#iqtibos
#Gozal_ornak

• Умар розияллоху анху ўз хутбасида шундай деди: «Ҳисоб-китоб қилинишингиздан олдин ўзин- гизни ҳисоб-китоб қилинг. (Амалларингиз тарози- да) тортилишидан олдин ўзингиз (уларни тарозида) тортинг. «Катта намойиш»га «безанинг», у Кунда: «Кўрикдан ўтасизлар, бирорта нарсангиз махфий колмайди» (Ҳаққо сураси, 18-оят). Ibn Muborak, Ibn Abu Shayba, Ibn Asokir o'z hadis to'plamlarida.

• Саъд ибн Ҳишом ибн Омирдан ривоят қилинади:
«Оишанинг ҳузурига келиб: «Эй мўминлар она- си! Менга Расулуллоҳ соллаллоҳу алайҳи васал- ламнинг хулқлари ҳақида хабар беринг», дедим. У: «У зотнинг хулклари Қуръон эди. Куръонни Аллох азза ва жалланинг «Ва албатта, сен буюк хулқда- сан», деган сўзини ўқимайсанми?» деди».
Ahmad rivoyat qilgan.

• Ibn Abbos r.a dan rivoyat qilinadi:
Rasululloh s.a.v aytdilar: "Besh narsadan oldin besh narsani g'animat bil: qarilikdan avval yoshligingni, bemorlikdan avval sog'ligingni, kambag'allikdan avval boyligingni, mashg'ul bo'lishdan avval bo'shligingni va o'limingdan oldin hayotingni".

• Uzoq qarab turish bilan savob yozilib turadigan uchta buyuk narsa: Mus'haf- Qur'oni Karim, Ka'bai muazzama, ota-onaning yuzidir.
Odinaxon Muhammad Sodiq. (Go'zal o'rnak.153)

3-guruh

Mo'mina Xoshimova

#taqriz
Assalomu alaykum rohmatullohi va barokatuh.
Bismillahir rohmanir rohiym

📚Kitob nomi:"Baxtiyor oila"
📝 Muallif :Shayx Muhammad Sodiq Muhammad Yusuf hazratlari.

