عارف إنك ممكن تكون بتمنع عن نفسك الرزق والسعادة من غير ما تاخد بالك؟ ?
طيب خالينى اكلمك النهاردة عن الآية اللى ربنا ذكرها بالقرآن الكريم:
قال تعالى: وَلَا مُتَّخِذَاتِ أَخْدَانٍ ۚ

وده معناه إن الإختلاط حرام لكن أنا مش جاى أحرم عليك من غير سبب، لا، كل حاجة ربنا حرمها كانت بسبب يا إما صحي يا إما نفسي ?

أول سبب إنها بتبعدك عن تركيزك وتشتتك، لأن العلاقات المحرمة عمرها ما هتكون مستقرة زي الزواج ?‍❤️‍?

والسبب التاني إنها بتأذي روحك وبتخليها مش مؤهلة للاستقرار والزواج، لأنك بتشتت مشاعرك بين علاقات مختلفة وبتخرب صفاها الطبيعي اللي ربنا خلقها عليه ?

وتالت سبب، متنساش كمان تدين تدان، ودي حاجة هتخليك ضعيف وفى قلق دايماً ♨️

ده غير وقتك اللي بتضيعه على الفاضي، بدل ما تستثمره في هواية مفيدة أو تخرج وتنزل الجيم تزود هرمون السعادة وتقوي نفسك ??

وأخيراً، سمعت مقولة جميلة من حكيم: "العلاقات اللي بدايتها ما ترضيش ربنا، نهايتها أكيد مش هترضيك" ❌️

لو عندك تجربة شبيهة، شاركها معانا في التعليقات، يمكن تكون سبب إن حد تاني يلاقي طريقه ! ✅️

#نقطة_نور

?‍♀ مش بيشاركني فرحه، ومبيحبش أتكلم معاه، وكتيرر ما يقاطعني وانا بتكلم معاه!!

_ هل النبي صلى الله عليه وسلم، كان بيشارك اللي يسعده، ويستمع لزوجاته؟؟ ?

=أكيد النبي عليه أفضل الصلاة والسلام،كان بيشارك كل حاجة تسعده وتسره مع امنا عائشة وكان لها خير جليس وشريك.

وبرضه كان لها خير مستمع، يستمع لها بأهتمام ولم يقاطعها يوما، أو يملها مهما طال حديها، حتى قالت عنه : كنت لا اسمع شيء منه لا أعرفه إلا راجعته فيه حتى أعرفه. ?‍♂

?‍♀ بحس انه شخصيتي انطمست، وبقت ضعيفه، بحس معاه بقلة التقدير لنفسي!!

_طب حصل كدا في حياة النبي صلى الله عليه وسلم، أثناء تعامله مع زوجاته؟؟ ?

=النبي صلى الله عليه وسلم كان أسوة حسنة في التعامل مع زوجاته، رغم تعدد زوجاته هتلاقي أنه كان يعاملهن بكل عدل وحب واحترام، بيراعي مشاعرهن، ويستشيرهن، ويقدر آراءهن، وعمره ما قلل من شخصيت حد بحياته. ?‍♂

فا الرسول الله صلى الله عليه وسلم، كان قدوة الكمال والرحمة، قد عايش زوجاته بكل مودة وتفاهم، فالزواج رحلة مشتركة، رحلة تستحق الجهد والعناية والصبر. ?

#ديني_حياتي
#نقطة_نور

كل عام وأنتم بخير ?
✨عيد أضحى مبارك علينا وعليكم بالخير ?
?بداية من مغرب النهارده، عداد بدء يعد ⏳.

خليني أحكي لكم تجربة لي: أنا شخص بسيط زيكم جدًا، بأدي الفروض الخمسة والأذكار والقرآن وزي الفل ?، وأيام الصيام بقضيها نوم عشان ما أحسش بتعب الصيام ?.

لكن رمضان الفات قررت أجرب أعيش رمضان زي ما الناس الحلوة بتحكي: القيام يوميًا غير التراويح وكام ختمة ?، وختمة تدبر ?، وممكن جلسة ضحى والدعاء ? والله، طلع له طعم مختلف تمامًا

كل دا وأنا بمارس حياتي عادي جدًا، يعني بروح الجامعة الصبح وأجي آخر اليوم وهكذا.
من بعيد يبان إنه تعب جدًا وإرهاق ?، لكن من جوا حرفيًا معنى مختلف ومتعة وراحة مختلفة تمامًا عن أي حاجة عدت علينا ?.

