ဒီကနေ့ ဒီဇင်ဘာလ ၆ ရက်၊ သောကြာနေ့အတွက် ဘယ်လိုသတင်းတွေကို နားဆင်ကြည့်ရှုရဖိုရှိသလဲ?
(၁)ထိုင်းမှာ‌ အာဆီယံဝန်ကြီးတွေ မြန်မာ့အရေး တွေ့ဆုံဆွေးနွေးတဲ့သတင်း
(၂)ရန်ကုန်မှာ လျှပ်စစ်မီးအပြင် ရေပြတ်တောက်မှုတွေပါ ကြုံနေရတဲ့အတွက် မြို့ခံတွေအခက်တွေ့နေရတဲ့သတင်း
(၃)အိန္ဒိယ-မြန်မာနယ်စပ် ခြံစည်းရိုးထပ်ခတ်မယ့်အစီအစဥ်ကို အိန္ဒိယဒေသခံတွေ မိုးရေးမြို့မှာ ကန့်ကွက်ဆန္ဒပြတဲ့သတင်း
(၄)န်ကုန်မြို့ စက်သုံးဆီဈေးကွက်အတွင်း ဒီကနေ့မှာပဲ စက်သုံးဆီဈေးတွေအပြောင်းအလဲဖြစ်သွားတဲ့သတင်း
(၅)ဟားမားမြို့ကို ဆီးရီးယားသူပုန်တွေ ထပ်သိမ်းခံရတဲ့သတင်း
စတဲ့သတင်းတွေအပါအဝင် အထူးခြားဆုံးနဲ့ စိတ်ဝင်စားစရာအကောင်းဆုံး နောက်ဆုံးရသတင်းတွေကိုဒီတစ်ပတ် ငါတို့နိုင်ငံ ဘာထူးလဲ မှာ နားဆင်ကြည့်ရှုနိုင်ပါပြီ။
YouTube တွင် ကြည်ရှုရန် >>> https://youtu.be/VaAoaGLuIJs

ဆိပ်ကမ်းကူးသန်းပို့ဆောင်ခွင့်မှာ ကားတင်သံခွန်သမားတွေဟာ တော်လှန်ရေးတပ်တွေနဲ့နီးစပ်သူတွေဖြစ်တာကြောင့် လုပ်ကိုင်ရအဆင်ပြေပေမဲ့ အရပ်သား ကားတင် ပြန့်ဖောင်သမားတွေကိုတော့ ခွဲခြားဆက်ဆံမှုတွေကြုံနေကြရတယ်လို့ သိရပါတယ်။

"တပ်ရင်းတပ်ဖွဲ့တွေထောင်ထားတဲ့ကားကြီးတွေတင်လို့ရတဲ့ သံခွန်တွေကိုဦးစားပေးပြီး ပြည်သူကထောင်ထားတဲ့ ဖောင်တွေကျဦးစားမပေးဘူး။ နိုင်တဲ့ဖောင်တွေကို ကားတွေမျှမပေးဘဲနဲ့ သူတို့ သံခွန်ရေယာဥ်တွေကို ဦးစားပေးတယ်။ ဒါက အလှည့်ကျဖြစ်ရမှာ သူတို့နိုင်ရင်တင် တစ်ခုခုဖြစ်ရင် သူတို့လျော်ရမှာ။ ခုက သူတို့နဲ့ဆက်စပ်တဲ့သူတွေပဲဦးစားပေးတယ်" လို့ အမည်မဖော်လိုတဲ့ အသက် ၄၅ နှစ်ခန့်ရှိ အဲဒီဒေသက အမျိုးသားတစ်ဦးက ပြောပါတယ်။

ဒါ့အပြင် လက်ရှိပြေးဆွဲနေတဲ့ သံခွန်၊ ပြန့်ဖောင်နဲ့ စက်လှေပြေးဆွဲလိုတဲ့ဒေသခံတွေဟာ ဆိပ်ကမ်းတာ၀န်ရှိသူတွေဆီ ပြေးဆွဲခွင့်တောင်းခံရတာကြောင့် အသစ်ပြေးဆွဲလိုသူတွေအနေနဲ့ အခက်ကြုံနေကြရတယ်လို့ သိရပါတယ်။

