عارفين السر وراء الحياة السعيدة و المطمئنة شنو؟
حاجة بسيطة وما بتكلف و جميلة جدًا و أثرها أجمل?..

الرضا يا جماعة، الرضا حيحقق ليك كل مطالب الحياة السعيدة الهادئة المطمئنة و الناجحة، لما تكون راضي يا عزيزي انت كدا بتكون في أعلى الدرجات من السكينة و الراحة النفسية، حتتطمن لأي حاجة بتحصل في حياتك و ما حتواجه مشاكل في تقبلها، و دا طبعًا حيأثر على كتير من جوانب حياتك...

علاقتك مع ربنا حتكون في أبهى صورها لأنك راضي بالكاتبه ليك ربنا و موقن إنه فيه خير ليك مهما كان أثره عليك، و في أحلى من أنك تسلم أمرك لله سبحانه وتعالى و تثق فيه و ترضى بكل تدابيره؟!
صدقني قلبك دا حيرتاح?..

كمان في حياتك الشخصية انت بتكون واثق من نفسك و راضي عن شخصيتك و حياتك بالفيها و الما فيها، دا بيسهل ليك تعاملك مع الناس الحولك و بعزز التفاعل الإيجابي معاهم..

و قبيل قلت ليكم أنه فيه سكينة و راحة نفسية، دا لأنه بيبعدك عن جو التوتر و القلق و الخوف من الجاي، بيخليك ريلاكس لأنك طالما متوكل على الله متأكد أنه ما حيصيبك إلا كل خير إن شاء الله...

في حياتك المهنية عمومًا، لما تكون راضي و تشتغل ما زي لما ما تكون راضي و زهجان و تشتغل صح؟
الرضا بيزيد فعالية و إنتاجية شغلك، لأنك بتكون شغال براحة و تحفيز و بضمير زي ما بنقول...

في النهاية يا عزيزي أفهم أنه المصدر الأول للراحة و السعادة الحقيقية هو الرضا، و إدراك الرضا و السعي و العمل ليه عامل أساسي لتوازن الحياة، فكر في الكلام دا بينك و بين نفسك و حكِّمه في عقلك و حتلقى أنه الحاجة الصح المحتاجين ليها كلنا حاليًا?..

#إيناس_محمد_الربيع
#صبا_مبارك_الزين
#كيان_لِمجتمع_واعي_ومُثمر

نحيا ونَحملُ في الدنيا أَمانِينا
لعلّ فضلًا من الرحمٰن يروينا
ما ضاع قلبٌ قضى الأيَام مُنتظرًا
وعدَ الإله وهذا الوعدُ يكفينَا
♡︎♡︎

إن الذي اعتاد أن يفوّض أُموره لله مُحسنًا الظنّ بما عنده فإنه يمتلك مُطلق الارتياح ؛ لأنه بينَ أن يُدرك مطلبه أو أن يرضا بما قُسم له لأنه توكّل على الله فعلِم أنه لن يضيّعه بكلتا الحالتين ?.

? شنو هي الطمأنينة وكيف بنتحصل عليها؟
الطمأنينة هي سكون القلب وشعور الراحة النفسية
طمأنينة القلب مهمة لأن القلب لما يكون هادئ مطمئن بتشعر بيه بقيه الأعضاء كلها، وبالتالي بنعكس الشيء ده على افعال الشخص وتصرفاته مع الآخرين حتى في وجهه!

في حياتنا بتمر علينا ابتلاءات بتزلزل إيماننا، المفروض علينا استقبال الأقدار البتصيبنا بالصبر والرضا واليقين بأنها حكمة ربنا

? طيب كيف نطمئن قلوبنا؟

أولاً : الصلاة
الصلاة هي الوصلة بين الانسان والله وهي المكان البنفرغ فيه همومنا وتثبت قلوبنا وتبعث فيها السكينة
قال تعالى : " إنَّ الإنسان خُلق هلوعا إذا مسَّهُ الشر ُجزوعا وإذا مسَّهُ الخَيرُ مَنوعا إلا المُصلين الذين هم على صلاتِهم دائمون"

