خادم اهل البيت(ع)فراس موحان الساعدي
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN
قصائد شهادة الامام موسى الكاظم ع....1446
على الغريب واويلاه
∆∆∆∆∆∆∆∆∆∆∆∆∆∆∆∆∆∆∆∆
ويلي عالمسموم نهتف هالمسيه
وابمصابه انعزي حيدر والزچيه
خلصت اسنينه ابسجون الناصبيه
ولسه تشهد عالمصيبه الكاظميه
مدى الحياة ما ننساه
∆∆∆∆∆∆∆∆∆∆∆∆∆∆∆∆∆∆∆∆
اشگد تعذب صاحب السجده الطويله
بالغرب والحسره ما عافت دليله
ايصيح واويلاه يا سبي العقيله
اشما يگيّدونه الرجس واهل الرذيله
جرح چبير عاش وياه
∆∆∆∆∆∆∆∆∆∆∆∆∆∆∆∆∆∆∆∆
من سجن يمشي السجن خلص شبابه
آه واويلاه يا حسرت غيابه
اشيكتب التاريخ ما يوص عذابه
المات مگيود ابسجن شيسد مصابه
بچى الوجود من فرگاه
∆∆∆∆∆∆∆∆∆∆∆∆∆∆∆∆∆∆∆∆
من بني العباس شاف اشگد اذيه
لحد ما بالسم سگوه كاس المنيه
صيحوا واويلاه آه يالرافضيه
وابچوا لجل الكاظم وقيموا العزيه
صارت ليل كل دنياه
∆∆∆∆∆∆∆∆∆∆∆∆∆∆∆∆∆∆∆∆
عالجسر نادى المنادي اعلى الجنازه
هذا امام الرافضه وهيچ ايتجازه
عازته الاهله وإخوته الليله عازه
تحضر وتتولى تشييعه وجهازه
باب العطاء سد عيناه
∆∆∆∆∆∆∆∆∆∆∆∆∆∆∆∆∆∆∆∆
لعنة الله اعلى الظلم موسى ابن جعفر
وخلى گلب الزهره بمصابه ايتفطر
ضل طبيبه ايصيح ماله اخوان تحضر
چبده من سم العدى گام ايتفطر
بدر البدور سم يسگاه
∆∆∆∆∆∆∆∆∆∆∆∆∆∆∆∆∆∆∆∆
✍️ الخادم فراس موحان الساعدي
ابوذيات بحق امير المؤمنين عليه السلام ??
حبي الك من زغيري علنته
واموتن بيك خليني علي انته
بدونك والله يا حيدر علي انتيه
ونضيع ولا تضل النه هويه
????
الحيدر مو ولاية حب ولايات
لإن ما صار اليشبهه ولا يات
احاديث اشكثر نصّت والآيات
على اوجوب الولاية الحيدرية
???
هوسات
- علي انت اتضل علي ورغمأ عاليضدك
ومتصدر ابكلهن يا علي الوحدك
حرام اشلون بعض الوادم ايساوون
وياك الجاب عمره لايذ ابسدك
?( يا راية عز ويا هيبه )?
- علي مثلك علي ما جابت النسوان
بيش انقارنك ما يشبهك انسان
التمسك بيك فاز العاندك خسران
?( بچفوفك شايل دنيانه )?
علي اسمك واحلى من ذكرك ولا نلگه
منريد الفراگ وياك دوم انفضل الملگه
علي وكلمن تجنن بيك ما ينلام لا حگه
?( يالبيك امسودن عدواني )?
- اليلوم اعلى اليحب طاريك خل ايكف
اذا يبقى ورانا ابيوم عقله من الحقد يلگف
ما نترك علي الكرار لو موت ويموت ايصف
?( ما نهواه اليكره حيدر )?
- علي ابلياك ابد ماعيش لا والخلق نور حسين
عمر ما بيه علي الكرار ما يسوى العمر فلسين
ودين الما الك بي راي ابد ما اعتقد بيه دين
?( ودين ابلا حيدر مو ديني )?