"ခုနောက်ထပ် ပြေးဆွဲချင်ရင် မရတော့ဘူး။ စာရင်းပိတ်ပြီတဲ့။ ခု ပြန့်ဖောင်တွေကို သိန်းရာဂဏန်းနဲ့ချီပြီး ဆောက်လုပ်ရတာ၊ သူတို့စာရင်းမပိတ်ခင်တည်းကလုပ်နေတာ။ အဲဒါကို လုပ်ခွင့်မပေးဘူး။ ခွင့်မပြုဘဲလုပ်ရင် မီးရှို့ပစ်မယ်လို့ပြောတယ်။ သူတို့ကတောက်ကဆ ကူးတို့သမားတွေနဲ့ဖြစ်ရင် သေနတ်ဖောက်ပြောဆိုတာတွေပါရှိတယ်" လို့ အမည်မဖော်လိုတဲ့ အသက် ၃၀ ခန့်ရှိ ပြန့်ဖောင်ပိုင်ရှင် အမျိုးသားတစ်ဦးက ပြောပါတယ်။

ဝက်လက်ဒေသခံတွေအနေနဲ့ NUG လက်အောက်ခံ ပအဖ၊ ပကဖနဲ့ တပ်ရင်း-၂ တာ၀န်ရှိသူတွေရဲ့ သတ်မှတ်အခွန်အခအတိုင်းကောက်ခံရေး၊ အရင်းအနှီးများစွာသုံးထားရတဲ့ ပြန့်ဖောင်အသစ်တွေကို စီမံပေးစေလိုခြင်းနဲ့ လုပ်ငန်းခွင်ခွဲခြားလုပ်ဆောင်မှုတွေကို ပြင်ဆင်ပေးစေရေးတို့ကို လိုလားနေပါတယ်။

ဒါပေမဲ့ အခုအခွန်ဦးဆောင်ကောက်နေတဲ့ ရွှေဘိုခရိုင်၊ ဝက်လက်မြို့နယ် ပြည်သူ့ကာကွယ်ရေးတပ်ဖွဲ့ တပ်ရင်း-၂ ရဲ့လုပ်ဆောင်ပုံတွေကိုမနှစ်မြို့လို့ ဝက်လက်မြို့နယ်အတွင်းက ဒေသခံတွေနဲ့ ဒေသခံကာကွယ်ရေးတပ်ဖွဲ့တွေဟာ NUG ဆီ မကြာခဏတိုင်ကြားလေ့ရှိပါတယ်။

အဲဒီ တပ်ရင်း ၂ က တပ်စိတ်မှူးက သူ့ကိုပြန်မကြိုက်တဲ့ မိန်းကလေးတစ်ဦးကို သေနတ်နဲ့ပစ်သတ်ခဲ့တာကြောင့် ပြီးခဲ့တဲ့ အောက်တိုဘာ ၁၁ ရက်မှာ ပြစ်မှုကျူးလွန်ကြောင်း ထင်ရှားတဲ့အတွက် NUG က အလုပ်ကြမ်းနဲ့ ထောင်ဒဏ်(၁၀)နှစ်ချမှတ်ခံရခဲ့ပါတယ်။

အခု တပ်ရင်း-၂ ခွင့်ပြုချက်နဲ့လုပ်ကိုင်နေတဲ့ ရေယာဉ်ပြေးဆွဲမှုတွေဟာ ၀က်လက်နယ်ထဲ အရင်နှစ်တွေကတည်းက ရှိနေခဲ့တာပါ။

အဲဒီနယ်က သစ္စာနယ်မြေဖြစ်တာကြောင့် ပြန့်ဖောင်၊ စက်လှေတွေကရရှိတဲ့၀င်ငွေကနေ နှစ်စဥ်ကျင်းပလေ့ရှိတဲ့ "သစ္စာရ" ဘုရားပွဲမှာ ရွှေသင်္ဃန်းအတွက် ၀တ္ထုငွေအဖြစ်ကပ်လှူရတဲ့ ဓလေ့ရှိပါတယ်။

ဒါပေမဲ့ အခုအခွန်ငွေတွေကို ဝက်လက်မြို့နယ် ပြည်သူ့အုပ်ချုပ်ရေးအဖွဲ့၊ ပြည်သူ့ကာကွယ်ရေးအဖွဲ့နဲ့ တပ်ရင်း-၂ က တာဝန်ရှိသူတွေ ဘယ်လိုစီမံခန့်မလဲဆိုတာ မသိရသေးပါဘူး။

မင်းထက်

ဓာတ်ပုံ - ပေးပို့

ပုံစာ- ဝက်လက်မြို့နယ် ဆိပ်ကမ်းဖြတ်သန်းခွင့် အခွန်စာရွက်
Website တွင် ဖတ်ရှုရန် >>> https://cjplatform.com/6-12-2024-8/