طب أنا ليه بقول الكلام دا؟
عشان إحنا عندنا يوم مهم أوي، يوم عرفة ?، فا مينفعش نقضي اليوم كله نوم عشان صيام ?، لأن حرفيًا بنحرم نفسنا من جنة والله .

وهنا أقصد على الراحة، والإحساس الجميل اللي هتحس بيه لما تجعل يوم كامل لربنا ?.

العيش مع ربنا جنة والله يا ولاد ?.

طب، نعمل إيه؟
بكرة أو حتى بداية من النهارده نقفل الفون خالص والميديا وكل حاجة ? ونركز إزاي نستغل يوم عرفة ونعمل كل طاعات أثناء الصيام ?.

جربوا تسمعوا فيديوهات للمهندس علاء حامد أو الشيخ سمير مصطفى أو الدكتور حازم شومان ?.

حاولوا تنبسطوا بجد باليوم وما تضيعوش اليوم من إيدكم لأن الشيطان مش هيسيبك تستمتع بكل دا بالساهل ?،
لكن افتكر إن كيد الشيطان كان ضعيفًا ?.

اتفقنا يا ولاد؟

نرجع لكم بإذن الله تعالى بعد العيد ?.
ما تنسوش تاكلوا لحمة وتنبسطوا بالعيد ??.
"ذلك ومن يعظم شعائر الله فإنها من تقوى القلوب."
عيد أضحى مبارك علينا وعليكم يا رب ❤️
أسرتكم نقطة نور ✨

#نقطة_نور

عائلة اسمها موجود في كل بيت ?

ماظنش إن فيه بيت عندنا مش بيعرف جملة "صبرًا آل ياسر فإن موعدكم الجنة". ?

كلامنا النهارده عن سيدنا عمار بن ياسر. ?

عائلته دفعت كل حاجة عشان دين الله، عشان جنة الله الغالية. ?

والدته السيدة سمية - رضي الله عنها - ماتت على إيد أبو جهل بعد ما طعنها في قلبها لأنها أسلمت. ? باقي الأسرة تعرضت لتع،ذي.ب وتنكي،ل وبهدلة.

موقف مشابه والله لإخوتنا في غ_#زة. ??

لكن كان جزاء كل ده إيه؟ النبي -صلى الله عليه وسلم- قال: "اشتاقت الجنة إلى ثلاثة" وقال فيهم عمار. ?

يا الله! شخص الجنة تشتاق له؟ عمل إيه الشخص ده؟ ضحى بإيه ولا صبر قد إيه؟ ?

سيدي عمار علمني:
? الثبات في وجه الأزمات: عمار تعرض لتعذيب شديد من قريش، لكنه صبر واحتسب، وده بيعلمنا إن مهما كانت الضغوط والتحديات في حياتنا، لازم نكون ثابتين وصابرين. ?

? قوة الإيمان: كان إيمان عمار قوي لدرجة إنه استحمل كل التعذيب اللي اتعرض له عشان يحافظ على دينه، وده بيفكرنا إن إيماننا بربنا هو اللي بيدينا القوة نواجه أي تحدي. ?

? التضحية في سبيل الله: عمار قدم كل شيء من أجل دينه، وده بيعلمنا إن التضحية مش بس بالكلام، لكن بالأفعال اللي بتأكد حبنا لله ورسوله. ?

? التواضع والأخلاق العالية: على الرغم من كل اللي مر بيه، كان عمار معروف بتواضعه وأخلاقه العالية، وده بيفكرنا إن مهما وصلنا في حياتنا، لازم نحافظ على تواضعنا وأخلاقنا. ?

? الوفاء والولاء: عمار كان وفيًا للنبي محمد ﷺ وصحبه الكرام، وكان دايمًا مستعد ينفذ أوامر النبي بدون تردد، وده بيعلمنا أهمية الوفاء والولاء لأصدقائنا وعائلتنا. ❤️
رضي الله عنهم أجمعين.

