منا وهيجي بعَد تلكاني متباعد!
وحت لو تحبني بعد!
حِب من طرف واحد
خاف انت بارد جنت ؟
انا اخس منك صرت
يحسدني كام الثلج
كدما صرت بارد

غبت وايام هجرَك مرضني
‏ورحت زعلان منهن مارضني
‏وراك اسأل ضميري ومره ضني
‏شجَاك شبيك ماتسأل عليّه

من كلولي شفنه فلان يم فلان
ولله ساعتها احسنلي لو متشاهد
عكب ذيج الميانه تصير رسميات
ونخلصها واحد ما يحب واحد
كلش قصرت متآخره جيتك هاي
اجيت بوكت بي شوك الگلب بارد

انتَ جارحني وترد مجروحلي
انتَ والحبيتة فدوة تروحلي

ما دامتلي فرحه ولا دمعتي تروح
مدري شعنده وكتي وياي متعاند

صرت حتى من انام احلامي مو حلوات
لو مكتول افز لو كاتل وشارد!

احنا مثل الينتظر يمتى يموت
وتدري صعب الانتظار

ليش غيري يشمك وانا أغار؟

لا تشتاگلي

أستاهل النسيان
اليحب مثلك بشر يستاهل الوجعه

مو جديدة لهسة گاعد
‏بَس جديد لوحدي أسهر
‏خوفي بَس لا صدفة تجمعني
‏وأشوفك ونفسة شكلك ماتغير
‏وداعتك ما أگدر أنسى
‏بالي يَمك خاف تگدر

مو كلت عايفهم شكد چذبت
ليش من تفوت منهم تلتفت
مو كلت كسرت الأقلام ونسيت
ليش بعدك تكتبلهم ما تبت
ليش ماليك الوفه أتعده النسوك
ليش لمن عرسوا ما عرست
هواي عندك وادم تريدك شجاك
شمالك وي الفاركتهم جلبت

باچر تفتهم گدري
مِن كِل ناسك تبيعك
محد يُعرف يكملَك
رغم ما عاشرت غيري
بعدة فراگي
واضح بين أصابيعك