CJ Platform ၏ သတင်းများအား
Website :https://cjplatform.com/
Facebook :https://www.facebook.com/cjplatformburma/
Instagram : https://www.instagram.com/burmacjplatform/
YouTube :https://www.youtube.com/@cjplatform
Twitter :https://twitter.com/CjPlatform
Telegram : https://t.me/cjplatform
တို့တွင်လည်း ဝင်ရောက်ဖတ်ရှုနိုင်ပါသည်။

#CJPlatform #ဝက်လက်မြို့ #လာဘ်စားမှု #စစ်ကိုင်းတိုင်း

လာဘ်စားမှု၊ ခြိမ်းခြောက်မှုတွေ ရောပြွမ်းနေတဲ့ ဝက်လက်နယ်က ဘုရားလှူလေ့ရှိတဲ့ ရေယာဉ်အခွန် ကောက်ခံမှု

CJ Platform

စစ်ကိုင်းတိုင်း၊ ဝက်လက်မြို့နယ်အတွင်း စစ်ရေးအခြေအနေကြောင့် ကုန်းလမ်းအစား ရေလမ်းကို ဒေသခံတွေ အားကိုးအားထားပြု သွားလာနေရပါတယ်။

အဲဒီအချိန်မှာပဲ ဧရာဝတီမြစ်အတွင်း ပြေးဆွဲနေတဲ့ ရေယာဉ်ကြီး/ငယ်တွေအားလုံးကို ဝက်လက်မြို့နယ် ပြည်သူ့အုပ်ချုပ်ရေးအဖွဲ့(ပအဖ)၊ ပြည်သူ့ကာကွယ်ရေးအဖွဲ့(ပကဖ)နဲ့ ရွှေဘိုခရိုင် တပ်ရင်း-၂ တို့ပူးပေါင်းပြီး အခွန်ကောက်နေတယ်လို့ CJ Platform က စုံစမ်းသိရှိရပါတယ်။

"မတ္တရာမြောက်တကြောလုံး မိုးကုတ်ထိပါမယ်။ အဲဒီတကြောလုံးက ရေလမ်းကိုသုံးကြရတာ။ မတ္တရာကမဖြတ်ရတော့ ရေလမ်းကနေ ရွှေဘိုခရိုင်ချင်းဆက်လမ်းကိုဖြတ်ပြီးမောင်းရတာ" လို့ ဝက်လက်မြို့နယ်အတွင်းပြေးဆွဲနေတဲ့ ဆိပ်ကမ်းတစ်ခုက ဒေသခံ အသက် ၃၀ ခန့်ရှိ အမျိုးသားတစ်ဦးက CJ Platform ကို ပြောပါတယ်။

အဲဒီပူးပေါင်းအဖွဲ့ဟာ ရေယာဉ်အကြီး ဒေသအခေါ် ကားတင် သံခွန်နဲ့ ပြန့်ဖောင်တွေအတွက် တစ်ရက်၀င်ငွေရဲ့ ၁၀ ရာခိုင်နှုန်းအပြင် စက်လှေ(အငယ်၊ အလတ်၊ အကြီး)တွေကိုတော့ ၁၀၀၀ ကနေ ၅၀၀၀ ကျပ်အထိ ဆိပ်ကမ်းဖြတ်သန်းခအနေနဲ့ ကောက်ယူနေတယ်လို့ သိရပါတယ်။

အဲဒီမြို့နယ်တပ်ရင်း-၂ ဟာ ဆိပ်ကမ်းဖြတ်သန်းခွင့်အတွက် လွန်ခဲ့တဲ့စက်တင်ဘာလကတည်းက အခွန်ကောက်ခံနေတာဖြစ်ပြီး ကားတင် သံခွန်၊ ပြန့်ဖောင်နဲ့ စက်လှေတွေကလည်း မြို့နယ်ကာကွယ်ရေးတပ်ဖွဲ့တွေရဲ့ ခွင့်ပြုချက်နဲ့မှ ပြေးဆွဲခွင့်ရတယ်လို့ ဒေသခံတွေဆီက စုံစမ်းသိရှိရပါတယ်။

အရင်က စစ်ကိုင်းတိုင်းနဲ့ မန္တလေးတိုင်း ဧရာ၀တီမြစ်ကူးဖို့အတွက် ကူးတို့ပို့ဆောင်မှုတွေရှိခဲ့ပေမဲ့ ပြီးခဲ့တဲ့လပိုင်းတွေထဲ မန္တလေးတိုင်းဘက်ကစစ်ရေးအခြေအနေတွေကြောင့် မတ္တရာမြို့ကို ကုန်းလမ်းကနေဖြတ်သန်းခွင့်မရတော့တာကြောင့် သံခွန်နဲ့ ပြန့်ဖောင်တွေကို အားထားအသုံးပြုပြီး ရေလမ်းကြောင်းပို့ဆောင်ရေး တွင်ကျယ်လာတာဖြစ်ပါတယ်။