Kitobni o'qigan har bir inson, ishonaman-ki juda ko'p manfaat va ilmlarni shakllantiradi. Shayx Muhammad Sodiq Muhammad Yusuf ushbu kitobni 2 oyda yozib tugatganlar. Qisqa muddat ichida bunday kitobni yozib  tugatish mashaqqatli, albatta. Kitobni o'quvchi inson ichidagi ma'no-mazmunlarini, hadis va oyatlarni bir o'qishda fahmlay olmasligi mumkin. Shayx hazratlarining kitobini qayta-qayta o'qisangiz, har bir takror o'qiganingizda yangi ilmlarni o'rganaverasiz. Bir marta o'qib tushuna olmay qolgan jumlalarni takror o'qishda tushunish ancha oson bo'ladi In shaa Alloh.
Kitobning asosiy mavzusi oilaga  qaratilgan. Islomda kishilarning nikohdan bo'lgan holda hayot kechirishlari afzal sanaladi. Insoniy aloqalar ichida eng muqaddasi nikoh aloqasidir. Barcha aloqalar o'z-o'zidan o'rnatilib va yuritilib ketaversa ham, nikoh aloqasi alohida e'tiborga sazovordir. Shuning uchun ham Alloh taoloning oxirgi va mukammal dini, barcha zamonlar va makonlarda insoniyatga ikki dunyo saodat yo'lini ko'rsatib beruvchi dini - Islom nikoh aloqasini insoniy aloqalar ichida eng e'tiborli va eng muqaddas aloqaga aylantirgan. Alloh taoloning roziligini istab, Nabiy sollallohu alayhi vasallamning sunnatiga ergashib oila qurmoqdaman deb niyat qilgan inson ibodatni ado etgan bo'ladi. Har bir inson kelajakdagi oilasi baxtli va saodatli, to'g'ri va halol yashashi uchun ushbu kitobni o'qishi lozim. Kitobdan olinadigan foydalar esa juda ko'p. Kitobda oiladagi har bir mavzularga alohida e'tibor qaratilgan. Jumladan, er va ayol huquqlari, burchlari, mahr masalasi, nikoh va yana bir qator mavzular keltirilgan.
Ushbu kitobning bugungi kundagi ahamiyat katta. Zero, saodatli oila qurmog'i uchun insonda bilim va ko'nikmalar bo'lishi darkor. Ushbu kitob asosan turmush qurish arafasidagi insonlar uchun  o'qilishi kerak bo'lgan muhim kitoblardan biridir.
Kitobda mahr masalasi ham keng  yoritilgan. Albatta bunda kuyov mahrni chin dildan berishi kerak. Shuningdek Alloh taolo Qur'oni Karimning "Niso" surasida quyidagicha marhamat qiladi:
"وءاتوا النسآ ء صدقتين نحلة "
"Ayollarga mahrlarni ko'ngildan chiqarib bering" (4-oyat)
Mahr berish farz hisoblanadi .Farz esa muhokama qilinmaydi.
Islomda to'y shariat ko'rsatmalari to'g'risida bo'lgani afzalligini kitobda ham o'qishimiz mumkin.
Shu o'rinda kitob haqida fikrlarimni bir hadis bilan yakunlasam.
Kitobdagi menga eng yoqqan   va har bir inson bu duoni  yodida saqlashi kerak bo'lgan asosiy duolardan biri quyidagicha :
Abu Hurayra roziyallohu anhudan rivoyat qilinadi:" Nabiy sollallohu alayhi vasallam qachon insonni uylangan paytida tabriklasalar, "Alloh senga muborak qilsin, baraka bersin va ikkingizning orangizni xayr ila jam qilsin", der edilar.
Shunday duo qilishimiz sunnatga muvofiq bo'ladi in shaa Alloh . Va yoshlarga qilingan eng afzal duo shu bo'lsa kerak.
Kitobni o'qish mobaynida undan olinadigan ilmlar  juda ko'p.Biz ularni barchasini ham keltirishga qurbimiz yetmaydi. Zero, kitobni o'qib chiqqan inson kelajakdagi oilasi bilan  saodatli yashashi uchun eng zarur ko'nikmalarni egallaydi!

✍ Afnan
24-guruh

Кутубхонамизда энг куп мутолаа килинган китоблардан бири Хазратимизнинг Бахтиер оила китоблари деб айта оламан.Хар бир эркак ва аел мукаммал оила булиб яшашлари учун ушбу китобни укиб амал килишлари максадга муофик булади.Хозирда куплаб таназзулга юз тутаетган оилаларнинг биргина муаммолари билимсизликдан деб уйлайман,эр хам Хотин хам уз бурч вазифаларини,мажбуриятларини билишмайди,оила хакида тушинчалари саез,етарли билимга эга эмаслар.
Вахоланки Оила жамиятнинг бир булагидир…Оила деб аталмиш мукаддас маконимизни асрашимиз Хазратимиз шайх Мухаммад Содик Мухаммад Юсуф рохимахуллохнинг бизларга колдирган ушбу илмий меьросларини урганиб амал килишимиз зарур…

Umida opa
1-guruh

#baxtiyor_oila

Hayotining so'nggi kunlarini xorlikda, zorlikda, quvg'inda yashab o'tgan ulug' muhaddisning vafoti bizlarga ham o'rnak, ham ibratdir. E'tiqodini, dinini, sunnatini aslo dunyoga, boylikka almashmadi. Shayton uni izdan chiqara olmaslikka ko'zi yetib, boshqa fitnachilar orqali gunohga botirishga harakat qildi. Lekin u shaytonni ham juda yaxshi tanir, nafsini ham jilovlay olgan shaxs edi. Asar oxiri qayg'uli yakunlansa-da, imomning vafotidan so'ng qabri tuprog'idan kelgan mushki anbar hidi, Faxri Koinotning (s.a.v) tushlarga kirib uni kitib olishlari, qabridan osmonga ko'tarilgan oppoq minoralar qalblarimizga taskin, orom va huzur, havas beradi. Asarni yakunlab, "Sahihi Buxoriy" ni albatta har bir juzini sotib olishni, Alloh qodir qilgancha o'qib o'rganishni niyat qildim. ?