✍️ الخادم فراس موحان الساعدي
علي يا علي علي. علي ياعلي
اليوم ميلاد الوصي مولانه
اليوم كل الدنيا بي فرحانه
مولدك راية وترف بالعالي
ما نريده الما فرح ويانه
انحبك وبمحبتك جنينه
اعليك سلمنه علي وصلينه
بس الك ينبض گلب كل شيعي
ابكيفك انت اتجيبنه اتودينه
يا علي بس انت نمشي ابرايه
غيرك اشويّون وانت اهوايه
انت ابو الحسنين قالع خيبر
حبك ابگلب العدو سلايه
حاضر الذنون انت ابحوته
وعيسى من دونك ميحيي الموته
بالشدد والفزعه وبكل غارة
ايصيح طه يا علي ابكل صوته
يا علي انت الصرت محبوبه
الله يمسحهن جميع اذنوبه
وگلبي غيرك يا علي ميريده
وغير شخصك ما نگرّب صوبه
انت بالشده علي ايندبونك
تحضر اتحلها بعزم يدرونك
بالفخر تاريخ عندك حافل
حيّرت كل اللذي ايوصفونك
ابكل صراحه يا علي نحجيها
حلوه دنيانا لإنك بيها
اشتسوى دنيه بدون شخصك حيدر
يا علي ابفلسين ما نشريها
✍️الخادم فراس موحان الساعدي
علي الما واحد اليگدر يحد وصفه
علي انت المن زلال الماي بعد اصفه
علي نور الله وايضل واج ما يطفه
( والكون ايشع من انواره )
اليضدّك حرگه راحت راح ادينه
لأن يعرف ابحبك راح ادينه
التبع دين السقيفه راح دينه
ويجي يوم الحشر وايده خليه
قصائد استشهاد الإمام الهادي عليه السلام
الليله كل شيعي وموالي بالمصيبه اينادي
عظم الله اجرك يمهدي بالإمام الهادي
مات مظلوم چبده مسموم
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
الليله هادي العتره چبده گطّعوه بالسم
يابوصالح وانت تدري بحالته وتعلم
الما وصل رفعة مقامه حتى من يحلم
يا وسف ضل الإمام ابسمّه يتألم
نفس منهج آل اميه هم نهج شيطاني
بني العباس النواصب منها ضل ايعاني
راعي العلوم چبده مسموم
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
بالغدر جدك يمهدي ختموا اسنينه
وانت جفنك ما طبگته من غمض عينه
العسكري ايعاين عليه وايصفگ ايدينه
يا حسافه ابهالمسيه ايروح هادينه
ابدمعة اعيونه يكلمه ونار البگلبه
يا ابن خير البريه فرگتك صعبه
راحل اليوم چبده مسموم
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
نهج ابو القاسم محمد وامتداده انته
وسفه مِن الألم گلبك نستمع ونته
علمه حلمه والسماحه النبي استورثته
الكون يبن الزهره كله انته شرّفته
هيبة الهادي ووقاره الهسه موجوده
من تطوف ابصحنه تشعر هيبته وجوده
وتشعر اتگوم چبده مسموم
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
ما يدوم الباطل ولا يستمر ضلمه
وتبقى تتلاله ابسمانه ابدورهم همّه
يابوصالح اهلك انته انوار للضلمه
والوكف ضدها ايتأكد كون من امه
منبر الحق والهدايه ما خفوا بدره
ليل دامس همه ضلوا هوه ضل گمره
روح معصوم چبده مسموم
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
الناصبي مهما تمادى وزادت اخطاره
ما گدر يحجب شعاعه ووهج انواره
لا سجنهم يطفي نوره ولا هدم داره
باقي حد هالساعه بيته اتگصده خطاره
الضالم اشما طال حكمه ايامه معدوده
وكلمة الحق بالعقيده دوم مريوده
بيها مرسوم چبده مسموم
┈┉━ ❀ ❀ ❥ ❃ ❀ ❃ ❥ ❀ ❀ ━┅┄
✍️الخادم فراس موحان الساعدي
نعي الزهراء ع في مصاب الهادي ع
من كثر المصايب ذايبه الروح
والي سلوه صبح يا عالم النوح
من ديره للأخرى اگصد عزا ابناي