ရေလမ်းကြောင်းပို့ဆောင်ရေးအတွက် သံခွန် ၁၀ စီး၊ ပြန့်ဖောင် ၁၅ စီးကျော်နဲ့ စက်လှေအကြီး၊ အလတ်၊ အငယ်တွေဟာ ၀က်လက်မြို့နယ်၊ ရေလည်မော်ဆိပ်ကမ်းအပါအ၀င် ဆိပ်ကမ်းလေးခုခန့်ကနေ ဧရာ၀တီမြစ်တစ်ဖက်ကမ်းကို ဖြတ်သန်းသွားလာနေကြတာဖြစ်ပါတယ်။

အဲဒီဆိပ်ကမ်းတွေမှာ သံခွန်တွေကိုတော့ တပ်ရင်းတပ်ဖွဲ့တွေ၊ သူတို့ရဲ့နီးစပ်သူတွေက ပြေးဆွဲနေပြီး ပြန့်ဖောင်နဲ့ တခြားစက်လှေတွေကိုတော့ အရပ်သားတွေက တည်ထောင်ပြေးဆွဲနေပါတယ်။ အဲဒီကရေယာဉ်တွေဟာ မနက် ၆ နာရီကနေ ညနေ ၆ နာရီအထိပြေးဆွဲနေကြပါတယ်။

ဒါပေမဲ့ ဒီလိုအခွန်ကောက်ခံမှုတွေနဲ့ပတ်သက်ပြီး အမျိုးသားညီညွှတ်ရေးအစိုးရ(NUG)ဆီ စာတင်ထားဆဲအဆင့်သာရှိသေးပြီး တရားဝင်ခွင့်ပြုတာမျိုးမရှိသေးဘူးလို့ ခိုင်မာတဲ့သတင်းရင်းမြစ်တွေဆီကနေ စုံစမ်းသိရှိရပါတယ်။

ဆိပ်ကမ်းအုပ်ချုပ်ခွင့်တာ၀န်ကို NUG ရဲ့ ၀က်လက်မြို့နယ် ပအဖ၊ ပကဖတွေက တပ်ရင်း ၂ ဒုတပ်ရင်းမှူး ကိုဖက်တီးကို တာ၀န်ပေးထားတယ်လို့ CJ Platform ရဲ့ သတင်းရင်းမြစ်တစ်ဦးက ပြောပါတယ်။

"ခရိုင်အဆင့်က အစည်းအဝေးပြီးသွားလို့ NUG ဆီစာတင်ထားတာ တစ်လကောင်းကောင်းရှိပေမဲ့ စာကမပေးသေးဘူး။ ကျန်တဲ့တပ်ရင်းတပ်ဖွဲ့တွေရှိတယ်လေ။ သူတို့တစ်ရင်းတည်းရှိတာမှမဟုတ်တာ။ သူတို့ကို အခွန်ကောက်ခွင့်ပေးတာမဖြစ်နိုင်ဘူးလေ။ NUG က ခွင့်မပြုဖြစ်သေးဘူးလေ။ ကျန်တပ်ရင်းတွေက သူတို့လိုလစာရတာမှမဟုတ်တာ။ သုံးလမှတစ်ခါရတာ။ ပြီးတော့ ပလဖတွေ၊ ရပ်ကျေး၊ တိုက်နယ်တွေရှိတယ်။ သူတို့ပဲပေးလို့ ဘယ်ဟုတ်ပါ့မလဲ" လို့ NUG ၊ ခရိုင်အဆင့် တာ၀န်ရှိသူတစ်ဦးက အခွန်ကောက်ခံနေမှုနဲ့ပတ်သက်ပြီး ပြောပါတယ်။

ဆိပ်ကမ်းတာ၀န်ရှိသူတွေဟာ တရားမ၀င်အခွန်ကောက်ယူနေတာဖြစ်တယ်လို့ သူက မှတ်ချက်ပေးပြောပါတယ်။

ဒီလိုအခွန်ကောက်ခံမှုတွေနဲ့ပတ်သက်ပြီး NUG တာဝန်ရှိသူတွေဆီ CJ Platform က ဆက်သွယ်မေးမြန်းထားဆဲဖြစ်ပြီး ပြန်လည်တုံ့ပြန်ဖြေဆိုတာမျိုးတော့ ဒီကနေ့ ဒီဇင်ဘာ ၆ ရက် ညနေပိုင်းအထိ မရှိသေးပါဘူး။