#4_guruh
#Sohilsiz_dengiz
#Nodira_Akramova

Assalomu Aleykum va rohmatullohi va barokatuh Sohilsiz dengiz kitobini oʻqish mobaynida Abu Homid Gʻazzoliyning "Ilmga boringni bermasang u senga hech narsa bermaydi" hikmatining jonli guvohi boʻldik. Anchadan beri eshitishda oʻzimda ishtiyoq topa olmayotgan kitobimni irmoqlar loyihasi sabab eshitib chiqdim va yakunida nega avvalroq eshitmagan edim degan savollar ogʻushida qoldim va buning yakuni eng hayrli vaqt shu ekan xulosasi bilan yakunlandi. Asar har qanday inson xoh u dongʻi olamga yetgan olim boʻlsin, xoh u savdogar yoki tojir albatta,oʻ uning boshiga sinovlar kelishini nafaqat Imom Buxoriy balki Imomi Aʼzam Hanafiy, Imom Hanbaliy, Imom Shofeʼiy va Imom Molikiylar misolida keng yoritib berilgan va har qanday ilm yoʻliga kirib bu yoʻlda mashaqqat va jabr-sitam ostida qolgan tolibi ilm uchun oʻta goʻzal oʻrnak va himmatiga himmat qoʻshuvchi ibrat boʻlsa ajab emas,chunki buning misolini oʻzimda koʻrdim. Kitobda onalar uchun oʻta ajoyib ibrat yaʼni ona haqiqatda madrasa ekanligining namunasini Imom Buxoriyning onasi Fotima onamiz ajoyib tarzda oʻz hayotlari ila yashab butun ummat onalariga yana bir bor oʻrnak boʻlganlar va bu oʻrnak ummat onalari ichida eng goʻzal oʻrnak ekanligini biz Imom Buxoriyning kitoblari hali-hanuzgacha ummatimiz orasida Qurʼondan keyingi oʻrinda turuvchi eng ishonchli manba ekanligida koʻramiz.

P.s Fikrlar koʻp juda koʻpligidan jamlash qiyin boʻldi. Shu boisdan nafaqat har bir ona, tolibi ilm balki har bir ayol va qizlar hamma oʻqishi kerak boʻlgan kitob deb hisoblayman va albatta oʻqishni tavsiya qilaman.

To‘ychiyeva Farangiz
28-guruh

#Sohilsiz_dengiz

Ассалому алайкум кадрдонлар.Хаммаларинг сог саломатмисизлар Анчадан бери асарлар хакида мулохаза билдиролганим йук эди баьзи ишлар сабабли .Лекин сизларни чиройли фикрларингни кузатиб бораман.Мукаддас азоб ва Сохилсиз денгиз асарларини аудиосини эшитиб булдим. Таасуротларим чексиз Бухорий хакидаги бу асарни 2чи марта яна эшитдим Буюк олимимиздан Оллох рози булсин .Бундай олим инсонларни синови хам катта буларканСабрларига яраша мукофоти жуда чиройли Бу дунедаги бизга бидирилганри. Хамма хурмат билан хавас билан эслайди .Охиратдаги мукофотлари кандайлигини Аллох билгучи.

