Eng muhim ko’nikma

Bu tahlil qila olish.

Tahlil qiladigan odamga ish buyurilsa — bu ishdan maqsad nimaligini, nega unga buyurilganini, qilmasa nima bo’lishini o’zi tushunib oladi. Natijada ishni yaxshiroq bajaradi.

Tahlil qiladigan odam biron nima eshitsa ishonib ketavermaydi. O’zi bilganlari va boshqa manbaalar bilan solishtirib ko’radi. Natijada oson aldanmaydi.

Tahlil qiladigan odamga ozgina ma’lumot yetadi. Qolganini o’shandan chiqarib olaveradi. Oqibatda to’g’ri qarorlari ko’payadi.

To’g’ri qarorlar + Oson aldanmaslik + Ishni yaxshi bajarish = Shaxs sifatida rivojlanishga, daromadning o’sishiga olib keladi.

Daromad o’sishi bo’sh vaqt ko’payishiga, bo’sh vaqt ko’payishi tahlil uchun yanada ko’proq vaqt qolishiga sabab bo’ladi. Natijada bunday odam tengdoshlaridan karrasiga o’tib ketishni boshlaydi.

Tengdoshlar esa hayron. “Вроде bir xil ishlayapmiz lekin bu bolani eplab bo’lmayapti)” deyishadi.

Tahliliy fikrlashni o’rganish uchun quyidagi oddiy ishlarni 3 yil davomida qilib borish yetarli:

1. Kuniga kamida 25 bet kitob o’qish
2. “Nega?” degan savolni doim berishni o’rganish
3. Kuniga 20 daqiqa tafakkur qilish
4. Tahlilga majburlaydigan o’yinlar o’ynash: Sudoku, shaxmat, nonogram

Eng qizig’i bu qobiliyat shunday narsaki — Tahlilsiz odam buni naqadar muhimligini tushunmaydi. Tahliliy odam esa busiz qanday yashaganini tushunmaydi.

© 🪓

@muqumovs

Yaxshiroq, boyroq, chiroyliroq

Har bir odamzodga xos bir xohish bor. Bu aslidan ko’ra yaxshiroq ko’rinish xohishi.

Odamlardan nima ish qilasan deb so’ra, ishlayotgan joyini maqtab va o’zini ishini nega muhimligini tushuntirib ham beradi senga.

Odamlar shuning uchun o’zlarini puli yetmagan telefonlarni (asosan iPhone) va mashinalarni kreditga olishadi. Ozgina yig’ib oddiyrog’ini olsa bo’ladi-ku! Yo’q eng oxirgisi va eng zo’ri.

Balki gap komfortda deb o’ylarsan? Yo’q ko’p hollarda unday emas. Mana ko’rib qo’y. Menda ham bor. Biz ham orqadamasmiz degan xabarlarni atrofdagilarga yetkazib, o’zini zo’rligini ko’rsatish maqsadi. Minayotgan mashinasi, yoki qo’lidagi telefon oxirigacha uniki bo’lmasa ham.

Biz haqiqiy hayotni qo’ldan kelgancha bezab ko’rsatishga harakat qilamiz.

Kinoning vazifasi ham shu. U yerda hech qachon real hayot ko’rsatilmaydi. Kino uchun reallik zerikarli. Shuning uchun kadr grimm, chiroqlar, dekoratsiya, effektlar bilan bezatiladi.

Instagram ham shu vazifani bajaradi. Hech kim u yerga qiyshiq tushgan rasmini qo’yib, “yuzimga ugri chiqdi, o’zimni yomon his qilyapman” deb yozib qo’ymaydi. Hamma o’z hayotini bezab, effect qo’shib atrofdagilarga ko’rsatadi.

Bu normal holat. Hammada bor xohish.

P.S.
Lekin shu xohishini yenggan odamlarni ko’rib qolsang, shuni bil: Sen o’z nafsi va egosi bilan qattiq kurashib uni yenggan odam qarshisida turibsan.

© 🪓

@muqumovs

Bitta gapli 14 ta maslahat
Bu qisqa darslarni biz shundoq ham hayotimiz davomida tushunib yetamiz. Lekin vaqtliroq o’rganishimiz ertaroq amal qilishimizga yordam beradi:

1. Bu hayotdagi eng go’zal va eng yaxshi narsalar tekin.

2. Harakat qilishda sabrsiz, natija uchun esa sabrli bo’l.

3. Qo’rquv bilan kurashma, u bilan vals tushishni o’rgan.

4. Hamma narsa vaqtinchalik.

5. Eng katta risk — risk qilmaslik.

6. Sekinroq yasha — uzoqroq yashaysan. (Sekinroq = ongli)

7. Hammaga ham «Ha» deya olmaysan.

8. Maslahat so’raydigan darajadan aqlli bo’l, kimdan so’rashlikni biladigan darajada dono bo’l.

9. Pulni o’zi yomon emas, pulni yaxshi ko’rish yomon.

10. Ko’pchilik intizomni qadriga yetmaydi.

11. Hamma o’zi uchun harakat qilyapti, aslida shunday ko’rinmasa ham.

12. Har kuni biron nima o’rgan.

13. Bajarish — eng yaxshi o’qituvchi

14. Boy bo’lish uchun — pul bilan olib bo’lmaydigan narsalarni jamg’ar.

Yetkazish mendan, ta’sir qilganlari bo’lsa, amal qilish sendan. Ba’zi maslahatlar qon bilan yoziladi, ba’zilari ustozlardan olinib darrov amal qilinadi.

© 🪓

@muqumovs

Sabrli boʻl. Imperiyalar bir kunda qurilmaydi. @trillioner_inc

Senga koʻproq vaqt kerak emas
Senga koʻproq pul kerak emas
Senga koʻproq bilim kerak emas
Senga koʻproq isteʼdod kerak emas.
Senga koʻproq konsentratsiya kerak. Diqqatni jamlashing kerak. 5-6 ta kuchsiz harakatlardan birgina qattiq zarba muhimroq. @trillioner_inc

Baʼzi oʻzgarishlar ogʻriqli, biroq ular juda muhim. @trillioner_inc

Agar bir buyum 100 ming soʻm tursa va chegirmada 75 ming soʻm boʻlsa va siz uni sotib olsangiz, siz 25 ming soʻm tejab qolmadiz, balki 75 ming soʻm sarfladiz.

Agar siz 1 mln soʻm pulni boshqarishni bilmasangiz, 10 mln soʻmni ham boshqara olmaysiz.