الابوذيات لصاحب الزمان
~

الهي بالكســــر عبـاس ظهره 
للعالم فـــــــرج مولاي ظهره
يصلي بكربله الموعود ظهره
بعد ماياخـــــــذ بثار الزچیه

✍..

عله بيرك امــد الحبل ودلاي
يالموعود فد مكتوب ودلاي
گلبك لون بيه اشواي ودلاي
اسجد شـــــاكر الرب البريه

...

بغياب المهدي حيلي انهدم وانحال
وسؤالي ما لگـــاله اجواب وانحال
ارزقــــــــني يرب رؤيــــاه وانحال
بيني وبينه مـــــــــــــوتي والمنيه
..

گلبـي ماهـــــوه غيرك ولا لاذ
وابد مازلف عن دربك  ولا لاذ
عيشي مُــر بعد عينك ولا لاذ
يمهدي وفــرگتك صعبه عليه

✍...

دعاء العهــــــد اقراله وندبه
واذكره بكل فرض انه وندبه
مثل خــد الورد خدي وندبه
انوحـــن والمفارگ طال بيه

...

نطرت المنتظر بحظان مهدي
ارضعت حب الولايه وعشگ مهدي
دعائي بالفرج ياناس مُهدي
الحب  ابن الحسن راعي القضيه
~

بصفاتك تشبه الهادي وعينن
الليالي سهـام صـابنك وعنن
ربي ايكون الك ناصر وعينن
ويعجل كــون بالطلعه البهيه

✍

امناطر يومك واحسب وعدلك
متى يتــحــقق من الله وعد لك
بأمانك تـــــــنـعم الوادم وعدلك
امان الله وجودك للبريه

حيدر بشار الدراجي

حسين وگمر عدنان... عدنان..

بيهم كشخ شعبان... شعبان

ايامكم سعيده سعيده سعيده
والمهدي نريده نريده نريده

★★★★★★★★★★★★

هليله الحسين انولد غطه السمه ابنورة
وزين العباد اويالگمر ضووا المعمورة
هلهلت ليله من الفرح والدنيا مسرورة
من عطر الاكبر وزعي يانسمه مشكورة

والگلب.... ذاب اعله طاريهم
بالنفس... هيچ انه شاريهــم

وبهالعشگ ولهان ولهان....

بيهم كشخ شعبان... شعبان

ايامكم سعيده سعيده سعيده
والمهدي نريده نريده نريده

★★★★★★★★★★★★

بضعت محمد ياخلگ بحسين فرحانه

وليش السبط من انولد هم شفته ذبلانه

عباس كلش يحترم من تگعد اخوانه

قدم حسين ابمولده وقدمله ذرعانه

مستحي..... مايعبر احسينه

وبت علي... باسته من عينه

حته الگمر خجلان... خجلان

بيهم كشخ شعبان... شعبان

ايامكم سعيده سعيده سعيده
والمهدي نريده نريده نريده

★★★★★★★★★★★★

نزلت نجوم البلسمه والفرح غاطيها

وبنور الحسين امتلت كربله ومابيها

زين العباد ابمولده هل موته يحيها

وهاي الكرامه والشرف عباس راعيها

والورد.... طش النده ابخده

چي علي... طالع على جده

يتفاخر المرجان... مرجان...

بيهم كشخ شعبان... شعبان

ايامكم سعيده سعيده سعيده
والمهدي نريده نريده نريده

★★★★★★★★★★★★

15 شعبان اقترب فرحانه الولايه

المهدي تبين طلعته وبجفوفه الرايه

هليله نرجس تبستم من تنزل الأيه

قد جائه نور المنظر ونحقق الغايه

والفرج.... گربت مواعيده

المنتظر.... هاي السمه بيده

حته النهر عطشان..  عطشان...

بيهم كشخ شعبان... شعبان

ايامكم سعيده سعيده سعيده
والمهدي نريده نريده نريده

ـــــــــــــــــــــــــــــــــــــــــــــــــــــ

ماجد حبيب الخيگاني
ونسالكم الدعاء

......

في رحاب اهل البيت عليهم السلام
(طور افراح اوسرور لباسم الكربلائي)
......
مولود للامام الحسين عليه السلام

.......
ثالث ابشعبان فرحه اوهلاهل
عنبر اوريحان فرحه اوهلاهل
امنوره الاكوان فرحه اوهلاهل
اليوم بيه فرحنه
اليوم هل سعدنه
........
يا سر الوجود يا سعد السعود يا عنبر اوعود     الجنه ريحتك
ابمحكم التنزيل خادمك جبريل للعلم تأويل      جنه حضرتك
يبن حيدر علي اونعم الولي خادم ابابك
منك طلبتي اترد لهفتي اتجاوب احبابك
.اليوم بيه فرحنه اليوم هل سعدنه
.......
يبن المصطفه اوتاج المعرفه حبك بيه شفه   يبن الزجيه
انته سيدي  ذخري اوسندي اوحبي السرمدي واجمل هديه
انته نعمتي ياسيدي اعليك اعتمادي
دنيه او اخره اومهما جره الكم ودادي
اليوم بيه فرحنه اليوم هل سعدنه
......
يا فرحة كلب يكتبها المحب بدموعه  التصب   حته ابمولدك
اسمك يالحبيب  للعله طبيب  ويطفي اللهيب ابگلب اليكصدك
يا جنة عدن بيها سكن  بظلالها دليلي
يا فرحتي في دنيتي اويا هوه العليلي
اليوم بيه فرحنه اليوم هل  سعدنه
.......
يا سر الكمال يا معنى الجمال يا حلو الخصال  سليل الانبياء
رمز التضحيات يا حلو الصفات يبن الطاهرات  يارمز الاباء
انته غايتي يا فرحتي وانته حبيبي
الروحي سكن وكت المحن ياهوه اعذيبي
اليوم بيه فرحنه   اليوم هل سعدنه
.......
يا بدر التمام ابن خير الانام يامعنى السلام امامي اواملي
فرحانه السمه اتهني فاطمه اوحماي الحمه ابمولود الولي
يا فرحة عمر بيك انتشر فواح عطره
محبوبي انولد وانه استود منه البشره
اليوم بيه فرحنه اليوم هل سعدنه
...........
فرحانه العيون  مليانه الجفون اشكال وفنون افراح اومسره
مسروره الروح وبحبك تبوح ماظلت اجروح بمحبتك تبره
حبك دوه اوبيه الشفه  اوتشفعلنه
حبك فرض يوم العرض ندخل الجنه
اليوم بيه فرحنه اليوم هل سعدنه
.......
الحاجة ام احسان الخاقاني
17نيسان2018
لطفا لا تحذف اسم الشاعرة

الى فراق للاحبة

خلتني محتار ياوحشة الدار
وليل الصبح صار ياوحشة الدار
★★★★★
كل يوم ماخذلي محب
وياي بسك يادرب
يلماخذ احبابي غصب
وارماد سويت الگلب
اليادار اتعنه واطب
اذكرهم ودمعي يصب
بنص الگلب نار ياوحشة الدار
★★★★★
أشدلَّاك ياموت وصرت
يم داري واگف تلتفت
أحبابي بيهم غربت
لوغيرهم محد شفت
اعزاز عندي ماگلت
من جيتني وبيهم رحت
من كل الاكتار ياوحشة الدار
★★★★★
كل يوم هادملي ركن
ياموت مابيه حزن
يصير العمر كله اون
بالغربه گلبي ممتحن
مكسور كسرات الغصن
يكتلني شوگي من أحن
مامنهم أخبار ياوحشة الدار
★★★★★
ياوكت دلالي انكسر
فارگ گمر بعد الگمر
شخلت ابدلالي الصور
جرح بجرح ميت اثر
الشجره اشنفعها ابلاثمر
وبلاضوه شنفع النظر
بس ذكره واثار ياوحشة الدار

الشاعر حسن لعيبي الحريشاوي

★يالتخدم انه حسينك★

يالتخدم انه حسينك
باچر تنظر بعينك ... من أگللك تعال
كضيت العمر خادم
يعني بهالوكت لازم ... تدلل دلال

