-OndSTSM?si=kYQldCOtau9Fj5OB

رجوع الضعن

رد الضعن من السبي محد عرفني من هلي
محمد اجه اتلكه الاجن ودار الوجه عن محملي
يكلهم منو هاي الحرم وذيجَ منو التومي الي
كلوله زينب  او بچه معقولة هاية بت علي

حكك يخويه ما شفت
ضيم السبي وضيم الطشت
هاذ جسد واني متت      بدرب السبي

من دخلتي لاول قصر
ومن فرتي بسوك الضهر
درب السبي رايد  ستر     ورايد عبي

بلهيمه خويه صرت انه انام
وعلى الخدر خوية السلام
،،،،،،،،،،،،،،،،

روس اخوتي تماشي الدرب بيها جرح سوط وحبل
ما ينحمل مسره الغرب خويه خذونه ع الهزل
ام الخدر ابلا خدر وعين العدو ما تنحمل
شيخ العشيرة عالرمح وناذر اخوته للقتل

هنانة نزل اهنا صعد
يوميلي ذا  طفله بعد
بس راسه صايرلي سند  بذاك الضعن

شحچي بعد عن يا جرح
بين العده وبين  الرمح
الشام  من فتنه الصبح   عيوني بچن

كل قريه انطب احسبه شام
وعلى الخدر  خوية السلام
،،،،،،،،،،،،،،،،

عاشرنة بس صيت الدمع اليفگد اخو ما يستچن
تشبع شتم تشبع ضرب شاب الكلب من الحزن
تدري بجرح ليل السبي ما يغمض لزينب جفن
اباب القصر صاحو اجت ومثل امي كالولي وان

ضلت مره تلوذ بمره
اباب القصر لزمن سره
صاحو وآن زينب ترى   هاي الاجت

مرن عليّ كل المحن
واسمع ترى الما ينحچن
هيبة علي وام الحسن      لا ماغفت

لا رايه عدنه ولا خيام
وعلى الخدر خوية السلام
،،،،،،،،،،،،،،،،

ايا هلي يثرب خلت  صيت الحزن الها نكتب
راس الحسين اعله القنا وبكربلاء شيخ العرب
لا مو عجيبة ينذبح بس الحرم شافت عجب
عدكم ضعن ابلا حمة وحامي الحمة ضعنه نسلب

زينب اجت مو مثل امس
تغير ملامحة الشمس
صوت الحرم صاير همس  من اليسر

كل ديرة اطبنها انكتل
من نضرة عيون النذل
ام الخدر جانت قبل   مات الخدر

مات اعله جف عين وسهام
وعلى الخدر خوية السلام
،،،،،،،،،،،،،،،
كرار الدراجي

لمولاتي زينب سلام الله عليها
____

علوية مخدره.  انخلقت بهيئه قمر
ففي الخيام نورها للشرق و الغرب انتشر
مثل الجبل واقفتآ  العباس صارله ضهر

عبايته ستر للينكشف ستره
شسولفلك بعد عن بذره الزهره
ما متت عطش ماتت ضمه علحسين
جي شافت اخوه اتوسد الغبره
__

عالمتآ معلمه  واتعلمت من فاطمه
ام ابيها امها  وزينب ام الحمه
في كفها كوثر جلي شلون مراها الضمه

عطشت مستحه مو ماي بالهيمة
صارت للاطفال افياي چن خيمة
لو رادت تسولف عينها اعله الراس
ويدخن راس اخوها صاحب الشيمة
__

لربها مطيعة فصبرها فاق النبي
قائدتآ بركبها والله أذاها السبي
مناجيه لربها ربي أخذلك جم صبي

سئلوهه اعله اخوها سكتت حتارت
جميلآ صار بينه وابد ما حارت
ربنا الراد هيج وعلئ رمح خلاه
وهيه الدنيا تكصه لو صدك دارت
__

صابرتآ مجاهده  بدرب السبي قائده
نائبتآ مليكه  للرب دومآ حامده
عديلتآ عقيله  رغم الجروح صامده

مشت بس من مشت لحسين وياها
فوك الرمح راسه و شاف مگفاها
دارت عينها و شافت الغيرة تصيح
بت حيدر الشام يصير منواها
__
كرار الدراجي

مولاتي زينب صلوات الله عليها

كلشي بلطف صار اسود
خيمتي وجهي وعباتي
وتيهت حته انه ياهي
من شفت ركضن خواتي
انه ياهي
انه ذيج الشافت اخوه وشيبت
انه ذيج السكته وي راسك حجت
انه ذيج الدورت ناصر ما لكت
وين تلكه
هيه المضيعه ابو فاضل وين تلكه
هيه التفارك اخوه تحتاج ملكه
هيه التنام بخرابه تموت خنكه
ودوريتك 
وبلحلم مريت بيه ولملميتك
وانته يحسين شيلمك
واتذكرت عندي وصيه
وامي وصتني ارد اشمك
اي يحسين خلني اشمك
وانسه الحجايه الثكيله المرت بدرب السبي
وداعتك مو بس تراجي سلبو حته العبي

كرار الدراجي

هلالك من يهل ما تنحسب فرحه
واول طفل يبدي وي المهد جرحه
نعم مولود دمعك والمناغة حسين
دللول الرمح  يالكاشخ بذبحه
نرجس سولفتلك ضامتلك ثار
للبسمار و السجاده و السبحه
وكماط الرضيع وشيلة الحوراء
ونص من خيمة العباس و الرحى
وضمتلك عطش ما سولفت عالماي
ورسالة من الضعن للما طلع صبحه

واكتبلك رسايل شوك
من طاري الخيم للنوك
عله العنده ضعن مبيوك
علة التاهتله عمه بسوك
على الركضن بجف محروك
يوم الي طلع رمحه

شصاير بيك
وكل يوم اليمر عاشور
ومن تذكر الخيمه  تموت
اي محتركه بيها الحور
الناس اتصبحك اعله الخير
وتكلهم صباح نحور
خلصت العمر  رحال
عندك جم ضلع مكسور
شصاير  بيك

اشلون الليل كلي اتباته بلهيمه
كلبك محترك والحركته الخيمه
هم تتروه لو كاضي العمر عطشان
عيونك شيبن من السبي وضيمه

من تسمع خرابه تموت الف موته
ادري الي يهضمك مرتفع صوته
وتحرك شكو خيمة التحب طاري الشام
و تشم دخانها وتستطعم بقوته

اللهم عجل لوليك الفرج ?