ثانياً : قراءة القرآن الكريم
وهو أفضل أنواع الذكر والأجدر بأن تحصل طمأنينة القلب بيها
ربنا بيقول " وما جعلناه الا بشرى ولتطمئن به قلوبكم "
والقرآن كله خير وبركة، مجرد قراءته بدون تدبر بيسكن القلب ، ما بالك لو تدبرته؟ اكيد أعظم وأنفع وزيادة أجر

ثالثاً الذكر
والذكر أيسر العبادات وثمراته كتيره جداً لأن الذكر محبب لله فبكسبنا رضاه ومحبته وبمحي السيئات وببعث الطمأنينة وانشراح الصدر للقلب
لقوله : " ألا بذكر الله تطمئن القلوب "

وفي النهاية السر الأعظم لطمأنينة القلب هو صبره ورضاه تجاه اقدار ربنا ، لازم يدرك الشخص انه حياته ماشة بيد حكيم خبير، وإن الحكمة في الابتلاء و ان ما ظهرت فأنت متأكد من انها لخير ليك .
#كيان_لمجتمع_واعي_ومثمر

فالنهاية تُدرك أن أعظم إنجاز للمرء هو قُدرته على مواصلة حياته بنفس الشغف رغم ما جرى وما يجري معه ، فإنجاز المرء ليس بِنجاحاته العظيمة والمُبهرة ، بل بإيمانِه وبقدرته على خلق سببٍ من اللاشيء ليحيا بنفس القلب وبنفس الروح وبنفس اللطف الذي خُلق به ?.

‎أعمل شنو في يومي و الوضع يُرثى له؟?

‎أكيد يا عزيزي بعد الحصل و البقى حاصل في الفترة الأخيرة نسأل الله أن يخففه علينا كلنا، فجأة كدا لقيت روحك جُطت و عقلك شبه رخَّم و بقيت ما قادر تعمل حاجة ولا تنجز من زمان...

‎طبيعي تمر عليك المرحلة دي كلنا مرت علينا و فينا القدر يتخطاها و حاول يرجع طبيعي و قدر، و فينا اللسه قاعد متمحن راجيهم يقيفو عشان يقيف على حيله..

‎نحن ما عايزين نكون من الناس التانية اللسه ديل، عايزين نرجع نقيف على حيلنا لأنه ببساطة الحياة ما حتقيف ترجانا و نحن قاعدين راجينها، لازم نرجع نحاول و نستمر عشان نقدر نتخطى الفترة دي بأقل الخسائر، و على الأقل نطلع بحاجة مفيدة من اليوم?..

‎حتقول لي كيف؟
‎حقول ليك على حاجات بسيطة تعملها ممكن ترجع حماسك لأيامك و تفيدك فيها? :

‎أول و أهم حاجة لازم تعملها و تهتم بيها هي علاقتك مع ربك، حاول تتقرب منه و تصلح علاقتك بيه و تقويها لأنها الحاجة الوحيدة الحتطلع بيها من الدنيا دي و الحتقويك فيها، و كلما تكون كويسة حياتك حتبقى كويسة و حتجيك القوة و القدرة أنك تنجز...

‎نظِّم صلواتك، داوِم على وِردك، داوِم على الأذكار، كتِّر دعواتك، حافظ على النوافل، يعني كتِّر من العبادات و صدقني حترتاح نفسيًا شديد?...

‎تاني حاجة قبل ما تبدأ يومك حدد أهداف تحققها في اليوم دا، تكون واضحة قادر تعملها و رتبها على حسب الأولوية، يعني مثلا عايز تعمل رياضة بعدين تقرأ كتاب أو تكمل كورس على حسب عايز تعمل شنو، و شفت الحاجات البتكون بديت فيها زمان و كسرت حنكها أرجع إشتغل عليها بحماس زيادة شوية و كملها?

‎خصص لكل مهمة وقت معين و حاول إلتزم بيه و ما تنسى تدي نفسك راحة كل شوية بس إنتبه ما تسرح?..

‎أعمل ليك روتين يومي أمشي عليه، المشكلة شنو أعمله و قسِّم فيه مهامك و وقتك بالطريقة البتريحك و البتستفيد منها، دا حيساعدك على أنك تضبط نفسك و مواعيدك و حيزيد من إستفادتك و إنتاجيتك..