قسم مسموم مات وقسم مذبوح
الولد غالي على امه اهواي يا ناس
يجرحها لونها اتشوفه مجروح
وأنا طول الدهر ما فارگ الآه
الحزن خالد ابدلالي ولا ايروح
تضل عيني تهل لمصايب البين
ويضل جرح الگلب يا ناس مفتوح
بنيت ودهري صب جوره على ابناي
وعلى طول الدهر ونّي على ابناي
برض سامرا هالليله علي ابناي
انسم چبده ابچفوف الناصبيه
الهواشم هالمسيه وداع عدهم
وصفه عدهم الهم يا ناس عدهم
على الهادي الحزن هاليوم عدهم
من اهل النوح واصحاب الرزيه
الخادم فراس موحان الساعدي
قصائد شهادة النبي ص...صفر1446
يا رسول الله الامين العالم ابفگدك حزين
صاح امير المؤمنين يا محمد
ـــــــــــــــــ❀•▣•▣•❀ـــــــــــــــــــ
يا رسول الله عليك اتهل العيون
العالم العلوي الك هالليله محزون
وي علي اعليك الحزن والحسره واللون
وحزنك ابگلب المحب يالغالي مدفون
صعبه وافراگك عذاب باچر ايضمك تراب
مو سهل هذا المصاب يا محمد
ـــــــــــــــــ❀•▣•▣•❀ـــــــــــــــــــ
اغيابك ايخلي الگلب نبظاته لچمات
والنواظر تجري شوغه ولوعه وآهات
والعمر عگبك بقى بس للمعانات
كل مسا اعلى الخد دموع افراگك اتبات
كل مسا مثل الحمام ليك احن وابعث سلام
ما يسد حزنك كلام يا محمد
ـــــــــــــــــ❀•▣•▣•❀ـــــــــــــــــــ
مثل حيدر من يون وايفزز اجروح
ابگد نجوم البسما تلتف على الروح
يبقى بالدنيا الامل يا طه مذبوح
وبالحزن اهل الأرض وأهل السما اتنوح
تعلن اعليك الحداد وتلبس اعليك السواد
رحمة الله اعلى العباد يا محمد
ـــــــــــــــــ❀•▣•▣•❀ـــــــــــــــــــ
يا ابو الزهره ابجفاك اتزيد الهموم
وعلي اول بشر راح ايصير مظلوم
على افراگك ما يمر يالمصطفى يوم
إله تلگه اجبال فوگاه من الهموم
لو غمض جفنك يصير بيد الذياب المصير
وغير حيدر يمسي امير يا محمد
ـــــــــــــــــ❀•▣•▣•❀ـــــــــــــــــــ
ناوي من دنيانا يا بحر الوفى اتشيل
وعگبك ادموع النواظر عالوجن سيل
فاطمه اعليها الدهر بغيابك ايميل
اتنوح واتهل الدموع انهار والليل
بس تغمضها العيون يمها اهل الشر يجون
لم ابوها ايعذبون يا محمد
ـــــــــــــــــ❀•▣•▣•❀ـــــــــــــــــــ
✍️ الخادم فراس موحان الساعدي
قصائد المشاية ....صفر 1446
يزوار يزوار كل الهلا وحياكم
ـــــــــــــــــ❀•▣•▣•❀ـــــــــــــــــــ
يالكاصد مشاي انت الطف كربله
عباس اليتلگاگ ايگلك هلا
يا مرفع منزلتك عد رب العلا
كل خطوه التمشيها اتگربك خطوه اله
توافون توافون امشوا علي وياكم
ـــــــــــــــــ❀•▣•▣•❀ـــــــــــــــــــ
وي ممشى السجاد وعمته ام الخدر
نگصدلك مشايه وما نعرف عذر
نمشيلك عالموت ويفداك العمر
نوصل يم شباچك وي راعي الأمر
على الموت على الموت نسحگ لجل عيناكم
ـــــــــــــــــ❀•▣•▣•❀ـــــــــــــــــــ
لا حر اليمنعنه عنك لا برد
دربك لو بس شوك انحس بيه من ورد
حشدين احنه من اجلك يا راعي المجد
حشد من المشايه وعالساتر حشد
ملايين ملايين نطوي الدرب جيناكم
ـــــــــــــــــ❀•▣•▣•❀ـــــــــــــــــــ
يالزاير متعني ومتحدي المحن
بالطف تتلگاك الزهره ام الحسن
اتخط ثورة وفايه الرجلين المشن
كل عام انجددها اشما طال الزمن
ابو الثار ابو الثار ضل ينتظر ملگاكم
ـــــــــــــــــ❀•▣•▣•❀ـــــــــــــــــــ
