? Навукова-фантастычная легенда цяпер і на «Кніжным возе»

✋️ Адразу папярэдзім: рэкамендуем слухаць людзям старэйшым за 12 гадоў.

«Франкенштайн, ці Сучасны Праметэй» Мэры Шэлі – адзін з найлепшых узораў готыкі і першы навукова-фантастычны раман, які быў апублікаваны ў 1818 годзе. Дарэчы, апублікаваны напачатку ананімна.

Аўтарка скончыла рукапіс у 19 гадоў. Раман не дужа ацанілі крытыкі, але публіка была ў захапленні. За 100 гадоў з'явілася безліч экранізацый і пастановак, а сам Франкенштайн даўно выйшаў за межы персанажа кнігі.

Упершыню беларускі пераклад аповесці, зроблены Марынай Дзергачовай, выйшаў у 2016 годзе ў выдавецтве «Кнігазбор» (Бібліятэка Саюза беларускіх пісьменнікаў «Кнігарня пісьменніка»; Бібліятэка часопіса «ПрайдзіСвет» «PostScriptum»).

? І вось цяпер мы прэзентуем аўдыёкнігу «Франкенштайн, ці Сучасны Праметэй»

https://knizhnyvoz.com/book/665478d2e96494e41c02b830

Чытае – Ісай Свістулькін
Гукарэжысёр – Аляксей Безбарабанаў

Рэдактарка запісу – Крысціна Дробыш
Музыка і вокладка створаныя з дапамогай штучнага інтэлекту

Дзякуем за візуальную частку вокладкі Руслану Серадзюку, які майстарскі даў рады са штучным інтэлектам

❤️ Агучана з любоўю да кожнага слова

*? Сёння свет адзначае Дзень паэзіі*

Яго абвесціла ЮНЭСКА ў 1999 годзе. У асноўным дзеля падтрымкі моваў з дапамогай паэтычнага слова.

? Віншуем, спадарыні і спадары! Давайце адзначаць!

Расказваем, што паслухаць на «Кніжным возе» з гэтай нагоды. Музыка таксама лічыцца, а ў нас з ёю цэлы раздзел ?

✔️ «Падручнік па катах» Т. С. Эліят. Пераклаў і прачытаў Максі Шчур;

✔️ «Вялікія прыгоды Какоса Маракоса» Сержа Мінскевіча;

✔️ Вершы Андрэя Скурко. Тут і тут;

✔️ «Мышыныя Каляды» Антон Францішак Брыль;

✔️ «Мышкі і дзеці» Сержа Мінскевіча;

✔️ «Нататкі таткі» Андрэя Хадановіча;

Калi паэт зрабiўся татам,
Жыццё адразу стала святам,
I ён абрадаваўся гэтак,
Што кнiжку напiсаў для дзетак.

Андрэй Хадановiч

*? *Абавязкова завітайце на наш YouTube-канал

Там анімаваная версія кнігі ад мастачкі Насты Камінскай з арыгінальнымі малюнкамі Стасі Сакалоўскай.

https://youtu.be/lht3ucQYhvQ?si

І не толькі «Пацеркі і кроплі» ?

YouTube

«Пацеркі і кроплі» Надзея Ясмінска

Расказвайце, дарослыя, калі вы апошні раз бачылі вясёлку ў бензінавай лужыне? А памятаеце, як рабілі схованку пад ложкам? Гэтая кніга – для дапытлівых дзяцей і ўдумлівых дарослых. Таму што ім час ад часу трэба пагружацца ў маленства і вучыцца тым самым лепей…

*? Ой, мы вам такой цеплыні прынеслі! Ды не толькі аўдыё, але яшчэ і анімаваную версію!*

Расказвайце, дарослыя, калі вы апошні раз бачылі вясёлку ў бензінавай лужыне? А памятаеце, як рабілі схованку пад ложкам?

Гэтая кніга – для дапытлівых дзяцей і ўдумлівых дарослых. Таму што ім час ад часу трэба пагружацца ў маленства і вучыцца тым самым лепей разумець сваіх дзяцей.

Гэта неверагодна цёплая, утульная гісторыя, вытканая з нітак успамінаў, роздумаў і пачуццяў пяцігадовага хлопчыка.

? Ужо цяпер слухайце на «Кніжным возе», а таксама на нашым YouTube-канале - анімаваная версія ад мастачкі Насты Камінскай з арыгінальнымі малюнкамі Стасі Сакалоўскай.

*? «Пацеркі і кроплі» Надзея Ясмінска*

? Чыталі – Ісай Свістулькін і Валянціна Малініна
Музыка – Алег Удалееў
Запіс і апрацоўка гуку – Аляксей Безбарабанаў
Рэдактарка запісу – Крысціна Дробыш

? Гэтая аўдыёкніга з'явілася на свет, дзякуючы непасрэднай падтрымцы сяброў нашага праекта. Шчыра дзякуем, Алеся Сёмуха, Ірына Курапаткіна, Вячаслаў Бортнік, Алеся Кіпель, Саша Мелянцей, Дзьмітры Лойша, Сафія Аляхновіч, Павал Васілёнак, Алег Равун, Аляксандр Гумбар, Вета Чарапанская, Наталля Рабава-Даніэлс, Алеся Сядзяка і Вольга Бабурына.

«Кніжны воз». Агучана з любоўю да кожнага слова ❤️

*☝️ Прынеслі вам цікавыя актыўнасці - онлайн-летнік для падлеткаў*

Не мае значэння, у якой вы краіне. Далучыцца могуць усе, калі вам ад 11 да 15 гадоў. Дэдлайн рэгістрацыі - 20 сакавіка (уключна). Так, у вас яшчэ ёсць час ⏰

✔️ Калі адбудзецца?

25-29 сакавіка 2024 года

✔️ Што абяцаюць?

Пад час летніка удзельнікі і ўдзельніцы змогуць больш даведацца пра родную мову, гісторыю, культуру і мастацтва, стварыць уласныя творчыя праекты, ну і проста цікава правесці час у вясёлай кампаніі.

✔️ Зарэгістравацца можна па спасылцы