3-гурух

Чутиева Сайера

Сохилсиз денгиз

Assalamu alaykum Men ,,Irmoqlar" loyihasiga qòshilganimdan beri xar xil mavzudagi kitoblarni òqib,undagi voqealardan xulosalar olib kelmoqdaman.Kitobdagi voqelarni farzandlarim bilan birgalikda òqib,unga munosabat bildirish xonadoninizda odatga aylandi.Kitobni sòngi sahifalarini tugatib borar ekanmiz,farzandlarim ,,oyijon endi qaysi kitobni sotib olamiz"deyishlari odamni xursand qilyapti.Chunki, kitob dòkoniga borganimizda farzandlarim yoshiga mos bòlgan kitiblar sotib ola boshladik.,,Toma toma kòl bòlur"deganlaridek farzandlarimizdan xarakati va biz ota onalarning duolari va Allohning ijobati bilan olimlar,fozillar ,peshqadamlar ,ixtirochi ,kashfiyotchilar chiqishidan umidvormiz.Endi onalar uy yumushlaridan ortib,qòllariga kitib ola boshlashdi.Farzandlari esa ulardan ibrat oilshyapti.
Men ,,Irmoqlar"  bilan yana kòp yillar birgalikda kitob mutoala qilib,borishni xohlayman.Tashkilotchilarga òzimni samimiy minnatdorchiligimni bildiraman.

3-guruh
Mohira Alimova

#Madfun_Turkiston

Irmoqlar loyihasini yaxshi ko'rishimni sabablaridan biri, o'zim hech qachon sotib olib o'qish hayolimga kelmaydigan kitoblarni o'qishni tavsiya qiladi. Loyihada qatnashishimdan oldin faqat bir-ikkita janrdagi kitoblarni o'qirdim. Turli qarashlar, turli janrlardan bahramand bo'lganimdan xursandman. "Madfun Turkiston" 20 asr boshidagi Buxoro tarixini o'ziga hos usulda tasvirlab bergan. Orada chiroyli qilib bizning davrimizdagi holat ham qistirib ketilgan. Muallifning mahoratiga qoyil.

3-guruh
Nodira Yuldasheva

#Madfun_Turkiston

Hozirda òqiyotganimiz Shayx hazratlari rahimahullohning"Ijtimoiy odoblar" kitobi istalgan yosh va jinsdagi òzini komil musulmon bòlishiga intilayotgan insonga yòlchiroq bòlib xizmat qiladi deb bemalol ayta olamiz, chunki kitob qamrab olmagan soha deyarli yòq menimcha. Istardimki, uni har bir musulmon òqibgina qolmay, tòla tòkis amal qilishga harakat qilsa. Shunda hozirda  jamiyatimizda urchib borayotgan va insonlarni òylantirayotgan masalalar osongina òz yechimini topgan bòlardi. Bundan tashqari, kitoblarni òqib borar ekanman, òzimdagi qusurlarni kòra bilishni, ularga yechim topishni, shuningdek hali òrganishim kerak bòlgan narsalar oldinda ekanini anglayapman.

#Ijtimoiy_odoblar
#33_guruh

Davlatova Hilola

Хар бир ибратли хикоянинг узи бир олам маърифат ургатар экан.Масалан,асалли нон учун буйнига аркон солинган бола вокеаси: бу дунё ва ундаги нарсалар учун кайгуриш ,киши узини сиртмокка солишга олиб боришини курсатаябди.Бу хикоядан инсоннинг асосий ташвиши охират булмоги,бу дунё учун эса ортикча гам чекмаслик керак экан ,деб тушундим.Баъзи хикоялардан дуонинг фазилатларини билиб олдим,уша дуоларни ёзиб хам олдим.Имом Моликнинг хатларидан илни ёйиш хам афзал ибодатлардан эканлигини билдим.Солиха аёл хикояси,хакикий пардоз хикояларининг узигагина амал кила олиш биз аёлларга тугри йул була олади,деб уйлайман.

#1_guruh
#Solihlar_gulshani
#Sojida_opa