زوار امسجلكم دفتر فاطمه
مثل انجوم التضوي الگاع من السمه
وفايه وارواح العز والغانمه
واحدكم ما يرجع لو سيل الدمه
عناوين عناوين لهل الوفه ابمسراكم
ـــــــــــــــــ❀•▣•▣•❀ـــــــــــــــــــ
كل عام اعلى الموعد نگصد للنحر
لحسين المذبوح وعباس الگمر
لازم نوصل گبره اشما جار الدهر
ما نترك هالمگصد لو نصبح وذر
يالاطهار يالاطهار دمنه فدى لدماكم
ـــــــــــــــــ❀•▣•▣•❀ـــــــــــــــــــ
✍️ الخادم فراس موحان الساعدي
الامام الحسين عليه السلام....محرم1446
دمعاتي الك تشهد ياحبيبي
حزني ولا يبرد يا حبيبي
حزنك يضل دايم،،،،حد ما يجي القائم،،،يا حبيبي
ـــــــــــــــــ❀•▣•▣•❀ـــــــــــــــــــ
عهدي وياك الحزن حد آخر انفاسي
وغير شخصك ما سكن يالغالي بحساسي
انت تبقى ابكل وكت يحسين نبراسي
ابخدمتك بين البشر آنا ارفعت راسي
ماعيشن ابدونك يا حبيبي
ايسموني مجنونك يا حبيبي
خليني الك خادم،،،،حد ما يجي القائم،،،ياحبيبي
ـــــــــــــــــ❀•▣•▣•❀ـــــــــــــــــــ
اشلون محبوبك يضل ما تهمل اعيونه
ويسمع ابمحبوبه بالحافر يسحگونه
ويسمع ابشمس الضهاري غيّرت لونه
ومن شراب الماي اهل الشر يحرمونه
نار الگلب تلهب يا حبيبي
لجلك يخو زينب يا حبيبي
ابحزنك لضل هايم،،،،حد ما يجي القائم،،،ياحبيبي
ـــــــــــــــــ❀•▣•▣•❀ـــــــــــــــــــ
ياحسين المنحرك جمر الحزن يلهب
طول ما نسمع خذوا فوگ الهزل زينب
والدمع مثل الرماد اعلى الوجن لو صب
وتبقى الگلوب التحبك دوم تتعذب
ايضل الدمع جاري يا حبيبي
والتعزيه داري يا حبيبي
وي حزني متوالم،،،،حد ما يجي القائم،،،ياحبيبي
ـــــــــــــــــ❀•▣•▣•❀ـــــــــــــــــــ
كل مسا حزن الطفوف ابگلبي الك ساعر
منذبح عطشان واعلى الغبره متناثر
والصدر بعد السحگ بيه طابع الحافر
هالحزن كل عمري ما انساه يضل حاضر
اتضل ساكن ابروحي يا حبيبي
اعليك الچم اجروحي يا حبيبي
وللتعزيه عازم،،،،،حد ما يجي القائم،،،،يا حبيبي
ـــــــــــــــــ❀•▣•▣•❀ـــــــــــــــــــ
من عزائك ما امل والحزنك اتجدد
ايضل ونيني ودمعتي والحسره ما تبرد
علمتني الجأ الك من دنيتي تشتد
وآنا احبك غيرك ابدأ ما احب أحّد
عيّشني بالدمعه يا حبيبي
يالخدمتك رفعه يا حبيبي
والما خدم نادم،،،،حد ما يجي القائم،،،يا حبيبي
ـــــــــــــــــ❀•▣•▣•❀ـــــــــــــــــــ
✍️ الخادم فراس موحان الساعدي
نعي للإمام الحسين ع......محرم1446
اليريد اينوح خله اينوح عالعطشان
ثلثتيام ضل طايح على التربان
مگطوع النحر والجسم عاري الثوب
ورمل الگاع حار ابروحه يسعر جان
نوحوا على حسين الحافر امأذيه
الجرح فوگ الجرح ما بقى ابجسمه امجان
وجه الچان من يطلع شمسنا اتغيب
اتخضب من دماه واتيتم القرآن
ونحر الچان يشتمه رسول الله
صار السيف ابن جوشن شمر ميدان
وانفاس النبوه والإمامه البيه
ضاگن من كثر شمّن الدخان
ومن الخيمه صاحت آه يحسين
وين انروح عگبك واحنا بس نسوان
اطيني البصر والراي لو ذبحوك
بيه اشلون باچر من اطب ديوان
النبي ايون وي علي وامه ضل اعليه
ابحرّ الشمس ما واحد ضل اعليه
حسين ولا بقى سالم ضلع ليه
انهشم صدره ابحوافر خيل اميه
✍️ الخادم فراس موحان الساعدي
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN