Jiyanim hali 2 yoshga ham to‘lmagan: tafakkuri juda kuchli. Atrofidagi ko‘p narsalarni nomini biladi. Uyda hovlimizni birga aylanamiz. Mevalarning nomlarini o‘rgataman, "Bu suv"," Bu qush" shunaqa usulda hamma narsalarni o‘rgatishga harakat qilaman; keyin ortimdan qaytaradi: nutqida deyarli xato qilmaydi.

Boy berib qo‘ygan vaqtlarimiz bor. Lekin ulardan olingan xulosalar va tajribalarni farzandlarimizning hayotiga bag‘ishlay olamiz.

Bir kuni opoddamning oldiga borganimda "Seni yo‘laydigan odam bo‘lmadi" deb yig‘lagandi.

Lekin men avlodlarimni yo‘lay olaman. Chunki ularda mazmunli hayot kechirish yo‘lida harakat qilayotgan amakisi bor. Nasib qilsa otasi ham!

O‘zimiz erisha olmagan bo‘lsak-da, bizdan keyingilarga to‘g‘ri yo‘nalishlar ko‘rsata olamiz, o‘zimiz yutqazgan bo‘lsak-da, bizdan keyingilar yutishiga yordam bera olamiz.

@srsobirov

Ular o‘zgartirishmaydi

Qaysi mavzularda kurs sotishni bilmay, "Hayotingizni tartiblashtirib beraman", "Siz o‘zingizni yo‘qotib qo‘ygansiz" deb odamlarni aldash odatga aylanib qoldi.

"Shaxsiy rivojlanish" degan tushuncha shu darajada trendga chiqib ketdiki, odamlar o‘zlari bilan gaplashish o‘rniga o‘zini "hayot murabbiylari" deb biladiganlarga vaqtini, pulini, o‘zligini shundayligicha berib qo‘yishyapti.

O‘zini hurmat qilgan odam hayotini aldamchi kurslarga bag‘ishlab, isrof qilib yubormaydi.

Musulmon kishiga allaqachon hayot yo‘riqnomasi berilgan!

Kurs sotadiganlar faqat boyib ketadi xolos, kurs sotib olsam hayotim yaxshilanadi deydiganlar faqat vaqtinchalikka aldanib, keyin yana qulashda davom etishadi.

Aldamchi falsafalarga ishonish yoshlikni isrof qilish bo‘ladi.

@srsobirov

Toshkentda 4 yil o'qib, shu paytgacha $6500 rasxod qilibman. Siz-chi? @srsobirov

O‘zingiz ham bilasiz Chiqindilarni yerga emas, maxsus idishlarga tashlashni eslash uchun kitob o‘qib chiqish shart emas. Harakat qilish kerakligini eslash yoki vaqt o‘tib borayotganligini yodga olish uchun reels ko‘rish shart emas. To‘g‘ri ovqatlanishni…

O‘zingiz ham bilasiz

Chiqindilarni yerga emas, maxsus idishlarga tashlashni eslash uchun kitob o‘qib chiqish shart emas.

Harakat qilish kerakligini eslash yoki vaqt o‘tib borayotganligini yodga olish uchun reels ko‘rish shart emas.

To‘g‘ri ovqatlanishni o‘rganish uchun, sport bilan shug‘ullanish uchun videolar tomosha qilish shart emas.

O‘zingiz ham bilasiz. Virtual dunyodagi foydali suhbatlar, gaplar insonlarga yo‘riqnoma bo‘lib ulgurdi. Kishi anglang oladi: nima to‘g‘ri-noto‘g‘riligini. Foydali videolar iste'moli aniq qarorlar qilishga to‘sqinlik qiladi.

Bir kunda 30 ta foydali video ko‘ring - o‘zgarmaysiz. 30 kun o‘zingiz bilan qat'iy gaplashing - qaytib eski holatga qaytmaysiz.