دوم محزم وتخدم اشوفك
تخدم مادرت بال لظروفك
شلون تريد اهدنهن جفوفك
اعوف الدنيا كلها ومااعوفك
اعرف انت تخدمني
ومارايد اجر مني ... ولارايد ثواب
لكن تعرف بطبعي
خدامي تحت درعي ... ميمسهم عذاب

غيرك بالشتا يم اهله دافي
وانته بموكبك تخدمني حافي
گالولك تعبت هوايه كافي
گلت الهم وقت رايد اضافي
لومر زاير گبالك
تاخذ لگمة عيالك ... وتقدمله زاد
يل سموك مجنوني
باجر انت بعيوني ... لوصار المعاد

محرم من يمرك تنسى بيتك
غافي بموكبك ياما لگيتك
تگلي حسين عفت اهلي واجيتك
اريد اخدم يبو اليمه نخيتك
تخدم صبحك وليلك
لو شفته تعب حيلك ... تخدم من جلوس
باچر گلي من مثلك
سكان السمه لاجلك ... تحنيها الرؤوس

شكم مره بدعائك انت تهمس
ربي ارجوك لتخليني ايس
وفقني يربي بموكب اكنس
مدري بياشعور بخدمتي تحس
گالولك صدك شتحس
بالموكب لمن تكنس ... گلت الهم امير
تراب الموكب بجسمك
معقوله يصير اسمك ... وي اهل السعير

عزيز النفس يم غيري وعنودي
وتطخ الراس للناس علمودي
يل اصبح وجودك من وجودي
ترى بيوم القيامه تشوف زودي
حسينك باچر تعرفه
يوكف بالحشر وكفه ... كدام الجميع
يضيع اليخدم الوادم
بس عندي انه الخادم ... ماممكن يضيع

★الشاعر حسين طالب السماوي★

#خدمة_الحسين

استشهاد الزهراء ع

إدعيلي  .. يزهراء
شفعيلي .. يزهراء

للمجلس تعنيت وعيوني جريه
ضايع يم الحسين لزميهن اديه
شغلت فكري دنياي والتمت عليه
غيرچ مالي والله من تلفي المنيه

إدعيلي  .. يزهراء
شفعيلي .. يزهراء

اشكر رب الأكوان شيعي من خلقني
صح ابذنبي انعاب بس حبكم رزقني
من تلتم الاحزان دهري الكم يذبني
اشما ابعد مسافات مجلسكم يردني

إدعيلي  .. يزهراء
شفعيلي .. يزهراء

بدموعي احس روح  يطول بيها عمري
وأشعر املك الكون كل ما لطمه صدري
مو من فارغ البال واقع هذا امري
بالمجلس تحضرين وتنظريلي ادري

إدعيلي  .. يزهراء
شفعيلي .. يزهراء

مني ادري اشتريدين من احضر عزائچ
ما ردتيها الدموع بس تبچي المصابچ
اذكر دوم الحسين هذا اول رجائچ
اوليدچ باب الاحزان يعني هوه بابچ

إدعيلي .. يزهراء
شفعيلي .. يزهراء

ضلعچ طره مسمار  يا ويلي اعله ضلعچ
هاي السيره تنعاد  يساعد الله گلبچ
بالطف عشرة خيول تنهد اعله ابنچ
مصابه مصابچ حسين ينحز يمه نحرچ

إدعيلي .. يزهراء
شفعيلي .. يزهراء

امصابچ چنه عاشور  مفهومه الفجيعه
بابچ خيمة اطفوف  شافته الوديعه
محسن لونه ينشاف چن لون الشريعه
باچر يوگع اعضيد  چفينه گطيعه

إدعيلي .. يزهراء
شفعيلي .. يزهراء

الشاعر اياد الديراوي

ما درينه  ،،  هم  نرد الخدمتك ؟
ما درينه  ،،  يلربينه    بخيمتك
يا حسين  ،،  يا حسين ما درينه

