Молитва князю Александру Невскому, в схиме Алексию

Ско‌рый помо‌щниче всех усе‌рдно к тебе‌ прибега‌ющих и те‌плый наш пред Го‌сподем предста‌телю, святы‌й благове‌рный кня‌же Алекса‌ндре! При‌зри ми‌лостивно на ны недосто‌йныя мно‌гими беззако‌нии непотре‌бны себе‌ сотво‌ршия, к ра‌це моще‌й твои‌х (или: иконе твоей) ны‌не притека‌ющия и из глубины‌ се‌рдца тебе‌ взыва‌ющия: ты в житии‌ свое‌м ревни‌тель и защи‌тник правосла‌вныя ве‌ры был еси‌, и нас в ней те‌плыми твои‌ми моли‌твами непоколеби‌мы утверди‌. Ты вели‌кое, возло‌женное на тя служе‌ние тща‌тельно проходи‌л еси‌, и нас твое‌ю по‌мощию пребыва‌ти коего‌ждо, в не‌йже призва‌н есть, наста‌ви. Ты, победи‌в полки‌ супоста‌тов, от преде‌лов Росси‌йских отгна‌л еси‌, и на нас ополча‌ющихся всех ви‌димых и неви‌димых враго‌в низложи‌. Ты, оста‌вив тле‌нный вене‌ц ца‌рства земна‌го, избра‌л еси‌ безмо‌лвное житие‌, и ны‌не пра‌ведно венце‌м нетле‌нным уве‌нчанный, на Небесе‌х ца‌рствуеши, хода‌тайствуй и нам, смире‌нно мо‌лим тя, житие‌ ти‌хое и безмяте‌жное и к ве‌чному Ца‌рствию ше‌ствие неукло‌нное твои‌м предста‌тельством устро‌й нам. Предстоя‌ же со все‌ми святы‌ми Престо‌лу Бо‌жию, моли‌ся о всех правосла‌вных христиа‌нах, да сохрани‌т их Госпо‌дь Бог Свое‌ю благода‌тию в ми‌ре, здра‌вии, и благоде‌нствии, и вся‌ком благополу‌чии в до‌лжайшая ле‌та, да и при‌сно сла‌вим и благослови‌м Бо‌га, в Тро‌ице Святе‌й сла‌вимаго Отца‌, и Сы‌на, и Свята‌го Ду‌ха, ны‌не и при‌сно и во ве‌ки веко‌в. Ами‌нь.

https://t.me/pravoslavieVtelege/21400

Молитва благоверному князю Михаилу, Тверскому чудотворцу

Ди‌вный во страда‌льцех святы‌й благове‌рный вели‌кий кня‌же Михаи‌ле! Ве‌лия по‌двиги и труды‌ твоя‌, я‌же за правове‌рие, за Це‌рковь Бо‌жию и за оте‌чество твое‌ град Тверь положи‌л еси‌. Ты, возжела‌в вы‌шних, оста‌вил еси‌ тле‌нную сла‌ву земну‌ю, и ревну‌я подви‌жником Христо‌вым, до‌блественно противуста‌л еси‌ я‌рости царя‌ нечести‌ваго и преще‌нию зломы‌шленнаго его‌ воево‌ды. Ты, прие‌м непра‌ведное осужде‌ние и заколе‌ние, восприя‌л еси‌ Небе‌сное Ца‌рствие, и кро‌вными ка‌плями, я‌ко пречу‌дным ка‌менем, украси‌в на главе‌ свое‌й вене‌ц, предстои‌ши ны‌не на Небесе‌х Престо‌лу всех Влады‌ки с ли‌ки А‌нгел и со все‌ми святы‌ми Его‌. Сего‌ ра‌ди, притека‌юще к ра‌це моще‌й твои‌х, лобыза‌ем о‌ныя серде‌чными устна‌ми и уми‌льно к тебе‌ взыва‌ем: о тезоимени‌те небе‌сному воево‌де вы‌шних сил, вели‌кий кня‌же Михаи‌ле! Моли‌ся непреста‌нно Христу‌ Бо‌гу за град твой, за лю‌ди и за вся правосла‌вныя христиа‌ны. Бу‌ди спобо‌рник кре‌пок на враго‌в правосла‌вия Це‌ркви Христо‌вой. Бу‌ди и нам помо‌щник улучи‌ти вся, к по‌льзе на‌шей и ко спасе‌нию благопотре‌бная, охраня‌й нас от искуше‌ний и напа‌стей, приходя‌щих во вре‌менней жи‌зни, и не лиши‌ нас хода‌тайства твоего‌ ко Христу‌ Бо‌гу, во е‌же получи‌ти нам прегреше‌ний проще‌ние и сподо‌битися Небе‌снаго селе‌ния со избра‌нными Его‌, я‌ко да и в сем сла‌вится пречестно‌е и великоле‌пое и‌мя Его‌ во ве‌ки. Ами‌нь.

