ک.د.ئازاد (شیعر)
ھەوالی پەروەردەی شاری کرکوک
https://instagram.com/kirkuk_star_
Last updated 1 Monat her
خۆشەویستی
تەنیا مەرگێکی شیرینە
کە بۆخۆت هەڵیدەبژێری
تا لە سەرخۆ
دوایی بێنی بە ژینی تۆ!
گەر
خۆشەویستی تۆ نەبێ
من
لەم شارە تاڵان‌کراوە
چیم دەوێ!
جوانی:
وەکوو یەکەم بەفری زستان
وەکوو شکۆی گەڵاڕێزان
وەکوو تاڤگەکەی بەهاران
وەکوو ڕێژنە و لێزمەی باران
وەکوو
ئازادی نیشتمان!
ئەوەی پاش تۆ
پێی نایە ناو پەرەستشگام
قەت نەیتوانی
مەلی هەستم دەستەمۆ کا و
چۆک دا بدا بە ئەندێشەم!
جیهانی من
وەکوو زوڵفەکانی تۆیە!
شنەبایەک
دەی‌شێوێنێ!
عاشقی تۆ بووم
تا بیر له خۆم نەکەمەوە!
دەست ڕاست و ئەنگێوەی باشم
بەڵام هەرگیز
لە نێوانی چەک و قەڵەم
چەکم نەکردۆتە سەروەر!
عەقڵ ئەڵێ:
خەم کەم بووە
ڕۆژگاری دووری لاچووە!
عەشق ئەڵێ:
بێچارە هێشتا
بۆ قەزاوەت زۆر زووە!
لە ناو ژنانی ئەم شارە
تەنیا یەکێکیان زۆر جوانە
ئەوانیتر شارۆمەندن!
بە قەد ڕێژەی ئەو کەسانەی
دەیانناسم
دەمامکم هەن
زۆر دڵتەنگم
بۆ ڕوخساری ڕەسەنی خۆم!
ھەوالی پەروەردەی شاری کرکوک
https://instagram.com/kirkuk_star_
Last updated 1 Monat her