အကောက်ခွန်တွေနဲ့ပတ်သက်ပြီး ရေကြောင်းပို့ဆောင်ရေးလုပ်ကိုင်နေသူတွေကို ၀က်လက်မြို့နယ်တပ်ရင်း ၂ ရဲ့ ဆိပ်ကမ်းတာ၀န်ရှိသူတွေက ခြိမ်းခြောက်ပြောဆိုတာမျိုးတွေလည်း လုပ်နေတယ်လို့ လုံခြုံရေးအရ အမည်မဖော်လိုတဲ့ အသက် ၃၀ ခန့်ရှိ ပြန့်ဖောင်ပြေးဆွဲနေသူ အမျိုးသားတစ်ဦးက CJ Platform ကို ပြောပါတယ်။

"ဖြတ်ပိုင်းမှာရေးထားတာက ၁၀ ရာခိုင်နှုန်း တကယ်တမ်းယူတာက ၁၅ ရာခိုင်နှုန်းဗျ။ ဒီလိုကောက်တာတွေနဲ့ပတ်သက်ပြီး တိုင်တာတန်းတာလုပ်ရင် လုပ်ခွင့်ပယ်ဖျက်မယ်လို့ပြောတယ်" လို့ သူက ပြောဆိုပါတယ်။

အခုတပ်ရင်း-၂ က ပြေးဆွဲခွင့်ပေးထားတဲ့ ကားတင်သံခွန်တွေဟာ ခြောက်ဘီး၊ ၁၂ ဘီး ကားတွေ အပါအ၀င် ကား ၁၀ စီးခန့်အထိ သယ်ဆောင်နိုင်ပြီး ပြန့်ဖောင်တွေကတော့ လိုက်ထရပ်လို ကားသေးတွေကို လေးစီးလောက်ပဲ အများဆုံးသယ်နိုင်တယ်လို့ သိရပါတယ်။

သယ်ဆောင်ခကို ကားအမျိုးအစားနဲ့ ကုန်ပါ၀င်မှုအပေါ်မူတည်ပြီး တစ်စီးကို ကျပ်နှစ်သိန်းကနေ ကျပ်နှစ်သိန်းငါးသောင်းအထိ ရရှိနေတာဖြစ်တဲ့အတွက် တစ်ခေါက်ကို ဝက်လက်ကာကွယ်ရေးအဖွဲ့တွေအနေနဲ့ ကျပ်သိန်း ၂၀ နဲ့အထက် ရရှိနေတာဖြစ်ပါတယ်။

NUG အနေနဲ့ မင်းကင်းမြို့နယ်အတွင်း တရားဥပဒေစိုးမိုးခြင်းမရှိတဲ့အပြင် အရေးယူဆောင်ရွက်တာမျိုးတွေ ထိထိရောက်ရောက် မလုပ်ဆောင်နိုင်တာကြောင့် ဒီလိုအာဏာတလွဲအသုံးပြုသူတွေဖြစ်ပေါ်လာရတဲ့အတွက် ဒေသခံတွေကို ထိခိုက်စေတယ်လို့ ပြောဆိုနေကြပါတယ်။

ဒီလိုရွှေမျောလုပ်ကိုင်ခွင့်တွေ ဒေသခံတွေရဲ့သဘောမပါဘဲ ချထားပေးမှုနဲ့ပတ်သက်ပြီး သက်ဆိုင်ရာကာကွယ်ရေးတပ်ဖွဲ့တွေဘက်က တစ်စုံတစ်ရာထုတ်ပြန်ပြောကြားထားတာမျိုး မရှိသေးပါဘူး။

Justino

ဓာတ်ပုံ - ချင်းတွင်းမြစ်ကမ်းဘေးကျေးရွာများသပိတ်စစ်ကြောင်း

ပုံစာ - ချင်းတွင်းမြစ်ဘေး ရွာတစ်ရွာမှ စစ်ကောင်စီကို ဆန္ဒထုတ်ဖော်နေတာကို တွေ့ရစဉ်(ပုံဟောင်း)
Website တွင် ဖတ်ရှုရန် >>> https://cjplatform.com/23-11-20242/

CJ Platform ၏ သတင်းများအား
Website :https://cjplatform.com/
Facebook :https://www.facebook.com/cjplatformburma/
Instagram : https://www.instagram.com/burmacjplatform/
YouTube :https://www.youtube.com/@cjplatform
Twitter :https://twitter.com/CjPlatform
Telegram : https://t.me/cjplatform
တို့တွင်လည်း ဝင်ရောက်ဖတ်ရှုနိုင်ပါသည်။