Прп.Пимен Великий и современная культура общенияСегодня память прп. Пимена Великого.

У преподобного Пимена некий брат спросил: "Что, если я вижу человека, который согрешает? Стоит ли обличить его и направить на путь истинный? Или умолчать, и покрыть его грех?"

Пимен ответил: «Умолчать и покрыть его грех, потому что, если ты покроешь грех ближнего, Бог покроет твои грехи».

«Хорошо, – не отставал брат, – а если Бог спросит тебя на страшном суде, как это ты, видя согрешающего, не обличил его и не направил на путь истинный?»

Пимен отвечал: «А я скажу Господу: "Господи, ты сказал: «вынь прежде бревно из твоего глаза, а потом узнаешь, как вынуть сучок из глаза ближнего". Вот, Господи, я исполнил Твое Евангелие"".

Если переводить на современный язык посыл преподобного Пимена, можно так сказать: "Не лечи, коль сам нездоров; не лезь советовать, если тебя не спрашивали".

И, самое главное, обличающих и наставляющих на путь истинный всегда будет много. А тех, кто покроет грех человека молчанием и молитвой за него, будет всегда меньше.

Мы ж просто знаем про любую ситуацию, как надо правильно?

Понятно, что есть разные обстоятельства. Например, модель взаимоотношений «отец–сын» или «начальник–подчиненный». Там надо разбирать, кто прав/неправ, выносить суд и тд.

Но в целом, как принцип, правило св.Пимена есть чистое христианство.

Вопрос, как соблюдать этот принцип в современной культуре интернет-общения, когда то или иное явление выносится на широкое обсуждение. Скорее всего, невозможно. Если в этих обсуждениях участвовать.

Как считаете?

Го́споди Святы́й, в Вы́шних Живы́й, и всеви́дяшим Твои́м о́ком призира́яй на всю тварь, Тебе́ приклоня́ем вы́ю души́ и телесе́, и Тебе́ мо́лимся, Святы́й святы́х: простри́ ру́ку Твою́ неви́димую от свята́го жили́ща Твоего́, и благослови́ вся ны, и прости́ нам вся́кое согреше́ние, во́льное же и нево́льное, сло́вом или́ де́лом. Да́руй нам, Го́споди, умиле́ние, да́руй сле́зы духо́вныя от души́, во очище́ние мно́гих на́ших грехо́в, да́руй ве́лию Твою́ ми́лость на мир Твой и на ны недосто́йныя рабы́ Твоя́. Яко благослове́но и препросла́влено есть и́мя Твое́, Отца́ и Сы́на и Свята́го Ду́ха, ны́не и при́сно, и во ве́ки веко́в. Аминь.

https://t.me/pravoslavieVtelege/19309

Telegram

Священник Владислав Береговой

Друзья, тут меня очень просят помощь малышу на реабилитацию. Историю мне прислали вот такую: Слепов Михаил Михайлович. Возраст: 3 года. Диагноз: врождённый порок развития головного мозга: дисгенезия мозолистого тела, резидуальная энцефалопатия. Ребёнок нуждается…

Влады́ко Го́споди Вседержи́телю и Тво́рче всех, щедро́т Отец, и ми́лости Бог, от земли́ Созда́вый челове́ка, и показа́вый его́ по о́бразу Твоему́ и по подо́бию, да и тем просла́вится великоле́пое имя Твое́ на земли́, и исто́ргнена у́бо преступле́нием Твои́х за́поведей, па́ки на лу́чшее возсозда́вый его́ во Христе́ Твое́м, и возведы́й на Небеса́: благодарю́ Тя, я́ко умно́жил еси́ на мне вели́чие Твое́, и не пре́дал мя еси́ враго́м мои́м в коне́ц, исто́ргнути мя и́щущым в про́пасть а́дову, ниже́ оста́вил мя еси́ поги́бнути со беззако́нии мои́ми. Ны́не у́бо, Многоми́лостиве и Любобла́же Го́споди, не хотя́й сме́рти гре́шнаго, но обраще́ния ожида́яй, и прие́мляй: и́же низве́рженныя исправля́яй, сокруше́нныя исцеля́яй, обрати́ и мене́ к покая́нию, и низве́рженнаго испра́ви, и сокруше́ннаго исцели́: помяни́ Твоя́ щедро́ты, и я́же от ве́ка Твою́ непостижи́мую бла́гость и моя́ безме́рная забу́ди беззако́ния, я́же де́лом и сло́вом, и мы́слию соверши́х: разреши́ ослепле́ние се́рдца моего́, и даждь ми сле́зы умиле́ния на очище́ние скве́рны мы́сли моея́. Услы́ши, Го́споди, вонми́, Человеколю́бче, очи́сти, Благоутро́бне, и от мучи́тельства во мне ца́рствующих страсте́й окая́нную мою́ ду́шу свободи́. И не ктому́ да содержи́т мя грех, ниже́ да возмо́жет на мя бори́тель де́мон, ниже́ к своему́ хоте́нию да веде́т мя, но держа́вною Твое́ю руко́ю, его́ влады́чества исхи́тивый мя, Ты ца́рствуй во мне, Благи́й и Человеколюби́вый Го́споди, и всего́ Твоего́ бы́ти, и жи́ти мне про́чее по Твое́й благоволи́ во́ли. И пода́ждь ми неизрече́нною бла́гостию се́рдца очище́ние, уст хране́ние, правоту́ дея́ний, мудрова́ние смире́нное, мир помысло́в, тишину́ душе́вных мои́х сил, ра́дость духо́вную, любо́вь и́стинную, долготерпе́ние, бла́гость, кро́тость, ве́ру нелицеме́рну, воздержа́ние обдержа́тельное, и всех мя благи́х плодо́в испо́лни, дарова́нием Свято́го Твоего́ Ду́ха. И не возведи́ мене́ в преполове́ние, дний мои́х, ниже́ неиспра́влену и негото́ву ду́шу мою́ восхи́тиши, но соверши́ мя Твои́м соверше́нством, и та́ко мя настоя́щаго жити́я изведи́, я́ко да невозбра́нно проше́д нача́ла и вла́сти тьмы́, Твое́ю благода́тию узрю́ и аз непристу́пныя Твоея́ сла́вы добро́ту неизрече́нную, со все́ми святы́ми Твои́ми, в ни́хже освяти́ся, и просла́вися всечестно́е и великоле́пое и́мя Твое́, Отца и Сы́на и Свята́го Ду́ха, ны́не и при́сно, и во ве́ки веко́в. Ами́нь.