Qalb xotirjam bo‘lmaguncha kurashadi, miyya ming xil tajribani hech qachon ko‘tara olmaydi.

O‘zingizga o‘zingiz sizni tezroq o‘zgartirishga yordam beradi.

Mega kontentlar davri boshlanib bo‘ldi.

Va bu juda ham xavfli.

@srsobirov

Toshkentni eslab

Eng ko‘p qadrdonlarim bilan Toshkentda tanishganman. Eng yorqin xotiralar ham Toshkentda bo‘ldi. Birinchi oyligimni ham poytaxtda ishlab topganman.

Talabalik yillarimni kulib eslayman. Ayniqsa, yotoqxonadagi yigitlarga osh qilib beraman deb har xil mahallalarga kirib "qozon-o‘choq" berib turing deb yurganlarim rosa qiziqarli bo‘lgan.

Turli tadbirlarda, grantlarda yutganimda onamga xabar bersam, o‘sha kuni kayfiyatim a'lo bo‘lib yurardi. O‘sha erishilgan yutuqlar hozir uyda turibdi: ochib qaramayman ham. Lekin xotiralar har kuni "tekshiriladi"- yaxshi bo‘lganligi uchun!

Birinchi $2000 imni ham Toshkentda topdim. U ham bo‘lsa, o‘zimning qadrdon hobbiyim - YouTube sabab.

Toshkent doim qadrdon bo‘lib qolaveradi; shunchaki tarbiyalaydi.

Hozircha faqat biror ish bilan borsam kerak. Kelajakda nasib qilsa, yana borarman ma'lum bir muddatga.

Havosi ham bir kun kelib yaxshilanib qolar nasib qilsa.

@srsobirov

Ortda qolgan umrimizda esda qolarli va mazmunli paytlar, yutuqlar bor bo‘ladi.

O‘tmishning shunaqa tomonini yodga olib, Toshkentga keldim. Lekin izimga qaytaman tezda.

Havo yaxshi. Yomg‘ir yoqqani uchundir balki.

Mohi Ramazon muborak bo‘lsin!

@srsobirov

Dunyoning rivojlangan ta'lim platformalaridan biri bo‘lgan ApplyBoard kompaniyasi bilan hamkorlikni boshladik (Level Consulting bilan)

Endilikda professional tarzda konsalting bilan shug‘ullanaman va konsaltingdagi faoliyatimni xalqaro darajadagi yirik ta'lim kompaniyasida davom ettiraman.

ApplyBoard'ning bosh ofisi ??Kanadaning Ontario shtatida joylashgan.

ApplyBoard orqali AQSH, Kanada, Avstraliya, Irlandiya va Buyuk Britaniyadagi nufuzli oliygohlarga hujjat topshirishingiz mumkin.

@srsobirov

Muomala va chaqqonlik
Ijtimoiy tarmoqlarda ko‘plab mashhur kompaniyalar o‘z kanallariga bo‘sh ish o‘rinlari haqida e'lon joylashgandi. Men hammasiga ariza topshirib, suhbat jarayonigacha borganman. Lekin ishga qabul qilishmagan.

''O‘zbekiston Havo Yo‘llari'' milliy aviakompaniyamizning bosh ofisiga "Men sizlarda amaliyot qilmoqchiman" deb borgandim, garchi ular amaliyotchi kerak deb e'lon bermagan bo‘lsa ham. Maqsadimni tushuntirib, chiroyli muomala qilganman: 1 oylik amaliyotga qabul qilishgan. U yerda professional uchuvchi va aviatsiya sohasining masterlari bilan tanishdim.

Yaxshi muomala va chaqqonlik bilan o‘zingiz qiziqadigan sohada ishlashingiz yoki kamida amaliyot qilishingiz mumkin.

Gapingizni ichingizga yutsangiz, sohangizning masteri bo‘lsangiz ham yaxshi ishni boshini tuta olmaysiz, tanishlar orttira olmaysiz.

@srsobirov