-------------------------------------

ودعنه   احله    ايام
خلصت بعد   خدام 
ما ندري راح انعيش ؟
تحت التراب    انام   ؟

لمينه  موكبنه وصعب دمع الوداع انلمه
يحسين خلصت سيدي  هم ترد هاي الخدمه
ايام  عشنه وچن  حلم   ودعنه  وسفه النعمه
لا زاير  ايمر  بالخدم  والدرب صاير ظلمه

الله يدري   ،،   نرجع الهذا  الطريق ؟
الله  يدري  ،،   يلي  نعتبرك صديق
يا حسين  يا حسين   الله يدري

---------------------------------------

يبرد    گلبنه   شلون  ؟
بالدرب هاي أم  عون
ردت  لاهلهه    اتنوح
ما   يگعد     المدفون

نستقبل  بحرگه الاجت من ضيم شام  الونه
وعيون  من يوم الذبح  وحسين ما شافنه
طشرنه  يا خويه الدهر  وتگله  ياهو ايلمنه
نعميلك اعيون  البقن  لو  بالدمع قصرنه

بلوه  بلوه   ،،   ردت الهم واليسر
بلوه  بلوه    ،،  لوضعن زينب يمر
يا حسين  يا حسين   بلوه بلوه

--------------------------------------

صعبه   الوداع    وياك
والوحشه  تدري  هناك
بالعكس  غربه  انصير
من  نرد    ما     نلگاك

معروفه  اليفارگ  هله  يتمنى يرجع  ليهم
وي خدمتك صار العكس  طاريك  مو طاريهم
فكرنه  بس   بيك  وعلي  بس ما  نفكر بيهم
ندري  الاهل  يمك بعد  ساترهم  وحاميهم

يا  بختنه    ،،،   طيحت الموكب وجع
يا  بختنه    ،،،    رجع  خادمكم  رجع
يا حسين   يا حسين    يا  بختنه

------------------------------------------

وفقنه   يا       مولاي   ؟
نرجع     نوزع    ماي
بالدرب سفره  انصير
للزاير             العناي

خلينه   للعام    اليجي   واحسبنه  من  خدامك
ميتين   كل هاي السنه  وعدلين بس بايامك
هوه العمر دونك  عدم    خلي العمر گدامك
وفقنه  نحضر مجلسك  خلينه  تحت اجدامك

انته وانته  ،،،   وخدمتك  ما  تنتهي
انته وانته  ،،،    يلي  انفاسك  وحي
يا حسين  يا حسين  انته وانته

-----------------------------------------

ها    يلسمعت    الصوت
ردينه     هاي       بيوت 
بيهه   الاهل        مولاي
دارك      لفاهه     الموت

يحسين زينب  من ترد  ياهو اليرحب بيهه
ها    يلخذتكم    كربله   بسيوفهه وذاريهه
يا شدة افراگك ترى  والشامت  امأذيهه
يا   داركم   ما   تنسكن   ما ترد  يا راعيهه

حيره والله  ،،،   يا مدينه   ويا سكن
حيره والله  ،،،   زينب امضيعه وطن
يا حسين  يا حسين  حيره والله

كلمات الخادم /  رعد الفريجي

إذا يرجع رسول الله  تطيب ابرجعته جروحي
مو بالخاتم اتصدق  إله اتصدق ابروحي
يا إلهي إشهد
فارگت محمد
___
1
الفارگ بشر ميبطل عويله
ونه دافن محمد مو قليله
كون ابگد رحمته دمعي اسيله
اوزع اضلوع مكسوره ابسبيله

اعلموده أصّبر عله الصار  يربي اتقبل السطره
بثوابه المحسن انقدمه اني وفاطمة الزهره
تنسطر على الخد
فارگت محمد
_
2
لمن عزريل اجه وروحه خذاها
شجاني وما بتت بفراش طه
وتقادير السمه اتبدِل قضاها
ابمكانه روحي تصعد للبراها