Молитва Пресвятой Богородице перед иконою «Донская»

О Всеми́лостивая Ма́ти, Пречи́стая Де́во Богоро́дице! Услы́ши и приими́ моле́ние мое́. При́зри на я́звы души́ и те́ла моего́, греси́ ю́ности, забве́ннии и утае́ннии, отягча́ют со́весть мою́, омы́й мя струя́ми сле́зными, сними́ бре́мя тя́жкое, укрепи́ мя, да сотворю́ плоды́ досто́йныя покая́ния. Те́рнием скорбе́й усы́пан есть путь мой. Вем, я́ко пра́вда Бо́жия нака́жет мя, умоли́ милосе́рдие Бо́жие о мне. При́зри на стена́ние мое́, и испра́ви путь мой, и спаси́ мя и ча́да и бли́жния моя́. Бу́ди ми сокро́вище ве́ры и Храни́тельница благоче́стия. Да́руй несокруши́мое терпе́ние в беда́х, от ве́ры проистека́ющее. Изгони́ гнев, за́висть, уны́ние, памятозло́бие, нечистоту́, ле́ность; си́ми и бо́льшими поро́ки неду́гует душа́ моя́! Примири́ вражду́ющих, оправда́й оклеве́танных, просвети́ нас, Влады́чице, све́том Сы́на Своего́ и да́ждь нам глаго́лати друго́м и ча́дом свои́м сло́во и́стины, тве́рдое в пра́вде, ми́рное любве́ ра́ди, растворе́нное благоразу́мием, посети́ в боле́знех и печа́лех су́щих, да вси, под держа́вным покро́вом Твои́м сохраня́еми, безбе́дно Ца́рствия Небе́снаго дости́гнем, хвалу́ воздаю́ще за вся Человеколю́бцу Бо́гу всегда́, ны́не и при́сно и во ве́ки веко́в. Ами́нь

Молитва Пресвятой Богородице пред иконой «Свенская»

О, Пресвята́я и Пренепоро́чная Де́во Богоро́дице, на́ша Све́нская похвало́ и украше́ние, держа́вный покро́ве свята́го ме́ста сего́, и́стинная Влады́чице избра́ннаго уде́ла Своего́. Приими́ нас, недосто́йных рабо́в Твои́х (имена), убо́гое моле́ние, с ве́рою и любо́вию принося́щих пред чу́дным о́бразом Твои́м, да посети́ши ми́лостивно грехо́вное житие́ на́ше, просвеща́ющи его́ све́том покая́ния, осени́ нас, обремене́нных скорбьми́ мно́гими, Твое́ю Небе́сною ра́достию, сподо́би нас при́сно сла́вити Тя в ми́ре и благоче́стии на ме́сте святе́м сем, да, без поро́ка преше́дше путь жития́ на́шего, по́мощию Твое́ю дости́гнем ве́чнаго весе́лия во све́тлости святы́х и преподобных оте́ц на́ших Кукши, Олега и Поликарпа Брянских и всех угодников Божиих, и еди́ными усты́ и се́рдцы воспои́м Тя с Предве́чным Сы́ном Твои́м и Безнача́льным Его́ Отце́м и Пресвяты́м, Животворя́щим, Всеблаги́м и Единосу́щным Его́ Ду́хом во ве́ки веко́в. Ами́нь

Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мя. Влады́ко Го́споди Иису́се Христе́, Сы́не Бо́га Жива́го, поми́луй мя, гре́шнаго, ни́щаго, обнаже́ннаго, лени́ваго, неради́ваго, прекосло́внаго, окая́ннаго, блудника́, прелюбоде́я, малаки́я, мужело́жника, скве́рнаго, блу́днаго, неблагода́рнаго, неми́лостиваго, жесто́каго, пия́ницу, сожже́ннаго со́вестию, безли́чнаго, бездерзнове́ннаго, безотве́тнаго, недосто́йнаго Твоего́ человеколю́бия, и досто́йна вся́каго муче́ния, и гее́нны, и му́ки. И не ра́ди мно́жества толи́ких мои́х согреше́ний мно́жеству подложи́ши, изба́вителю, мук; но поми́луй мя, я́ко не́мощен есмь, и душе́ю, и пло́тию, и ра́зумом, и помышле́нием, и и́миже ве́си судьба́ми спаси́ мя, недосто́йнаго раба́ Твоего́, моли́твами Пречи́стыя Влады́чицы на́шея Богоро́дицы, и всех святы́х, от ве́ка Тебе́ благоуго́ждших: я́ко благослове́н еси́ во ве́ки веко́в. Аминь.