عايزك تسأل نفسك: هل الجنة ممكن تكون مشتاقه لك ولا أنت بعيد خالص ومحتاج وقفة بجد؟ ?

صلّوا على النبي في الكومنتات تحت خلينا ناخد أجر كبير سوا. ?

#على_خطاهم
#نقطة_نور

كل عام وأنتم بخير❤️

كل عام وأنتم إلى الله أقرب وعلى طاعته أدوم.
مبارك علينا عيد الأضحى المبارك ومبارك علينا الأيام المعدودات ال فيها يوم من أعظم أيام العام.

اليوم ال بيكُفر فيه سنة قبله وسنة بعده، وكأنه كفر العمر كله بشررررط وتحتها مليون خط إجتناب المحرمات، وخصوصًا الصغائز فكيف بالكبائر ألا وهو يوم عرفة.
قوله جلا وعلا: (إِنْ تَجْتَنِبُوا كَبَائِرَ مَا تُنْهَوْنَ عَنْهُ نُكَفِّرْ عَنْكُمْ سَيِّئَاتِكُمْ).

اليوم ال الصحابه كانوا بينتطروة بفارغ الصبر ويكتبوا كل أحلامهم والأمنيات والدعوات بورقة، ويجهزوها لليوم العظيم ويشوفوا أي الدعوات ال هتتحقق من الورقة.

نحن أمة مباركة علشان كدا الزمن والعبادة نفسها، ولكن الأجور مضاعفة علشان كدا هي أيام معدودات فاستغل منها ال تقدر تستغله ونوع في الطاعات.
من صوم، صلاة، صدقة، بر والدين، نشر علم، قراءه قرآن (خاتمة على الأقل)، الإكثار من التهليل والتكبير والتحميد من قلبك وجوارحك وشغل الشاشه على الحرم وعيش الأجواء بقلبك خلي روحك تنتعش☘.

قال صلى الله عليه وسلم: (ما من أيام العمل الصالح فيها أحب إلى الله من هذه الأيام، يعني أيام العشر قالوا: يا رسول الله ولا الجهاد في سبيل الله؟ قال: ولا الجهاد في سبيل الله إلا رجل خرج بنفسه وماله، فلم يرجع من ذلك بشيء). 

شايف أهل فلسطين متمرممطين إزي وبيجاهدوا وبيُقتلوا من قبل الخ"ناز$ير ال كانوا سبب في استشهاد النبي أيضًا نقدر نقول اجتهد الأيام دي علشان تتساوى معاهم في جهادهم، وحاول تصوم كام يوم في العشرة وليس عرفة فقط.

السؤال؟!! هو النبي شهيد وأُستشهد على يد ال.خناز$ير أيضًا طيب ازاي وهو اتوفى على فراشه... أكتبلي في التعليقات وصلت لإيه لكن متنساش تكبر.
الله أكبر، الله أكبر، الله أكبر ولله الحمد?.

#ديني_حياتي
#نقطة_نور

حد شاف مفتاح النجاح؟!

ياريت حد يعرفني عليه، عشان أنا زهقت من اللف والدوران! ?

بصوا، النجاح مش زي الفول السريع الجاهز اللي بتاخده من عربية الفول، تحطه في السندوتشات وبالهنا والشفا.

لا، دا زي الفول البلدي اللي لازم يتنقع من بالليل، ويتسلق، وتحط عليه الزيت والطحينة وتقلبه وتشوف هو عادب ولا لا وليلة كبيرة.

كذلك الحياة زي الفول البلدي، مفيش حاجة اسمها سر النجاح أو مفتاح النجاح بمجرد ما تضغط عليه توصل لهدفك.

يعني في طريقة تحضير الفول كل خطوة تعتبر نجاح.
لما نقعته دا نجاح، ولما حطيته على النار وقعدت تزود فيه مية دا نجاح، لحد ما توصل لطبق الفول في الآخر ودا النجاح الأكبر.

الخلاصة: أي حاجة بتاخد وقت وجهد عشان توصل ليها، ومفيش مفتاح سحري يقولك دا طريق الوصول.
كل واحد وليه طريق مختلف، وأنت ماشي في الطريق استمتع بالرحلة واصبر، عشان الراحة لا تُدرك بالراحة.

سلام! ✨

#كيف_تصبح_نينجا
#نقطه_نور