ترا شرهة اللي لا جماله ولا معروف
‏مثل منّة اللي ماعطى شي من جيبه .

علوم الحيا والناس تاصل بدون وصاه
‏هذا حادرٍ وادي ، وذا صاعدٍ قمه

‏عسى اللي لسانه بالسوالف غلب يمناه
‏فدى من يشاف بكل ميقاف ومهمه

‏وعسى اللي يمينه ماتجرّى على مخباه
‏فدى من يمونون الجماعه على دمه

‏ضعيف الروابع قولت ونعم ماتزهاه
‏لو إنه يسوم ويشتري بايع الذمه

صباح الخير ،، أما بعد :

‏جعلنا لا بيّنت شمس الصباح المستنيرة
‏يتداول ذكرنا بـ الطيب والفعل المشرّف .

سرا اللي شبوحه من ورا البارق الرعاد
‏لو البارق الرعاد .. يغريه و يغره

‏يجي الفرق مابين الرياجيل فـ الميراد
‏حدن يتبع الجره و آحد يصنع الجره

‏ترا أحياناً ضعيف الروابع حفيد أسياد
‏يجي من ظهر حر و يجي من بطن حره

‏لا كثرو معاديني أنا أستاهل الحساد
‏لو أفشل '' ما عين لي معادين بالمره ''

‏يابنت احتريني كل ليله علئ الميعاد
‏طريق الوصل ما دامني حي بـ أمره

‏تفاصيلك أبدع من .. ثلاثية الأبعاد
‏و عيونك تقول أنها من الوسع منجره

‏تمادا علي الوقت و أنا وريث شداد
‏ومديت لي قلبً لو أموت ما أضره

‏علئ ' حلوه ومره ' لقيتك ذرا وسناد
‏معني مقصر فيك في ' حلوه ومره '

‏تحريت مشروهك يجيني ولا الله راد
‏و رميت الجهاز بـ ذكرياته و بصوره

‏ لا زاد المعاتب قل جرحك وقدرك زاد
‏'' سكوتك اشد من العتاب بمية مره ''

- علي حامد

شرع باب المعاتب بدون مقدمات
‏واطلق ماكان في صدرك اطلاق سجنا

‏حاصرني بالتشره من الاربع جهات
‏انت المشروه منك مثل رد الثنا

‏اعتذر لك عن غيابٍ بدون مبررات
‏لو ما بالقلب خالي ولا الصدر دهنا

‏صح ماودي بهجرك لو يطول السكات
‏بس ماودي بوصلك وأنا مانيب أنا .

لا تواخذ من يحبك بـ دمٍ حار
‏دامك اغلى من عيونه ومن روحه

‏اللي حتى من انسام الهبوب يغار
‏فكرة ان فيه غيره ليه مطروحه !؟

- قرينيس .

ذكرتك تحت قمرا في ديارٍ مابها طرياك
‏ولمح بالذاكره وجهك عسى الأيام تاتي به .

لا تصدق من يقول السيف عزّه من نصابه
‏علّقه ولا إحذفه فالقاع ويعوّد حديده

‏من جعل حق البعيد أهّم من حق القرابه
‏كنّه اللي يجعل العادات أهّم من العقيده

‏تجبره الأيام لآدارت على حضرة جنابه
‏لين يرضى بالأمور اللي بعضها ما تفيده .

اترك اللي مايعيي ونفسه ماتشين
‏دور اللي كل ماشاف له منكر ضجر

‏- علي ال صبيح

والله ان يبطي وحبه ورى حدب الضلوع
‏العرب غيره طراقي وهو راعي محل .