Bo día! Lembrade que este sábado a tenda estará pechada, para poder celebrar a Asemblea Extraordinaria da cooperativa. Se es socia, xa recibiches a información por correo electrónico.

Bo día! Lembrade que quedan uns días para poder asinar alegacións contra o proxecto da Mina de Touro-O Pino. Podedes atopar copias na tenda. Preguntade no mostrador!

📆 Este domingo 12 de xaneiro,
🕰 ás 18.00 horas,
🎥 proxección do documental unha vida en común
📍no Café Uf!
🏘Un percorrido por exemplos de vivenda cooperativa en cesión de uso. Posteriormente haberá un debate coas autoras do documental e con cooperativas galegas, para afondar xuntas na crise da vivenda e neste modelo residencial.

Boa tarde! Este domingo, Enxeñería sen Fronteiras e Amigas da Terra organizan un Repair Café no local da Industriosa (rúa Gregorio Espino 38 - entrellosado 3). É un evento gratuíto, pero é preciso inscribirse

Photo from Miguel

Bo día!
Este mércores 13 de novembro (ás 19.00 h) cedemos o noso local social a Amnistía Internacional, Ecoloxistas en Acción, Amigas da Terra e Greenpeace para coñecer en que consisten as comunidades enerxéticas.

Contaremos coas intervencións de Raquel Fernández (Amigas da Terra), Bruno Dutto (Comunidade de Montes de Tameiga) e José Eiras (cooperativa de consumo Nosa Enerxía), nunha mesa moderada por Ana Freiría (Ecoloxistas en Acción).

Por se non puidestes asistir á sesión de outubro, este sábado, ás 11.00 h, repetimos sesión para informar sobre a posta en marcha da tenda en liña. Agardámosvos!

Boa tarde! Lembrade que mañá martes 29 de outubro (ás 19.00 h) temos unha cita en Árbore. Falaremos da nova tenda en liña.

Contarémosvos como vai ser o proceso. Ademais, aproveitaremos para falar da "Fase Beta" e pediremos persoas dispostas a colaborar na proba do sistema durante varias semanas. Unha vez completada esta fase de avaliación, a nosa intención é xa abrir a tenda en liña para calquera persoa interesada.

Agardámosvos!

Bo día! Este mércores terá lugar a presentación do libro "Pulso de Galicia"na Hemeroteca da Escola de Artes e Oficios de Vigo. Por se for do voso interese!

Bo día! Velaquí unha nova actividade cultural que organizan as compañeiras da Comunidade de Montes de Couso o vindeiro día 4 de agosto.