❗️ Ҳурматли “Томчи” муҳлислари ҳозирги кундаги совуқ кунларда сал бўлса ҳам сизларни қизиқтириш мақссадида “Ҳар соҳадан бир шингил” рукни остида турли соҳаларга оид саволлар викторинасини ўтказишга қарор қилдик.
Викторинамиз аввалгидай янги билимларни ўзлаштиришга қаратилган. 🧑‍🎓

Ўзбекистонда сув ресурсларини бошқариш тизимини такомиллаштириш ишлари давом этмоқда

Айни шу пайтда. Ягона сув балансини юритиш тартиби лойиҳаси муҳокамасига бағишланган давра суҳбати бўлиб ўтмоқда. Тадбир Сув хўжалиги вазирлиги томонидан Ўзбекистонда сув ресурсларини бошқариш миллий лойиҳаси билан ҳамкорликда ташкил этилган. Ушбу тадбир сувдан фойдаланиш самарадорлиги, шаффофлиги ва барқарорлигини оширишга қаратилган янги сув хўжалиги тизимини жорий этиш доирасида ташкил этилди.

Давра суҳбатида Сув хўжалиги вазирлиги, Қишлоқ хўжалиги вазирлиги, Қурилиш ва уй-жой коммунал хизмат кўрсатиш вазирлиги, Кон ва геология вазирлиги, шунингдек Гидрометеорология хизмати агентлиги вакиллари иштирок этдилар.
“Амударё” ва “Сирдарё” ҳавза сув хўжалиги бирлашмалари, шунингдек, ирригация тизимлари ҳавза бошқармалари Сув хўжалиги ташкилотлари вакилларини сифатида қатнашдилар.

Давра суҳбатида Ягона сув балансини юритиш тартиби лойиҳасини ишлаб чиқиш бўйича тадбирлар муҳокама қилинди. Ўзбекистонда сув ресурсларини бошқариш миллий лойиҳасининг халқаро маслаҳатчиси давра суҳбати иштирокчиларини ягона сув балансини юритиш бўйича халқаро тажрибаси билан таништирди.
Тадбир якунида Ягона сув балансини юритиш тартиби лойиҳасини ишлаб чиқишнинг кейинги босқичлари муҳокама қилинди ва келишиб олинди.

Ўзбекистон Республикаси Президентининг 05.07.2024 йилдаги ПФ-74-сон қарорига мувофиқ, Сув хўжалиги вазирлиги барча манбалар бўйича ягона сув балансини юритади, шунингдек, сув ресурсларини ташкил этиш ва сақлаш бўйича ишларни мувофиқлаштиради. Шу кунларда Сув хўжалиги вазирлиги томонидан мамлакатимизда сув хавфсизлигини таъминлаш, сув ресурсларини бошқаришнинг шаффоф тизимини ўрнатиш ва рақамли технологиялардан фойдаланган ҳолда сув ҳисобини юритиш бўйича комплекс ишлар амалга оширилмоқда. Ушбу давра суҳбати шу турдаги тадбирларга ҳам тегишли.

Ўзбекистонда сув ресурсларини бошқариш миллий лойиҳаси (ЎСРБМЛ) Ўзбекистон Республикаси Сув хўжалиги вазирлиги ва сувчилар мактаби ҳамкорликда “Сувга солиқ солишнинг ҳуқуқий ва амалий жиҳатлари” мавзусида тренинг ўтказилиб келинмоқда. Ўзбекистон Республикаси Сув хўжалиги вазирлигининг қуйи бўғини ҳисобланган “Сув етказиб бериш хизмати” давлат муассасаси ҳодимларини сув солиғи бўйича 2 кунлик дарслар zoom платформасида вилоятлар кесимида ўтказилмоқда.

Бугунги кунга қадар Тошкент, Андижон, Бухоро, Жиззаҳ, Қашқадарё, Навоий, Наманган, Самарқанд, Сурхондарё ҳамда Сирдарё вилоятлари ўқитилди. Ўтказилган ўқув тренингларда 238 навардан ортиқ ҳодимлар иштирик этди.

Тренингнинг биринчи кунида сув солиғи бўйича бошланғич билимларини аниқлаш учун тест олинди. Тренинглар қуйидаги мавзуларда олиб борилди:
1 - сув солиғига кириш: таъриф, мақсад ва тамойиллар,
2 - сув солиғининг меъёрий – ҳуқуқий базаси,
3 - сув солиғини ҳисоблаш ва ундириш механизми,
4 - давлат сув солиғи бўйича имтиёзлар,
5 - сув солиғи ҳисоби ва бухгалтерия ҳисоботи.

Тренинг сўнги кунида яна қайтадан тест саволлари ишлади ва тренингни бахолаш ҳамда таклиф мулохазаларини келтириб ўтди. Биринчи кунги тест натижаларида 50-54 % тўғри жавобни топсалар, иккинчи кунги якунловчи тестда 87-95 % жавобларни топди.👇👇👇👇👇👇👇