‎شفت أي حاجة ممكن تجر بيك زمن و ما تخليك تعمل حاجاتك الضرورية أَختاها?، عديل أبعد منها سواء كانت سوشال ميديا ولا أي مشتتات حاول قلل منها و ركز على ضرورياتك و شغلك، بعدين وقت الراحة تعال أرجع ليها ماف مشكلة...

‎قبل ما تنوم أقعد مع نفسك و شوف انت الليلة كنت عايز تعمل شنو، و عملت شنو و الما عملته شنو، و لشنو ما عملته؟ شنو الأسباب الخلتك ما أنجزته؟
‎طلعها و حاول تتجنبها تاني، و برضو فكر بكرة إن شاء الله عايز تعمل شنو و لو عندك حاجة ما كملتها الليلة خطط تكملها بكرة في الزمن الفلاني على حسب جدولك، الموضوع ما صعب والله?..

‎و ما تنسى تكافئ نفسك و تحفزها لأنك بعد تتعب بتستحق المكافأة يا مُنجز انت?.

‎الموضوع ما صعب والله حلو و محمس و سهل لو مشينا فيه بحب?
‎و لو طبقتو الخطوات القلنا عليها ما تنسو تورونا النتائج المتأكدين إنها حتكون إيجابية، يلا سلام??.

‎#إيناس_محمد_الربيع
‎#كيان_لِمجتمع_واعي_ومُثمر

السلامُ عَليكمْ ورحَمةُ اللهِّ تعالى وبَركاتُه ?

الليلة شنو ⁉️
الليلة التلات ?

يعني شنو❓

يعني الجزء التاني من سلسلتنا الجميلة ?
#سلسة_حلول_إدمان_الهاتف_والكسل

الليلة يا أعزائي حنتناول الحلول بعد ما عرفنا مخاطر الكسل والكلام الكتير داك، بس حنضيف معلومة ما ذكرناها ?...

إدمان الهاتف بيتسبب لينا في أعراض وأمراض كتييرة، منها التشتت، ضعف التركيز، ضعف القدرة على التخيل، ضعف النظر، وتدهور الحالة النفسية، الزهايمر، ال Nomophobia أو الشعور بالخوف من الحرمان من الهاتف، وكمان ال Netless phobia الخوف من البقاء دون إنترنت..

وكمان معلومة خطيرة ?
الإستخدام الكثير للهاتف بسبب لينا إضطرابات في الصحة العقلية!
وخلل وظيفي في منطقة في المخ إسمها "جابا" اللي هي عبارة عن ناقل عصبي، وفقدان للمادة الرمادية في الدماغ ? !!

_ يعني إدمان الهاتف، لا يقل ضررًا عن أنواع الإدمان الأُخرى، للأسف ☹️.

شايف؟
شايف الضرر❗

يلا أي واحد يجي يقول ليك، تلفوني زي ولدي ما بقدر أخليهُ؟ ?
قول ليهُ، هو أي زي ولدك وأي حاجة لكن حيضيّعك ?، لو ما اتصرفتَ وفتشتَ حلول....
وكمان لو ما تابعتَ السلسلة دي ??.

اهااا، أنا بعد عرفتَ الضرر، مفروض أعمل شنوو؟ ?

? حسي كل العليك إنّك تحاول تتطبق أكبر قدر من ال حلول ال ح أطرحها عليك دي، وتحاول كمان تلتزم بيها...

_ أول خطوة، افتح التلفون وادخل برجلك اليمين، واقفل الإشعارات، بس خلي إشعارات التطبيقات المهمة فقط فااتحة.

_ تاني خطوة، اشغل نفسك بأي شيء تاني، ليه؟ ?‍♀️ عشان تحِد من إستخدام الهاتف، مثلاً قوم من سريرك أو الكرسي القاعد فيهُ، اتمشى ساااي في الحوش، إتأمل السماء، والسحب والطيور ☁️...

أبدأ شوية شوية، ربع ساعة، نص ساعة، ساعة، ساعة ونص، ساعتين....إلخ، لحد ما تتعود.

_ تالت خطوة يا عزيزي، احذف جزء من التطبيقات ?، كييف يعني أحذف تطبيقات ؟؟ ما بقدر ?..