ميميزنه عزرائيل واحد يشبه الثاني
إذا ميت رسول الله معناها اموت اني
بعده ميت أنعد
فارگت محمد
_
3
شلون الدنيا تبقه بلا نبيها
السماء اشعجب ما طاحت عليها
روحي اتصيح وأنه اسمع حجيها
حياتي بلا محمد شلي بيها

برحيله ينكسر ضهري تره ويستضعفوني الناس
مثل كسرت وليدي حسين لمّن يوگع العباس
صعبه ناري تُخمد
فارگت محمد
_
4
كانَ المصطفى يهوى لقاكا
إذ قال لكَ حين دعاكا
تركت الخلق طراً في هواكا
وايتمتُ البتولَ لكي اراكا

حبيبك هذا يا الله ما آذوا نبي ابگده
وهوه عايش ايضلموه بموته تنذبح ولده
وآنه حيلي ينهد
فارگت محمد
___
5
بعد ما يرجع الخل الخليله
وإذا ردنا يحاجي ام العقيله
غير حسين ما عدنه وسيلة
يفك الجفن اقسم لو يجيله

طه لو يجيله حسين يطلع من الجفن ايده
يحن المصطفى المختار الصدره يشبكَ اوليده
والجرح ميبرد
فارگت محمد
_
6
إمندفنه راح اخلي بگبره ذكره
تحت خده احط سبحة الزهره
على فرگتها ما يحتمل صبره
ويّاها گضه المختار عمره

أمه جانت الزهراء بيوم فراگهم شحجي
 هيه بالأرض تنعاه وهوه بالسمه يبجي
محد الها محد
فارگت محمد
_

#الشاعر_مصطفى_الشافعي

ناحت الدنيه برحيله والله صارت نايحه
يله خل نلبس سواد ويله ننصب فاتحه
يله نصبوه العزاء.        مات سيد الانبياء
،،،،،،،،،،.   ،،،،،،،،،،،،،.   ،،،،،،،،،،،،،،،.  ،،،،،،،،،،،،،
المات سيد الكون كله وياعضم هذا المصاب
الدنيه لبست لون اسود عل نزل لجله الكتاب
والد الزهره الحنينه الدنيه حقها ولا تغاب
ناح حته الطير لجله والحجر ون بعتاب
يله نصبوه العزاء.     مات سيد الانبياء
،،،،،،،،،،،،،،.    ،،،،،،،،،،،،.    ،،،،،،،،،،،،،،.   ،،،،،،،،،،،،
كلشي لجله انكلب شكله وصار معتم بالسواد
راحم الامه بحنانه وماكو منه ولايعاد
جان جفه جن مضيف ايشبع الطالبله زاد
مشبع الناس بحنانه الماكو منه بكل فواد
يله نصبوه العزاء.     مات سيد الانبياء
،،،،،،،،،،،،.     ،،،،،،،،،،،،،.    ،،،،،،،،،،،،،،.   ،،،،،،،،،،،،،
يله لطموها الصدور وفيضو العين بدمع
وخلي جفك فوك صدرك بلطم هم منطبع
نكلب لون الكمر اسود عل نبي ضل منفجع
بموتت الهادي الحبيب انطفه بلكون الشمع
يله نصبوه العزاء.   مات سيد الانبياء
،،،،،،،،،،،،،،.    ،،،،،،،،،،،،،،،.     ،،،،،،،،،،،،،،،

حزنت السبعه على شخصه ونصبت المأتم بكاء
بغيبت الهادي الحبيب اليوم قد حان العزاء
يافجيعه ويامصيبه كتابه طلعت بلسماء
النبي المختار مات ومطرت المدمع دماء
يله نصبوه العزاء.    مات سيد الانبياء
،،،،،،،،،،،،،،،،.   ،،،،،،،،،،،،،،،،،،.    ،،،،،،،،،،،،،،،،،،
الله حبه وراده يمه وصار من الله قريب
اليدعي الله بأسم طاها لجل طاها الله يجيب
حكه كل الكون يبجي والحزن والله عجيب
الكون كله بلامحمد تايه ويصبح غريب
يله نصبوه العزاء.    مات سيد الانبياء

لخادم محمد واله محمد
الشاعر محمد رسول الماجدي