#CJPlatform #စစ်ကိုင်းတိုင်း #မင်းကင်းမြို့ #ရွှေမျောလုပ်ကွက်

မင်းကင်းက ရွှေမျောလုပ်ကွက်တွေ PDF က လုပ်ငန်းရှင်တွေကို ဒေသခံတွေသဘောမပါဘဲ လုပ်ကိုင်ခွင့်ချပေး
ထုတ်ဖော်ပြောဆိုသူတွေကို ဖမ်းဆီး/သတ်ဖြတ်မယ်လို့ ခြိမ်းခြောက်ခံရ

CJ Platform

စစ်ကိုင်းတိုင်း၊ မင်းကင်းမြို့နယ်ထဲက ဖြတ်သန်းစီးဆင်းတဲ့ ချင်းတွင်းမြစ်ကမ်းဘေးတစ်လျှောက်ရှိ ရွှေမျောလုပ်ကွက်တွေကို ဒေသခံတွေရဲ့သဘောတူညီချက်မပါဘဲ ပြည်သူ့ကာကွယ်ရေးတပ်ဖွဲ့တွေက လုပ်ငန်းရှင်တွေဆီ လုပ်ကိုင်ခွင့်ချပေးနေတယ်လို့ အဲဒီဒေသခံတွေဆီကနေ စုံစမ်းသိရှိရပါတယ်။

အဲဒီလုပ်ကွက်တွေကို မင်းကင်းတိုက်နယ်၊ မြို့နယ်၊ ကျေးရွာပြည်သူ့ကာကွယ်ရေးအဖွဲ့ တာ၀န်ရှိသူတွေပူးပေါင်းပြီး နို၀င်ဘာ ၁၅ ရက်ကစလို့ ရှစ်လတာလုပ်ကိုင်ခွင့်ကို လုပ်ငန်းရှင်တွေဆီရောင်းချခဲ့ပြီးနောက် လုပ်ငန်းတွေလည်ပတ်နေပြီလို့ လုံခြုံရေးအရအမည်မဖော်လိုတဲ့ ဒေသခံတစ်ဦးက ပြောပါတယ်။

"လုပ်နေတာတွေနဲ့ပတ်သက်လို့ ဒေသခံတွေဘာမှမသိရဘူး။ လုပ်ငန်းနယ်နိမိတ် ဘယ်နားဘယ်နားပေါ့။ မြေပြင်တိုင်းကြည့်တဲ့အခါ ရွာနဲ့ကလည်း ကိုက်တစ်ရာလောက်ပဲ၊ လုပ်ငန်းတွင်းက အင်ဂျင်တွေနဲ့ မျှောစင်တွေဆို ဒီထက်ပိုနီးတယ်” လို့ အဲဒီဒေသ မြောက်ချွန်းရွာနေ‌ အသက် ၄၀ ဝန်းကျင်ရှိ အမျိုးသားတစ်ဦးက CJ Platform ကို ပြောပါတယ်။

အဲဒီဒေသမှာ ရွှေမျောလုပ်ကိုင်သူတွေနဲ့ စက်ပစ္စည်းတွေဟာ နို၀င်ဘာ ၁၅ ရက်ကစလို့ ဒီကနေ့ နို၀င်ဘာ ၂၃ ရက်အထိ ရှိနေပြီး ရွှေမျှောစင် ၄၀ ခန့်နဲ့ လည်ပတ်လုပ်ကိုင်နေတယ်လို့ သိရပါတယ်။

ဒါကြောင့် မလိုအပ်တဲ့ အနည်တွေအပါအဝင် စွန့်ပစ်မြေစာပုံစံတွေကြောင့် မြောက်ချွန်းဒေသခံတွေအဖို့ စိုက်ပျိုးရေးလုပ်ငန်းတွေ၊ ကျေးရွာလူထုကျန်းမာရေးနဲ့ သဘာဝပတ်ဝန်းကျင်နဲ့ မြစ်တိမ်ကောမှာတို့အတွက် စိုးရိမ်စရာဖြစ်လာတယ်လို့ ဒေသခံတွေက ပြောပါတယ်။

"အခု ၁၀ ရက်လောက်ကို ရွာကုန်းထက် မြေစာကမြင့်နေပြီရွာဘက် တစ်စတစ်စကပ်လာပြီ။ သူတို့ရဲ့ရေတွေကလည်း စိုက်ခင်းတွေဘက်ရောက်တော့မယ်။ ဒီလိုပစ်ထားမယ်ဆို ဒေသခံတွေနဲ့ ပဋိပက္ခဖြစ်နိုင်တယ်” လို့ အထက်ပါဒေသခံက ပြောပါတယ်။

