- ‏مستحيل نصدق جملة "تڪبر وتنسى" في حاجات مهما ڪبرنا صعب ننساها .

- أنا رأيي أن جملة "يڪبر وينسى" هي أڪبر مسبب للعُقد النفسية ليي يعيشها الجيل الحالي ، ڪله بسبب أشخاص ڪانوا يعتقدوا أن الأذى يُمحى مع الوقت ، و الحقيقة أن جزء ڪبير من شخصياتنا اڪتسبناه من أحداث الماضي .

⁣حيقعد مثبتت قولو لي فخـاطرڪم❤️‍?.

- الطبيعي و المعروف ڪ انسان حتمر بلحظات صعبه و فتره ما يعلم بيها غير الله ، ولڪن خلي ف عقلڪ و قلبڪ ديما انه الفتره هذي ما تمشيش إلا بتمسڪ بصلاتڪ و بذڪر الله ف ڪل الأوقات ، اذڪار الصباح و المساء ضروريات جدًا ، الإستغفار و الحمد ف ڪل وقت ، سوره الملك و المعوذات قبل النوم ما تهزش عليهن ، و الأهم من هذ ڪله انك ديرهم بقلب و بحب لانه الله عالم بنوايا عِباده ، و إن شاء الله ربي يجبر بخاطرڪم و يهدي بالڪم ڪلڪم ??? .

- عندي قناعة تامه أنه كل شي صار معايا م كانش مجرد شي عابر هكِ من دون قصد ، كل شي صار حتى وأنا مش فاهمه أو م عرفتش معناه يجي يوم ونعرفه سوى يفوت وقته أو لا ، لأنه أكيد ربي حاط الشي هذا ف حياتي إلا ف قصه أو حكمه مش حَ يكون من فراغ .

- ‏في الغالب انمشي واجد ، لڪن فيه حد معين حال الغاية ماتخلينش نوصله لأنهه ڪان وصلتله مش ح تعرفني من ردة فعلي .

- برغم من تقلب الاحوال من حال لـ حال ، برغم من قصصڪ الحزينة و المُحبطات ليي دايمه جاية فطريقڪ ، نصيحة حاول تخلق السعادة فيڪ ، جاهد في آنڪ تحاول تخلي روحڪ فرحانهه ولو بشي بسيط .

- عارفين ليش اغلبنا مزاجهم مش تمام ؟
عشان رخصنا زعلنا ونزعلو من ليي يسوى وليي مايسوي ، قعد ليي يجي يتحڪم ف مزاجنا وبڪلمة ولا موقف يومنا ينقلب ، المفروض زعلنا غالي ومش من أي حاجة نزعلو ، زعلنا شرف لي قدامنا فلما نزعلو من حد لازم يڪون الحد هذا يستاهل ، م تخليش سلامڪ النفسي أي حد يتحكم فيه .

ـــــــــ

- محد فينا خالي من العيوب بس الفڪرة ڪلها في الشخص لي يتحمل عيوبڪ ، ف الشخص يشوف عيوبڪ مزايا ، الفڪرة ف الشخص لي يدعمڪ ويطمنڪ مش يڪرهڪ ف نفسڪ ويحسسڪ إنڪ قليل ، شخص يساعدڪ يڪون جنبڪ ديما لما تڪون محتاجله ، الفڪرة في حد يردلڪ ثقتڪ لي راحت مع ناس ماتستاهلش .