لا لا بتقدر، شوف راقب نفسك، أي تطبيق حسيته بيأخد منك أكتر من ساعة في الفاضي أحذفه ?‍♀️.

_ رابع خطوة، لمن تجي تنوم خت التلفون في مكان بعيد منّك ?...

عشان ما تضييع زمن قبل النوم في الونسة، وتصحى متأخر وتأخر صلاة الفجر، وتقوم زهجان وتدخل في دوامة في التلفون واليوم يضيع من جديد ?‍♀️.

? لحد هنا، دي أربعة خطوات بسيطة أبدأ بيها وحاول اضبط نفسك والتزم ، لحد ما نتلاقى في البوست الجاي بحلول جديدة ??.

وكالعادة سؤال الجزء الثاني ?، أكتر تطبيق حاسِس إنو بضيع زمنك شنو من غير فايدة، أكتر من ساعة⁉️

وفي الخِتام ??...
لن يأتي أحد لإنقاذك ، انهض وكن أنت بطل نفسك?.

ما تنسى التاق ?‍♀️?.

#يثرب_بشير
#سلسلة_حلول_إدمان_الهاتف_والكسل
#كيان_لمجتمع_واعي_ومثمر

السلامُ عَليكم و رحمةُ اللهِّ تعالى وبَركاتُه ?.

_ سؤال❓
عارف السودان ترتيبه الكم من حيث الكسل، و قِلَّة النشاط البدني ?!!

اممم!
طيب عارف لو إنتَ كسلان و ما قادر تنجِز حلّك شنو ?؟

أولًا بُشرى سارّة ?
السودان طلع برة ترتيب قائمة الدول الأكثر كسلاً ?.
و دا عظيم الشرف طبعاً ?.

ثانيًا فضَّل حلّك?‍? !
حلّك شنووو؟

سمِح ركِّز معاي شوية ...

لمن تكون كسلان، و ماقادر تقوم من سريرك عشان تعمل أي شيء، حتى لو في صالحك ?.

ح تفوِّت عليك حاجات كتييرة، خصوصاً لو إنتَِ زول طموحك عالي، و عايز تنجز ?‍♀️!

......

أنا و إنتَ و المُتابع، و أهلك و العالم كُلَّنا عارفين اضرار الكسل، عشان كدا بقول ليك و بسألك تاني ?.

تحب تكون عالة على المجتمع، تأخذ و لا تعطي، تستهلك و لا تنتج، دائماً تكون متأخر في حياتك تتخبط من فشل ل فشل، في حين إنو الإسلام بحِث على العمل ⁉️

_ أكيد لا .

و كمان ما ننسى، معانا و معاكم واحد من أكبر أسباب الكسل ...

النجم المتألِّق ?‍♂️...

ترارارااا تشش?

......

ها؟

مالك بتعاين؟ ?

الماسكو في يدَّك دا ?، "إدمان الهاتف" و "الإنترنت"، حتى لو دااخل بالمجاااان ?.

الواحد من يصحى طوالي يفتح البيانات ، و يلا هوب على "فيسبوك"، "تيك توك"، "واتساب"، إنستغرام" ....إلخ

و ناسي تمامًا حياته الحقيقية ، و إنجازاته المُهِّمة الوراهُ ❗❗❗

ما عليك، دا كلّه حيتعالج معانا في #سلسلة_حلول_إدمان_الهاتف_و_الكسل

حنتطرَّق لبعض الحلول الممكن تساعدك في إنك تتخلَّص من الإدمان دا و بالتالي الكسل.

بس قبل كل شيء، عايزاك تقعد كدا مع نفسك و تفكر في عواقب الكسل، و اتخيل نفسك في المستقبل حتكون كيف❗

_راضي و لا لا ؟!
واكتب لي في الكومنت الشفتو والفكرتَ فيه ??.

و ما تنسى إنو "حياتك الآن هي نتيجة لما فعلته قبل عام، و ستكون حياتك بعد عام نتيجة لما تفعله الآن ?"

خليك مُتابع، و ما تنسى التاق، تاقي صحبك المُكسِّل و حاسِّس إنو ممكن يستفيد من السلسلة.

و سلاام ?

#يثرب_بشير
#سلسلة_حلول_إدمان_الهاتف_والكسل
#كيان_لمجتمع_واعي_ومثمر