မင်းကင်းဒေသ ချင်းတွင်းမြစ်ကမ်းဘေးတစ်လျှောက်မှာ မျှောစင် ၄၀ ခန့်အပြင် ရှစ်လက်မအထက်ရှိတဲ့ ပိုက်တွေကို ဖောင်တွဲပြီး တန်းစီချထားတယ်လို့ ဒေသခံတွေက ပြောပါတယ်။

အဲဒီပိုက်တွေက ရေပေါ်တင်ချထားတာမျိုးမဟုတ်ဘဲ မြစ်ကြမ်းပြင်အောက် အနိမ့်ဆုံး ပေ ၆၀ ခန့်အထိ ထိုးစိုက်ထားတာဖြစ်တယ်လို့ ဒေသခံတွေရဲ့ ပြောဆိုချက်အရ သိရပါတယ်။

ရွှေမျောဆိုတာ မြစ်ကြမ်းပြင်က သဲတွေ၊ ကျောက်တွေအပါအဝင် ကြမ်းပြင်မှာရှိတဲ့အရာတွေကို စက်တွေနဲ့စုပ်ယူပြီး မြက်အတုပုံစံ ဒါမှမဟုတ် အရပ်အခေါ် ကတ္တီပါအစပေါ် လောင်းချလိုက်ပြီး ပါရှိလာတဲ့ အရာတွေထဲက ရွှေကိုပြန်လည်စစ်ယူတာ၊ ဖမ်းယူကြတာဖြစ်တယ်လို့ သိရပါတယ်။။

အဲဒီနောက် မလိုအပ်တဲ့အနည်တွေအပါအဝင် စွန့်ပစ်မြေစာပုံစံတွေကို မြစ်ကမ်းနံဘေး မြေနုကျွန်းတွေအပေါ် စုပုံထားတာမျိုးလည်းလုပ်ရတယ်လို့ ဒေသခံတွေက ပြောပါတယ်။

မင်ကင်းမြို့နယ်အပိုင် ချင်းတွင်းမြစ်ဘေးတစ်လျှောက် မြစ်ကိုအမှီပြုပြီး စိုက်ပျိုးရေးအပါအဝင် သက်မွေးဝမ်းကျောင်းပြုနေသူတွေ အများအပြားရှိနေတဲ့အတွက် ရွှေမျောစွန့်ပစ်ပစ္စည်းတွေကြောင့် ဒေသခံတွေရဲ့ စိုက်ပျိုးရေးလုပ်ကိုင်နေတဲ့ မြေနုကျွန်း သုံးပုံနှစ်ပုံဆုံးရှုံးထားရပြီး လုပ်ငန်းခွင်အနီး စိုက်ခင်းတွေအပြင် မြေယာတွေဆုံးရှုံးမှုရှိလာနိုင်တယ်လို့လည်း မြောက်ချွန်းဒေသခံတွေက CJ Platform ကို ပြောပါတယ်။

ဒါ့အပြင် ရွှေမျောလုပ်ငန်းတွေကြောင့် ရေလမ်းခရီးအတွက် အတားအဆီးဖြစ်နေသလို ကမ်းပြိုမှုတွေရှိနေတယ်လို့ သူတို့က ဆိုပါတယ်။

တဖန် လူအစုအဝေး အများအပြားလုပ်ကိုင်ရာနေရာဖြစ်တာကြောင့် စစ်ကောင်စီတပ်ရဲ့ လေကြောင်းအန္တရာယ်ကို ဒေသခံတွေအနေနဲ့ စိုးရိမ်နေကြရတယ်လို့လည်း ပြောပါတယ်။

မင်းကင်းက ချင်းတွင်းမြစ်အတွင်း ၂၀၂၂ ခုနှစ်အတွင်းကစတင်ပြီး ရွှေရှာဖွေရေးကို လုပ်ဆောင်ခဲ့ပြီး ၂၀၂၃ ခုနှစ်မှာ ရွှေမျောလုပ်ငန်းတွေကို လုပ်ဆောင်ဖို့ ဒေသခံတွေနဲ့ ဆွေးနွေးခဲ့ပေမဲ့ ကန့်ကွက်မှုကြောင့် အဆင်မပြေမှုတွေရှိခဲ့တယ်လို့ သိရပါတယ်။

ဒါကြောင့် ဒီနှစ် အောက်တိုဘာလ ၁၅ ရက်မှာ ဒေသခံတွေကို အသိမပေးဘဲ ကျပ်သိန်း ၁၅၀၀ ခန့်နဲ့ ၁၅ ရက် စမ်းသပ်ရှာဖွေခွင့် လုပ်ငန်းရှင်တွေကို မြို့နယ်ပကဖအဖွဲ့ ဒုခေါင်းဆောင်က ဦးဆောင်ရောင်းချခဲ့ တယ်လို့ သိရပါတယ်။

ဒါ့အပြင် နို၀င်ဘာ ၁၅ ရက်က ဆက်လက်လည်ပတ်လုပ်ကိုင်မှုမှာလည်း လုပ်ကိုင်ခွင့် ရှစ်လသက်တမ်းအတွင်း တစ်လကို သိန်း ၁၀၀ ကနေ ၃၀၀ နဲ့အထက် ကောက်ခံနေတယ်လို့ ဒေသခံတွေရဲ့ပြောကြားချက်အရ သိရပါတယ်။

မင်းကင်းမြို့နယ် ဒုခေါင်းဆောင်က အဲဒီလိုလုပ်ကိုင်ခွင့်ရောင်းချတာနဲ့ လုပ်ကိုင်မှုအပေါ် ဆန္ဒတစ်စုံတရာဖော်ထုတ်ပြောဆိုပါက ဖမ်းဆီးမယ်လို့ ခြိမ်းခြောက်ထားတဲ့အကြောင်း ဒေသခံတွေက ပြောပါတယ်။

“အရင်က ရွှေမျောနဲ့ပတ်သက်လို့ ကန့်ကွက်တဲ့ အင်ကုန်းကြီးက ပကဖခေါင်းဆောင် ဦးချိုကြီးကိုဆိုရင်လည်း ၀ိုင်းပြီးလုပ်ကြံဖို့ လုပ်ကြသေးတာ။ ဦးချိုကြီး ထွက်ပြေးခဲ့ရတယ်။ ခုတစ်ခေါက်မှာ ဒေသခံတွေကို ဆန္ဒပြရဲရင်ပြကြည့် ဖမ်းမယ်။ သတ်မယ် အဲဒီလိုတွေပြောတာရှိတယ်” လို့ အသက် ၃၀ ခန့် နောက်ထပ် ဒေသခံအမျိုးသားတစ်ဦးက ပြောပါတယ်။

မင်းကင်းက ရွှေမျောလုပ်ကွက်တွေ PDF က လုပ်ငန်းရှင်တွေကို ဒေသခံတွေသဘောမပါဘဲ လုပ်ကိုင်ခွင့်ချပေး
ထုတ်ဖော်ပြောဆိုသူတွေကို ဖမ်းဆီး/သတ်ဖြတ်မယ်လို့ ခြိမ်းခြောက်ခံရ

Twenty Fingers
CJ Platform
ဒီနေ့ ၂၁ ရာစု ရောက်တဲ့ကာလထိ မြန်မာနိုင်ငံမှာ LGBT လို့ခေါ်တဲ့ လိင်စိတ် ခံယူမှုကွဲပြားခြင်းအပေါ် ပတ်ဝန်းကျင်နဲ့ မိသားစု အသိုင်းအဝိုင်းက လက်မခံတာတွေ၊ ညင်းဆန်တာတွေ၊ ဖိနှိပ်ပြောဆို ဆက်ဆံတာတွေ နဲ့ ခွဲခြားမှုတွေ၊ လိင်အမြတ် ထုတ်မှုတွေ ရှိနေဆဲပါ။ ဒီလိုမျိုး ကြုံတွေ့နေရတဲ့အထဲမှာ ကိုမိုးသောက်နဲ့ မရှားလဲ ပါဝင်ပါတယ်။ တော်လှန်ရေးကနေ ကျန်းမာရေးဆိုးရွားလာတာကြောင့် ထိုင်းနိုင်ငံ နယ်စပ်မြို့ကို ရောက်ရှိလာတဲ့သူတို့နှစ်ဦးဟာ ဘဝ ရပ်တည်ရေးအတွက် အိမ်တိုင်ရာရောက် အနှိပ် ဝန်ဆောင်မှု ပေးတဲ့ အလုပ်နဲ့ အသက်မွေးဝမ်းကြောင်း ပြုနေပါတယ်။
သူတို့နှစ်ဦးဟာ ဘယ်လို လိင်ပိုင်းဆိုင်ရာ စော်ကားနှောက်ယှက်မှုတွေ ကြုံတွေ့ခဲ့ရလဲ၊ ဖိနှိပ်ခွဲခြားမှုတွေ ဘယ်လို ကြုံတွေ့ခဲ့ရလဲ၊ အနာဂတ်မှာ ဘာတွေ မျှော်လင့်ထားသလဲ။