‏يلّي ما جاسك فكر بالليل
ولا جاسك سهر
يلّي بين حواجبك غفوة نهر
يلّي جرّة سما بعينك
خاف أفزّزها من اگلّك
آنه أحبّك .

مختنگ بيه الدرب
متروس كلي دمع ولوحدي رديت
طفيت بيه الشمس
من طولي مثل النده اعله ﭼـفوفك تبديت
دگيت باب الزمن بس منحني طبيت
وانتهى بوجهي الوكت
واحترگ خلگي وذبت
بس گومتني الـ ألتقي وياك والياريت
من گتلي خل نفترگ
اول خسارة العمر ماگتلك شحسيت .

‏خل احضنك
يمكن المرة الأخيرة
البيها احضنك
ومنو اليدري
الموت يا ساعة يجي
ولو ميت هواي منك
خاف اموت بديرة غربة
خاف اموت بعيد عنك
اني ماعندي مكان
بغير حضنك
هاك روحي وخذني يمك
خاف اموت
واني مو يمك حبيبي
ارد اموت وراسي يمك .

مِشتاگُلكّ ،
بس أنتَ مِو الأوُليّ
مالك خلگِنا وحَيل
صِاير صعُب
نخطَ الرسّالة
بدِمَنا مُو بالحَبر
ومُا تنقِرهَ وصارن
برفك كُتب
بأول أيَامُك
چان طِبعُك حِلوّ
تشِتاگ ، تسّأل ،
مامتيه الدِرب
بسَ هُسة ناسّك
كُثروا تغِيرتُ
كلسُاع گلبّك
بي بنِادم يُطبّ .

‏وَ ردَت اگلِك أنتَ انيّ
ومُثل سَيفِ برَگبتِي
تمُر الثِوانيَ ،
ليَليّ مُن دونكَ اخلِصة
بلِچگايَر والقصِايد والأغانيَ .

‏ليِّش ما جاسَك حَنيّني
وقررت غَبشة تِسافر
واَنه كاتبلك قَصايّـد
خَلصت بيهّا الدَفـــاتر
الشاعِر الوادم تحِبه
وآنه أحبّك وآنه شاعر .

حَتىٰ أَغلىٰ مِن اهلي چنت
بَس هسة ما أَرجع الك
لو تُبقىٰ آخِر واحد
لو تگعُد بمية حُضن
لو تُبقىٰ بس تواعِد
رايِدني أَگلَك بالصدُك؟
مَيهمني الله شاهد.

‏الشِافك صِدفة شيلمة ؟
شكُبر حَظة اليجي أبالك
ولو شَخبوطة من رَسمة
يَهنيالة التفكر بي
يَخيعونة الحَفظت أسمُة .

‏يامَا گتلك وگتلك الدنيا لوتنيّ ،
وبيك احسني انسان اقوى
ليَش خليت العشكَ بعيُوني نزوَه ؟
يالتسوَه ناسيّ وهلي شخلاك مَا تسوه ؟ .

‏ضُمني بلا هَلا مِن الناسّ
ضُمني مِن العيُون
الفاهيه بدُونك
علكنِي إعله رمشَك
طيف
أحِب مگابَل عيُونك .